أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
مرحبا اخواني واخواتي
الابليكيشن الجديد معقد شوي
مثلا تاريخ ميلاد الاب والام ؟ وان وجد يريدونه بالميلادي
ثانيا
مكان الاقامه وتاريخ السفر....طيب انا ما حجزت لحد ما آخذ الفيزا سواء التكت او السكن!
اتمنى الافاده منكم
هل فعلا يجب ان احصل على التذكره اولا ؟
لانني اريد الحصول على الفيزا اولا لاعرف متى احجز التذكره والفندق
بالنسبه لتاريخ الوالدين لايوجد لدي الا السنه فقط !
تذاكر السفر وحجز السكن من ضروريات الفيزا لقبول الطلب والفيزا تاخذوقت اسبوع تقريبا لين ماتجهز ............
بس كل ما الواحد يكون مخلص شغله بدري قبل السفر كل ما كان افضل
امس بس رحت السفاره اللي بالخبر واخيرا
طبعا ما دخلوني الا لأني اخذت موعد من قبل عن طريق النت
دخلت وانا في بالي اسالهم عن خدمة تعبئة نموذج اللي هي انك تعطيهم 35 ريال وهم يعبونها
وانصدمت ان ماعندهم الخدمه هذي...فاضطريت اني اكتبها....وهي عاد 21 صفحه يالله خير
عطيتها الموظفه وقلت لها اشري عالاشياء الضروريه اللي اكتبها..واشرت لي
وجلست اكتب واكتب والمكان عندهم حر...انا اكتب واخوي يهف علي خ
ومن الاشياء اللي وقفت عندها تاريخ ميلاد الاب ..يوه انا اعرف السنه بس التاريخ بالضبط مااعرفه
قلت للموظفه ترى مااعرفه...قالت خليه فاضي مو شرط...حتى تاريخ ميلاد خطيبي..قلت بالعربي
اعرفه بس بالانجليزي لا .........قالت لا تكتبينه موشرط ...قلت طيب تبون حجوزات الفندق والتذاكر
قالت لي خليهم عندك...ولا سألت عنهم او حتى شافتهم...بس للامانه في سؤال عنهم بالابلكيشن...
هي سألت عن الصوره ( وحده بس )...كشف حساب اللي بتسافر على حسابه...وتعريف العمل مترجم
واهم شي فلوسهم....
بعدين البصمه ما تاخذ دقيقتين وحاجه موجهه لك زي الكاميرا تطالعك فيها مدري وش ذي بعد خ
متى تطلع الفيزا؟
قالو نكلمهم يوم الثلوث...قلت اي معصي تردون ا.. نا كسرت التلفون اتصالات عليكم وانتو حقران
قالت لا حرام اكيد مشغولين... شدعوه ؟!
بروح الربوع ونشوف
والله يستر...لأن حجزي يوم الاثنين الجاي
حنا حجزنا التذاكر ، بس بنقطعهم 1 / 7 / 2008 م لأن السفر ان اراد الله
بتاريخ 1 / 8 / 2008 م ، و بالنسبة للسكن اذا وصلنا هناك بنحجز ؟؟؟
طيب كيف اعطيهم حجز السكن و حنا اذا وصنا هناك بنحجز ،،؟؟
تكفون بليز هلبي مي ؟؟
بالنسبة لميلاد الوالدين اذا ماتعرفهم بالميلادي حاول انك تحولهم من الهجري ومواقع التحويل كثيرة بس اكتب بقوقل تحويل وياكثر مايطلعلك ، واذا توهقت بس عطنا سنة ميلادهم وابشر بعزك مانقصر معك،،،
وبالنسبة للسكن لازم تحدد موعد السفر بناء على التذكرة اللي مصدرها لانهم راح يطلبون منك تذكرة وايضا السكن يفضل انك تعمل حجز ولو وهمي ،،،