البحار511
25-03-2022 - 11:41 am
أنشاء الله ناوي أزور دولة الكويت نهاية الأسبوع مع العائله عن طريق الخفجي وناوي أجلس 3 أو 4 أيام وهي المره الأولى اللى أزور فيها دولة الكويت لوسمحتو ياشباب أبي برنامج مختصر منكم خلاال هده الأيام القصيره أستطيع أن أستمتع بالزياره وأهم شى ياشباب تدلوني على شقق عائليه حلوه وسعرها معقول
ولكم مني كل الشكر والتقدير
البح ار
اول شي الاسواق
الصالحيه - للكبار ومكان هادي
الفنار - مكان ممتع للتسوق
مارينا مول - عالم من التسوق والترفيه ( اكبر مول بالكويت)
سوق شرق - مكان جيد خاصة الصبحأماكن ترفيه
ملاهي :
طبعا المدينه الترفيهيه ( بعيده شوي عن العاصمه وموجوده بالدوحه ولكنها تستحق المشوار)
حديقة الشعب علي شارع الخليج
بولينج وبلياردو وصالة جيمز
طبعا كوزموو - سوق السالميه ( اكثر الناس يسمونه سيتي سنتر السالميه)
مطاعم اوف راح اتعب وانا اقولك
يوم الاربعاء اتغدى بفرايديز - مهم انه يكون يوم الاربعاء
عندك انواع من المطاعم لكن انا بذكر الافضل لدي
فرايديز
ابل بيز
روبي تيوزدي
أشاز- هندي موجود بمارينا مول صوب البحر
مغل محل - هندي موجود بشرق
قيصر - خلف الشيراتون
مقاهي
جميع الماركات اللي تطري ببالك موجوده وفيه غيرها
ستاربكس
كوستا كوفي
سكند كب
وفيه واحد توه يسوون ديكوراته بس شكله رهيب كولومبوس
لاسيجال
فرش
هاجن داز
الوجبات السريعه :
كل اللي يطري ببالك
مطاعم وكافيهات نظام فلل واغلبها جوها لبناني
قصر النخيل
بعلبك
قصر السرايا
كلاسيكال
جراند كافيه
قصر البردوني
فيه مطاعم اذا انت من النوع اللي يحب الجو الرومانسي والهادي والغريب
فيه مجموعة مطاعم تقع بجانب الشيراتون وقريبه من البحر وهي عباره عن بيوت قديمه بس مسوين لها ديكورات روعه
وفيها جلسات خارجيه رهيبه وكلها شموع
اسأل عنها وراح تعجبك اذا كنتوا اثنين او ثلاثه وبدون اطفال لكن اذا معاكم اطفال وكان عددكم كبير ماانصحك فيها لانها هاديه بشكل رهيب يعني ماتصلح للعوائل الكبيره
وانصحك با ( لابياتزا) مطعم ايطالي عجيب
شقق:
انا عمري ماسكنت بشقق بالكويت لأني من سكانها لكن من خلال متابعتي للمنتدي الغالبيه تمدح رويال سويت
والسالميه بلازا انا اقولك انه السالميه بلازا موقعه قريب من المجمعات وعلي شارع سالم المبارك واهو اشهر شارع تسوق بالكويت وعليه اغلب المجمعات الكبيره
هذي اهي اختياراتي واتمني اني اكون فدتك بشي وزياره سعيده انشاءلله