1. السلام عليكم ورحمة الله وبركاته

السلام عليكم ورحمة الله وبركاته

مدري شلون ابدا وش احكي وش اوصف وش اقول عن احلى واجمل 16 يوم عشتها بحياتي . وما ابالغ اذا قلت ان عمري اللي راح بكفه وها الستة عشر يوم بكفه
المهم يااخوان كان لي صاحب دايم ما اجلس معاه بالايام ونسولف في اي شي يطري على بالكم يعني بالعربي ما يخبي عني شي . الا (المغرب)ولا مره قال شي عنه واذا حصل ومرة سالفه عن المغرب يلتزم الصمت وانا ياغافل لك الله اصلا ما ادري انه راعي المغرب المهم سألني مره وين ناوي هالاجازه قلت والله للحين ماقررت بس في واحد يبيني اروح معه للمغرب !! ناضر في واحس انه ياشيخ وده يقوم يحب راسي طبعا انا استغربت ما ادري وش السالفهشوي قال اصبر وقام ونزل الاب توب دياله وفتحلي ملف مدري وين مزبنه وقال شوف جميع المقاطع وبعدين كلمني ,
انا من اول صوره لجنة الله في ارضه فتحت فمي طبعا من جوه اغلي ليه ماكان يسولف لي عن المغرب بصراحه ماقدرت اصبر طرت فيه على طول ياللي ما تستحي ليه ما تقولي من زمان ؟؟ ماكان رده الا خايف تنزعط مثل ما انزعطت انا.يقولها ويناضر بالارض طبعا انا سويت الام الحنون قمت اهديه شوي وانا من جوا نصاب بس ابيه يفرط السبحه ويسولف علي .
ياطوول السالفه شكلي ابي اطلع كتاب , المهم الاخ طلع له اكثر من سبع زيارات للمغرب عاد صرت اسئله ليه ما قلتلي عن جد قال من كثر ماسولفت للناس عن المغرب ما يردون عليه الا انت مسحور خلك ساكت بس واخذ عهد على نفسه مايتكلم الا مع اللي سافر للحبيبه المغرب :x1:لما تأكد اني ماشي المغرب قال انا خويك طبعا ابي اختصر ظبطنا حجوزاتنا وامورنا احنا الثلاثه
وعلى مطار الملك عبد العزيز بجده طبعا انا من عشاق ام الدنيا قبل ولاحظ قبل لكن والله حسيت بشعور غريب وانا اقص البوردنق واللي قصلي البوردنق سوبرفايزر مزعووط من سنة جدتي شوي ويبكي يقول خذوني معكم وانا للحين ( فاغر ) مادري وش فيهم الناس كذا!!!!!!!
طلعنا الطياره وخبركم بالرحله عالخطوط المغربيه الساعه 3 الفجر واطالع يمين ويسار كل الناس اللي بالطياره سمر في خاطري اقوول رايحين الصومال ؟ ماعلينا راح امشي معاك للاخر ياناس عادتي انام بالطياره والله يالنوم بديره وانا بديره الين قالو استعدادا للهبووط الرجاء مسك الانفس وحبس الانفاس
واكل العنب حبه حبه نزلنا وين نزلنا بمطار محمد الخامس بكازا ودايركت ننزل تحت ونحجز قطار ووين عالحمراء منبع زعطتي مراكش يالبا ماتخبا بس طبعا خويي مظبط الوضع ومستاجر السياره وحصلنا السواق فيها بالمحطه مدة الرحله كانت 3 ساعات خذينا موترنا (على فكره مستاجرين بنو راما )ولا احد يدقق وعلى منتجع النخيل وانا فاغر ماتخفى عليكم مراكش كطبيعه وشلالات وخضره وتعامل وادب وكل شي حلو ماخلينا مكان الا شفناه ومنها زرنا علي بالفلاح ومراكش القديمه الفناء وعصير ياعمي عصير ومن ثالث يوم اتذكر الدول العربيه الاخرى اللي زرتها وابكي على كل ريال صرفته فيها حسوفه:112: سادس يوم سرنا لام الشواطي وام الاكوتات كلها يابعد قلبي يا اغادير وفي بالي اتحسر على مراكش واقول عسى استانس فيها مثل مراكش مادريت اني طحت ولا احد سمى علي باغادير وصلنا بعد ثلاث ساعات بس عاد الخط الله يعين وعلى الفندق . طبعا النوم ماكوو اطلب الله ,وانا فاغر بس مو مثل الفغره الاوله وعشره ايام مرت عشر دقايق
وانا فاغر الحين خوي يناضر فيني ويقول وين سنارتك غرزت بمراكش ولا اغادير ؟ارد عليه بجبل القصبه طبعا شالوني شيل من الفندق ومربطيني الين طلعوني الطياره وعلى كازا هم على جده وانا فاغر .
اشتقت للمغرب وانا توني جاي ##############الله يصبرني على نار شوقي