اوروبا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
LOS-ANGELES
01-10-2022 - 03:19 pm
السلام عليكم ...بغينا نعرف شو الاجواء في تبلتسه هذه السنة ...هل في زحمه من الخليجيين ...لان وحسب معلوماتي ان السنة هذه الخليجيين مو ذاك الزود ...يعني السنه هذه تبلتسه فاضية ومافيها خليجيين وخصوصا اهل الامارات ممتنعيين عنها بعد توقف العلاج فيها ...نبغي حد من تبلتسه يخبرنا عن الوضع عندهم ولكم جزيل الشكر


التعليقات (9)
الخيال3
الخيال3
احنا سايرين تبليسته السنة خوفيتني ليش الاماراتيين امتنعوا عن السيرة هناك؟ انا اول مرة بسير

LOS-ANGELES
LOS-ANGELES
الخيال3
توقف العلاج في تبليتسه وتغير الى بانكوك
تبغون الصدق اذا الخليجيين مو موجودين في تبليتسة ...فهي ممله جدا ...جدا ....للاسف

king4me
king4me
والله غريبه / بشهر مارس كنت اهناك وكانوا يذمون العلاج ببانكوك ويمدحون العلاج عندهم وبخاصة المصحات ..

LOS-ANGELES
LOS-ANGELES
الناس يا خوي ما يعجبها العجب ولاصيام برجب

LOS-ANGELES
LOS-ANGELES
بس شوف تبليسه ملتصلح للسياحة ابدا ....مافيها شي واليوم يمر عليك مثل السنة ملل في ملل ....جربتها وهي ممله ....شرق اسيا بانكوك وماليزيا افضل بمليون مرة

Crysstal
Crysstal
يعني إذا مافي إماراتيين مافي خليجين :biggrin: .. اهل الكويت واهل السعوديه يروحون هناك وبكثره
صحيح تبليتسه بدون خليجين بيكون طفش لدرجه التشيكين فتبليتسه صاروا هم الغريبين من كثر الخليجين هناك لول ..
مااتوقع تبليتسه بتفضى لأن هاالسنه كثير بيروحون التشيك لدرجه يالله حصلنا حجز لهناك .. الله يسهل امورنا على خير بس
بانكوك صحيح انها اونس لكن تبليتسه علاجها افضل عشان المويه مساعدتهم .. بعدين إذا حسيتو باالطفش مره روحوا لألمانيا مو بعيده
تبليتسه إلي يعجبني فيها انك تحس براحه عجيبه :hypocrite..

dawoud
dawoud
السلام عليكم
انا موجود حاليا بتبليسه والديره مليانه خليجيين والجو جميل وممطر ولكن الاسعار صارت غاليه شوي وصرف اليورو الان ل100 يورو = 2400 كرونه بس احلى شي ان الحدود مع المانيا مفتوح بعد دخولهم للشينجن بدون جوازات . واي سؤال انا بالخدمه

LOS-ANGELES
LOS-ANGELES
كيف اسعار السكن هناك اخوي داوود

ام جوووجووو
ام جوووجووو
السلام عليكم
احنا الان في تبليسية وفعلا فيه خليجين
بس احنا متوهقين في المطاعم وامكان التمشية لاننا مانعرف الاماكن هنا
ياليت يقدر احد يساعدنا


خصم يصل إلى 25%