و مين قال انه لاديفانس رخيصه !! ولا عشان بعيده عن الشانز .... شوفو الشوارع المتفرعه من قوس النصر .. مثل فكتور هوجو او افنيو هوش ...الخ

السلام عليكم
نحن اشترينا شقه في منطلقه لافالي فيلج...يعني المنطقه يديده وروعه..ومثل ماتعرفين المنطقه تابعه لديزني..يعني العماير هناك شكلها روعه..اشتريناها تقريبا ب 330000 يورو...يعني تقريبا مليون وستميه درهم اماراتي ^^
وشقتنا 3 غرف نوم..وبتخلص ان شاء الله سنه 2009 لان كل المبانتي يديده
والمكان مثل ماقتلج يديد ونظيف..وفي موول..وقرية التخفيضات.ومركز شرطه...وديزني نقدر انشوفها من المكان اللي يبنون شقتنا فيها..وقال الاستشاري لابوي..ان هالمنطقه بيبنون فيها اكبر مستشفى اوروبي واكبر محطة قطار في اوروربا.وفي بعد جامعه فرنسيه ماعرف شو اسمها..يعني الشقه سعرها بزيد مع كل سنه..ومابتخسرون فيها ابدا ^^
اختج
الوهميه,,

بنت الصقور
يعني بتقارنين الاديفانس بفكتور هوجو
الاديفانس ارخص
بعدين معروفه باريس بان المنطقه 7 و8 و16 و6 من اغلى المناطق
يعني الاديفانس بتكون ارخص

الوهميه
مشكوره اختي الوهميه على المعلومات حبيبتي
بس ممكن تقولين لي لافالي فيلج كم تبعد عن عن وسط باريس
وكيف خذتوها يعني من هناك ولا من مكتب عندكم
وصح اذا تعرفين كم مساحة الشقه ياريت تقولين لي

اي صح مشكوره اختي بنت الصقور

السلام عليكم
المسافه بين وسط باريس لفالي فيلج تقريبا 20 لين 30 دقيقه بالسياره
واحنا كنا هناك السنه اللي طافت..كنا طالعين من السوق..وشفنا مكاتب لبيع الشقق على الشارع..(عدال السوق)
ومساحة الشقه 110 متر مربع =)
وعفكره جو المنطقه ابرد عن باريس..ودايما في هالمنطقه امطار عكس باريس ^^

الوهميه
عرفت المنطقه الي تقصدينها
بس بعيده نص ساعه
الحين وانا ادور لقيت شقق في الاديفانس شكلها حلو بس ابي خيارات اكثر علشان نختار صح ان شاء الله
مع ان معاج حق المنطقه كلها مطر وحلوه
مشكوره عزيزتي على ردج

1. المنطقة جديدة وجميلة جداً ببناياتها الشاهقه وتصميمها الحديث

باللنسبة لمنطقة الديفانس فأنا شخصياً افضلها على جميع مناطق باريس وضواحيها
أولاً هي تعتبر من ضواحي باريس يعني السعر أقل بكثير من باريس و مناطقها
ثانياً مع انها من الضواحي الا انها قريبة جداً من المناطق الحية مثل شارع الشانز وغابة بولونيا وسوق الديفانس وغيرها

المنطقة جديدة وجميلة جداً ببناياتها الشاهقه وتصميمها الحديث

الذي لازم يعرفه الجميع انه لايوجد منطقه عقاريه بمسمى الديفانس اي انها مجموعة مناطق لعل افضلها منطقة بوتو و كوربوفوا...ومن خلال خبرتي البسيطه في العقار هناك ان منطقة بوتو اعلى بقليل من منطقة كوربوفا الا انها اقل من ناحية دفع التشارج والضرائب نظراً لوجود اغلب الشركات الكبيرة في هذه المنطقة لذلك فالحكومة تاخذ الضرائب منها اكثر مما تأخذه من السكان (لذلك فالمشتري لايفكر بهم دفع الضرائب مستقبلاً) , يوجد في هذه المنطقة مسجد الديفانس وفيها مجموعة المحلات والجزارين العرب وغيرها من الخدمات للسواح من مراكز ترفيهيه للاطفال ومراكز التعليم,
المنطقة الاخرى هي كوربوفوا ميزة الشقق فيها كما اسلفت اقل سعر لكن الضرائب والتشارج أعلى, طبعا افضل هذه المنطقة ماقرب من المركز التجاري وناطحات السحاب اما المنطقة الخلفيه او الداخلية فهي قديمة الى حد ما ورخيصة السعر. من مميزات هذه المنطقة وجود المسابح وصالاات التزلج والبولنج وتعدد مراكز الترفيه للأطفال وامارة هذه المنطقة مهتمه بالزوار يعني تقيم دورات مجانيه بالفرنسي وغيرها من المساعدات للسواح والاجانب
اتمنى ان اكون قد ساهمت من خلال مشاركتي ولو بجزء بسيط للمهتمين بالشراء في هذه المنطقة
سأحاول متى ما اسعفني الوقت على التطرق للمناطق الاخرى وعن الاسعار وكيفية الشراء

الراس الكبير
ماشاء الله عليك
شكلك خبره
مشكور وماقصرت والله فرحني ردك
وياريت اذا عندك خبره بالاسعار تخبرني