الى الان مافي رد جزاكم الله خير ارجوا الرد من اهل الخبره
تحياتي

اخوى .. اولا مبروك البعثة ... ثانيا، لو تشيك على لستة الجامعات المعتمده من قبل التعليم العالي عندكم ... و راح نساعدك في الاختيار ان شاءالله ...

مرحبا اخوي بدر ومبروك على البعثه وتستاهل الخير وإن شاء الله تحصل مرادك
اسمع اخوي انا بعطيك نصيحه واتمنى تاخذ فيها
شوف .. صدقني يوم تسأل الشباب بارك الله فيهم عن المدن مثلا والامان والوضع صدقني ماراح تتكون عندك فكره اميه بالميه مب مرتاح بالك , لان كل واحد بيمدح في المدينه اللي اهو عايش فيها , يمكن اهو عاجبته بس انت ماتعجبك صح ؟
فا عشان جذي انا عندي لك راي , انك ادش موقعين اولهم هذا ..
http://nuks.org/
هذا موقع الطلبه الكويتيين في امريكا وفيه نشاطات الشباب هناك في المدن الامريكيه وطبيعة المدن وما الى ذلك , راح تستفيد منه
وهالموقع بعد ..
الملتقى السعودي بأمريكا http://sfa.saudiclub.us/vb/index.php
هذا سلمك الله انا اعتبره مرجع والله مرجع من كثر المواضيع اللي تضم معلومات عن مدن كثيره في امريكا
وانت خابر ان السعودين لا اله الا الله عددهم مب شوي في امريكا اعتقد وصلو 10 الاف طالب وطالبه , وصراحه مافي احسن منهم والنعم فيهم ويساعدون .. انا ساعدوني يوم سألت وماقصرو معاي
فا انت بمجرد مادشه وتقرا المواضيع يوم يومين راح ترتاح نفسيا لانك بتكتشف المدينه اللي ودك تسكن فيها
وبالاخير ماقول الا الله يوفقك في دراستك وترد بلادك معاك الدكتوراه اللهم امين
مع السلامه

الله يجزاكم خير اخواني وبصراحه ماقصرتوا
الله يوفقنا اجمعين انشالله...اللهم امين
تحياتي