هلا وغلا أختي جوجو
بالنسبه للميزانيه اشوفها شويه للأسف ياليت لو تزودونها شوي
او انكم تقللون المده شوي وتحذفون كان لأن كان بحد ذاتها غاليه وفنادقها غاليه أغلى من باريس
وبالنسبه للتنقل اسهلكم وارخص لكم اكيد المترو رخيص ويوديكم اي مكان تبونه
والمطاعم والقهاوي في باريس يعني أكثر اللي على الشانز غاليه وماتقارن بعندنا في السعوديه بس ممكن بعض المطاعم او القهاوي اللي تكون بعيده من الشانز تكون ارخص
بالنسبه للسكن اتوقع شقه تناسبكم لأن فندق اكيد راح تاخذون اكثر من غرفه لأنكم كثيرين فاذا حسبنا ان الغرفه ب 1000 ريال لليله يعني غرفتين 2000 ريال لليله باعتبار ان الفندق على الشانز
والشقق اللي على الشانز جدا غاليه يعني اقلها 400 يورو يعني تقريبا 2400 ريال فأحسن شقه بعيده عن الشانز في اللاديفانس مثلا يمكن تكون أرخص
علشان كذا لو تزيدون ميزانيتكم شوي وتقللون المده وتحذفون كان هذا من رائيي الشخصي
وبالنسبه لديزني انا أشوف اني اروح لها من الصباح الى المساء وارجع بنفس اليووم انها تكفي ومايحتاج انكم تنامون فيها
ان شاءالله اكون أفدكم وماأكون اني ضيقت صدرك بالنسبه للميزانيه

انا اشوفها كافية اذا نقصتوا من فترة ايام الرحلة .. يعني اشوف 10 ايام كافية
و على فكرة باريس كل شئ فيها غير حتى هواها غير .. لذلك انا اشوف ان السكن فيها يوم واحد مثل السكن لمدة شهر لاانك ماراح تملين ابد ابد
المهم خلوا لكم خطة سير تمشون عليها و اعرفوا وين تبون تروحون و وش تبون .. على فكرة اوروبا كلها ديرة نهار يبي لكم تقومون من بدري حدكم 9 الصباح او قبل بعد .. و الشانز كل مامريتوه تمشوا فيه شوي و مروا احد الكوفي شوب اللي فيه و الليل فيه مطاعم كثير حلوة فيه مطعم مره تعشينا فيه اسمه ( انتر كوت ) خاص بالستيك بس و الله شئ يجنن لازم تجربونه و مااعرف وش اسم المكان اللي هو فيه بالضبط لكن اللي يسئل مايتوه ..
و انا اشوف ان عشرة ايام راح تكون كافية لكم انشالله و بالتوفيق و مثل مااقول لكل واحد اعرفه باريس لازم تروح لها لو مره واحده في حياتك لاانها بالفعل ما في زيها

ممكن 70 الف تكفيكم بس قللوا المدة خلوها من 10 الى 14 يوم
او زيدوا مثلها 70 الف واجلسوا 25 يوم وتسوقوا وانبسطوا
طبعا شقه افضل لكم ... وبرضو المترو راح تستفيدون منه مرة
وان شاء الله تنبسطون

الله يعطيكم العافيه على اجابتكم لكن السوال هل ال 70 الف داخل معها التذاكر والا مادخلت
واذا خليتها 7 ايام في كان والباقي15 يوم يعني اسبوعين في باريس
يالله شفتو قللناالميزانيه عشان خاطركم
وابي اطلب طلب ثاني
ال 100 ريال كم تعادل بليورو يعني كيف احسب اذا قالو لي 250 يورو كيف احسبها
هل سعر التذكره سياحي 3423 ريال الرياض نيس باريس الرياض
انا مره شاكره لكم انكم علمتنوني بعض ااستفسارات لاني ما رحت لباريس ودي اروح لها وانتم ما تقصرون معانا

عزيزتي انتم بالفندق يحتاجلكم ثلاث غرف لان الغرفة الوحده تشيل اثنين وماأعتقد انهم يسمحوا بأكثر من كذا في غرفة وحده
والولد طبعا لحاله
3 غرف الغرفة بالفنادق الرخيصة بحدود 1000 ريال مابين أغلى وأقل يعني بالليلة بتدفعوا 3000 ريال
0ريال في* 25 يوم = 75000 بكذا خلصت الفلوس وفوقها زياده هذا بس للفندق ولا تقولي ممكن ارخص لان الظروف خاصة بفرنسا معقدة فجأة الفندق سعره ارتفع وفجأة عليه عرض
والشقق غالية مثل ماقالو الاعضاء الا لو سكنتي بعيد
يعني المدة كبيرة وانتم ما شاء الله كثيرين صعبة
اقتراحي
شوفي دول غير فرنسا لان أنا لاحظت ان فرنسا الأغلى بين دول اوروبا
مرة قريت يافي النمسا او سويسرا ان في شقة ب500 ريال بالليلة فشوفي الأفضل وقرري
الله يوفقكم

اقتراحي الشخصي :
ال 70 الف اذا بدون تذاكر ان شاء الله بتكفي بس اذا كان السكن شقه والسوق قليل الزيارات .
الشي الثاني ممكن انكم تسكنون بنيس وتنزلون الى كان لان المسافه بتكون 20 دقيقه بالقطار .
وبالنسبه للصرف اذا قالك 250 يورو اضربيه ب 5.7 تقريبا ويطلع بالريال .
واذا في امكانيه زياده للمبلغ يكون افضل .

hii all
شرايك تاخذوني معاكم وأنا ازود الميزانيه شوي يعني بحدود 25 ألف من غير حق تذاكري.
هاه وشقلتوا ؟؟

شكرا على مشاركتكم بس يعني من رايكم اغير فرنسا يعني وين اروح
طيب اجل بروح ماربيا اسبانيا وش رايكم تكفي خساره كنت ودي اشوف دزني مع لابنات
بس بسمع كلامكم واغير
لاكن المشكله ان حجزي اوكي ذهاب ورجعه الحين كيف الاقي حجوزات كلش مسكر

عزيزتي انا لم اذهب الى فرنسا من قبل لكن نصيحتي لك اما ان تبحثي عن فنادق بعيده عن الشانزيليزيه لان كما ذكروا اهل الخبره ان باريس ربع مدينة جدة .
او انك تذهبي الى مكتب للسفر والسياحيه لأن عندهم عروض الى باريس وايضا دول اوربا الأخرى
وهناك نصيحة شخصية ياليت لو تخصصوا رحلتكم بالتمتع بالمعالم السياحيه اما الشانزيليزيه يكفيه زياره مره او اثنين وكذلك التسوق يكون لشراء الهدايا والتذكارات زلأن اسواقنا بها كافة البضائعز والشانزيليزيه للأستعراض والتفاخر (رأي اهل الخره بباريس).