هلا وغلا فيك
أتمنى أخدمك
بالنسبه للسكن أنا ماأعرف كثير شقق لكن فيه السلطان وفندق f.k.sاربعة نجوم
كان سعر الغرفتين بدورتين مياه وبوفيه صغير بالصيف 850 ممكن في غير الصيف تكون أرخص
بالنسبه للمنتزهات فيه كنز أبحر مره روعه مطعم وجلسات والعاب خفيفه
وتأجير لنشات
حلو الغدا فيه لانه فيه صاله مغلقلقه وبعد مايبرد الجو تطلع للجلسات العلويه في زي السطح
كذلك مطعم السقالة بأبحر حلو الغدا فيه جو البحر وجلسات العوايل في الدور الثاني وتشوف البحر والنشات رايحه جايه
فيه مدينة ألعاب مائيه رائعه مناسبه الىمن عمر سنتين الى 11 سنه على البحر وفيها جلسات ومطعم ويلهون الصغار عنكم وتستانس انت وام العيال بأجواء رومانسيه اسمها الشراع انصحك تروح من اول العصر
وفيه مندينة العاب مائيه للكبار حلوه بس نسيت اسمها وبرضو تناسب الصغار
هذا اللي أذكر الان وأحسها من اجمل الاماكن بجده لو ذكرت شئ ثاني بأرجع لك
الله يسهل أمرك

في مطعم الاحلام بابحر جلسات روعه على البحر واطفالك يشاهدون السمك يمر من تحتهم جدا رائع .
لاتنسي زيارة جنغل لاند يستمتع اطفالك بالالعاب ولو حبيت سهره حلوه انت والمدام مطعم العرائش روعه بجنغل لاند .
ايضا درة العروس فيها شاليهات حلوه او لو تريد زيارتها المرسى فيه امكان عشى وسهره .

العزيز الليل ..
أهلاً وسهلاً بك فى جدة
ماقصروا توتى وسفيرة الأحزان بالنسبة لأماكن الزيارة ، وبالنسبة للسكن أنصحك بشقق المهيدب نظيفة وأسعارها حلوة وعندك فرعين لهم ، واحد فى شارع الأندلس خلف هارديز مباشرة والآخر عند تقاطع شارعى فلسطين والستين إثنينهم مواقعهم متميزة ، زوإن كان فرع الأندلس أقرب للبحر
ولاتنسى رد سى مول

شكرا اخوي شاعري وما قصرت ولكن ابغى رقم الشقق اللي تمدحن لي وباخذها على شورك بدون ما اشوفها

شكرا اختي توتي وسفيرة الاحزان

العزيز الليل شكراً على ثقتك الغالية وإن شاء الله بتنبسط فيها ، علماً بأن الشقق فيها dsl
فرع شارع الأندلس : 6579091
فرع شارع الستين (أقرب للبيك :101 2844454

مساء الخير انا ايضا جاي لجده اسبوع واضم صوتي لصوت اخوي اليل ونرجو التفاعل خصوصا من الاخوه الاعضاء سكان جده

مساء الخير لجميع اعضاء منتدانا الرائع وهلا بكم بجدة غير ...بس حطوا ببالكم الحر كمان غير ...
عندك اخوي منتجع النورس موفنبيك في الكورنيش جدا رائع فيه مطعم مفتوح على البحر واسمه ( التراس او الامواج )
وكمان فيه مطعم مغلق اسمه ( الودعه ) ولو دخلت كمان شوي رح تلاقي الشاليهات .....المكان جدا رائع وانصحك بالاول( المطعم المفتوح ) تتفرج على الامواج وهي تتلاطم ( حلوة تتلاطم.... ما عرفت نفسي وانا اكتبها) .
ولمل تخرج منه مر على ملاهي الشلال عشان تهضم تراها جدا قريبة منه.
كمان عندك شارع الروضة وانته نازل من الكبري المربع ومتجه غرب المنطقة مليانه مطاعم راقيه واخص لك مطعم قصر تاج محل ( هندي واكله يهبل ) ومطعم خليج الصين .
طبعا لا تنسى تمر ابحر (بضم الحاء) منطقة مليانه منتجعات على البحر تتفرج على الدبابات البحريه وتقدر تستاجر لنش وتركبه مع العائلة ........رحلة سعيدة انشالله

حياك الله في جدة ام الرخا والشدة
اهم شي في جده انك تزور التالي :
تكشت على البحر خاصة كورنيش الحمراء عشان تشوف النافورة
وتزور ملاهي الشلال روعة على الكورنيش
وملاهي الجنقل لاند بعيده شوي عن جده بس تستاهل العنوة خاصة ليلة الجمعة
الاسواق اشهرها واهمها حاليا
رد سي مول طريق الملك جديد وكبير جدا الملاهي حقته رائعة
الاندلس مول تقاطع طريق الامير ماجد مع الملك عبد الله جديد وكبير
عزيز مول فيه اغلب الماركات والمطاعم
ولاتنسى شارع التحلية كله اسواق ومطاعم وتماشي
وللاكل شارع حراء والكورنيش وفلسطين حي الحمراء
هذا مالدي حاليا واي شي يخطر في بالي راح ازودك به