دامك ختمت اخوي دخول ماليزيا ماعندك مشكله بانك تتمشى فيها
يوجد فندق بالمطار على كلام الإخوان .
واذا تبي تروح فندق بكولا انصحك روح هيلتون كولا بالقطار السريع نص ساعة من المطار الى الفندق مباشره تنزل من القطار على الفندق وسريع القطار تتمشى بكولا وترجع على المطار عن طريق القطار
الله ييسرلك سفرك يارب

mr_3838
ياليت الشباب يفيدونا في هذا الموضوع الانتظار في كولبو (سيرلنكا)
وشكرا

حصل لي مثل هذا الموقف من 4 اعوام فمدد اليوم الى ثلاث ايام وجلست في فندق تاج وحجزت من الفندق جوله سياحية بالمدينة وكذلك مدينة كندي فهي راقيه وفي مكان مرتفع
بخصوص حالتك اسكن في احدى فنادق كولمبو واطلب منهم جولة من الصباح حتى المساء برتبون لك شي حلو

وانا بعد نفس الحاله ولا ادري وين اروح

الفندق على الخطوط
وراح يجمعونك كلكم ويركبونكم باص وياخذونك للفندق
وهو يبعد تقريبا ساعه الفندق ممتاز وعلى البحر طبعا
هذا اذا هو نفس فندقنا اللي حجزوا لنا فيه واليوم
الثاني يمركم الباص وترجعون للمطار يعني سهالات
ان شاء الله

لا تطلع من الفندق ، لان حكومتنا السنة الماضية حذرت بوسائل الاعلام من السياحة في سريلانكا ، لانها غير امنة ،،
الكلام العام الماضي ،،
بعدين ياخوي وش محرقك ، وين اروح وين اجي ، روق ووسع صدرك واستشعر انك خلاص ما وراك دوام ولا ربطات ومواعيد ولا وجع راس ، حسس نفسك انك منقطع عن الناس ، وعش هالجو 24 ساعة الي ما تحلم فيه انك بهالمنطقة لحالك من دون معارف,,

معليش اخوي تلخبطت الامور عندي يبيلي نظارة
قريتها كولا لبور من حبي لها ههه
انا ما اقدر افيدك بمطار كولمبو بس سرلنكا جدا جميله واتوقع يأخذونكم على فندق من المطار
الله يوفقكم وشكر للأخوان على الملاحظة

الميكادو
الفنادق في سريلانكا
مميزه اجمالا
فقد يكفيك الفندق عن الخروج
و لكن
اذا امكن انك تاخذ جوله سياحيه فزيادة الخير خير
ولو عطيتنا وقت الوصول
و وقت المغادره
يمكن نفيدك اكثر
لانه
اذا كان وصولك مثلا الظهر و انت تبي تمشي ظهر اليوم الثاني
ففي هذه الحال الخروج مع قروب لجوله سياحيه سيكون صعب
و كذلك
حدد مكان السكن
لانه ممكن يكون في نيقنبو
و ليس في كولومبو
بالمناسبه
الحركه المروريه صعبه للغايه
يعني لا تقول بس عشره كيلو
لان المشاوير عندهم بالوقت
مو بالمسافه
اما الناحيه الامنيه
فصعب اقول ان البلد آمنه خاصه كولومبو
ففي الفتره الماضيه
تحديدا في يوم الجمعه بتاريخ 16 مايو 2008
حدث انفجار مقابل فندق الهيلتون بكلومبو و قريب من فندق قلاداري
و كذلك يحدث اقتتال و لكن في شمال الجزيره
سلام