رحـ العمرـال
20-07-2022 - 09:27 pm
اليوم انهيت بعض اجراءات الحجز واستلمت التذاكر وسوف اعرج على اقادير لمدة خمسة ايام فقط
شيكت مع بعض مكاتب السفر ولقت فندق امادل بمبلغ 600 ريال غرفة مزدوجة على البحر
ولكن سمعت عن مضايقات في الفندق وعن تدني مستوى الخدمة والخ .... هل هذا صحيح
في نفس الوقت لقيت ***************
انا قد سكنت في اماديل في 2006 وكان اكثر من جيد هل تغير او انهم تعودو على الاكراميات، امل من الخبراء الافادة
تحياتي
****************
خلك في أماديل تراه زين 00 بس رتب ونسق وضعك معهم هناك 00 ولو تقدر من هنا يكون أحسنخذ تلفون مدير الفندق إذا تقدر وتفاهم معه 00 وجب له دهن عود والا بخور والا ساعه أم 20 ريال من أقرب باكستاني يبيع ساعات وحطها في علبه مغلفه قيمتها اعلى من قيمة الساعه والا جبله اي هديه انت تشوف انها مناسبه علشان يتهلا فيك مضبوط
ترى الهدايا اللي الكثير مستخسرها وهي ما تجي كلها 50 ريال والله يا إنها تسوي شغل عظيم 00 وبقول لك سالفه صارت معي في سفرتي الاخيره قبل شهر
نزلت لمراكش وكنت مكلم مكتب الدرقاوي قبلها بشهر وحاجز عندهم 00 وكنت اتواصل معهم تقريبا كل 5 أيام أشيك على حجزي 00 وكانت ترد علي نفس الموظفه وإسمها بشرى 00 عموما قبل سفرتي بيومين نزلت سوق الدمام كان في أغراض باخذها مناك 00 وانا ماشي لقيت محل بخور وما بخور 00 وانا اطق لي ذاك البخور الدوسري أبو خمسه ريال شريت لي 5 حبات ب 20 ريال الخامس خذيته من الهندي غصبن عليه ببلاش ودهن عود كمبودي ابو خمسه ريال وانا اللي احطها مع الشنطه الصغيره اللي كانت معي ما حطيتها مع شنطة الملابس 00 ويوم وصلت مراكش ورحت لمكتب الدرقاوي قابلت نفس الموظفه سلمت عليها عرفتها بنفسي عرفتني 00 عطتني مفتاح شقتي عقب ما خذت الجواز وحطته على طاولة الكاونتر قدامي 00 وانا اللي اطلع علبتين من البخور ذا حق الحريم وانا اعطيه اياها 00 قلت له هذي بخصوص حسن التعامل اللي بادلتيني فيه خلال الوقت اللي فات 00 وهي اللي تسحب مفتاح الشقه وعطتني مفتاح ثاني 00 هذي وش معناتها 00 معناتها عطتني شقه ثانيه أحسن من الأولى 00 مع إني ماشفت الشقه اللي عطتني إياها أول شي 00 لكن يوم دخلت الشقه الثانيه عز الله انها شقه وكان أثاثها جديد ونظيف وشغل مضبوط
وهي الشغله كلها بخور أبو 5 ريال لا راح ولا جا
إحرص على الشي هذا مثل ما قلت لك 00 تراها بعض الأحيان تسلك أمورك أكثر من دهن السير 00 إما إذا سالفة الهدايا ذي ما نفعت
عليك بالعين الحمراء
وهذي هي
تحياتي