اوه ياسعودي
05-09-2022 - 02:20 am
السلام عليكم ورحمة الله وبركاته . .
مساء الخير .. اخواني انا موظف وأريد تعلم اللغة الانجليزية في بريطانيا ولدي العديد من الاستفسارات الاولية
انا بالنسبة لي اعتبر نفسي جيد من ناحية المفردات ولكن المحادثة مقبول ..
((( اريد اتقان اللغة تحدثا وكتابة كم المدة لاني ان شاء ناوي اخذ اجازة واروح اتعلم لغة على حسابي )))
ابي تعطوني المدة التقريبة هل ست شهور سنة يعني ابيكم تحددون لي بالضبط
ومشكورين مقدما ..
الدراسة في بريطانيا
شوف يا أخ أه يا سعودي ... أنا أكلمك الأن من بريطانيا وبالتحديد من بورموث وأدرس في معهد لغة إستعدادا للجامعة ودراستي فيه هو للتأقلم مع الجو العام لأن ولله الحمد لغتي جيده بس اللي لاحظته وهذي نصيحة أخوية لك ولوجه الله لاتجي لبريطانيا علشان تتعلم لغة في فترة الصيف لأن معاهد بريطانيا في هالفترة مليانة من ربعنا السعوديين يعني بالمختصر تأخذلك كم ساعة إنجليزي وبعدها مع هالشباب سوالف يعني كأنك يابوزيد ماغزيت ( كأنك ماخذ الكورس في السعودية ) على العكس لو تجي في الشتى مافي عرب وإذا في تلاقيهم مايذكر عددهم وفعلا تستفيد وبالنسبة لتكاليف الدراسة فماتقدر تحددها لأن عندهم هالأمور تختلف من منطقة لمنطقة يعني على حسب تلقى مناطق غالية وغيرها مناسبه وهكذا .
حبيت أعطيك هالنصيحة لوجه الله وهذا أنا لاأعرفك ولاتعرفني وإنت وكيفك ...