بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



abaade_kk abaade_kk
لك مسافر عودة .....
15-03-2012 - 12:20 am

لكل مسافر عودة ولكل مغترب رجعه وهذا انا رجعت لكم بعد غياااااااااااااااااااااااااااااااااااااب طويل بقوة بعد بس الظروف تحكم .


حقيقه كان لهذا المنتدى الرائع والاعضاء الاروع الفضل الكبير بعد الله سبحانه بمعرفتي بتفاصيل الرحله كامله الى باريس الصيف الماضي لاكن بعد رجوعي من السفر كل المعلومات بداءت تتبخر حتى رجعنا الى مرحله الصفر .


واليوم انا جاي لكم وابي خدمه صعنونه :114:من اروع اعضاء :24:بهذا المنتدى ومن الي يواعدون عند الكفيااات ولا يجون ومن الي تقاطو بوايت مويه عشان فندق الماريوت والكفي حقه :109::109::109:


عندي اخو زوجتي بيروح لباريس لمدة اسبوع هو وزوجته واولادة الخمسه يعني مجموعهم 7 مسافرين :114:

وطرحت عليه انه ياخذ شقه فندقيه ازين له من الفنادق لاكني نسيت كل المعلومات المتعلقه بالشقق واتوقع ان اسعار العام الماضي تختلف عن هالسنه لانه فيها زيادة صح ولا لا ؟؟


المهم يا احلى اعضاء هو طلب مني اسماء شقق تكون رخيصه واذا فيه سواق مع سياره يكون افضل لانه ما يبي ياجر ولا يبي ينتقل بقطارات بين معالم باريس . وتراني نصحت يا ياجر يا قطارات بس هو رفض الفكرتين وقال ابي سياره بسواق .

فالي عنده معلومات عن هالحاجتين ياليت يفزع لي واكون شاكر لكم .

المده اسبوع . الفترة غير معلومه بس الارجح بعد المدارس باسبوع .





المشاركات

abaade_kk abaade_kk
لك مسافر عودة .....


وعلى فكرة راح يطلع لجنيف بالقطار من باريس فا ياليت شي يكون محطة القطار قريبه منه .


mzoon mzoon
لك مسافر عودة .....


اهلين اخوي ..


فيه شقق فريزر هارموني ... شقه غرفتين نوم بـ 400 يورو ..

موجوده في منطقة اللاديفانس.. و قريب منها محطة المترو اللي تروح ديزني ..

بالنسبه للسياره مع سواق ماعندي علم ..



بعدين اسافر بعدين اسافر
لك مسافر عودة .....




هلا اخووي عبيد ... اول شي الحمد لله على السلاامه .. مع شوويه عتب علييك ..

والله انك قبل فتره في بالي واقوول الرجال ذا وين غطس

قلت بس لايكون غطس باحد الويت اللي حوول المااريووت خخخ ...

بس هالسنه بنسوويها مسااهمه او جمعيه من هالشهرر .. عشان مانتووهق ... خخخخخ

وانا كل سنه مووعدي مقهى المااريووت .. بس لاتقوول هالسنه منتت براايح ...

ابشرر باللي طلبته كله مووجوود وانا اخووك .. بس ارسلي رساله موجوده في المكان

وعندي لك شقق يحبها قلبك وبموواقع كوويسه واسعاار حلووه .. انا اخذت ستديو بجنب الماريوت

ب 1040 يورو بالاسبوع وافخم من المااريووت بنفسه ... والسوواق انا مانصحك فيه ...

لانه غاالي .. بالحيل ... ولو افترضنا انه بيسكن حول الشانز مايلزم سوواق .. لان اكثر المواقع حووله ..

ماعدا ديزني لاند وفرساي والابرا .. بس اذا مصمم مو مشكله نشووف له طريقه افضل .. انه يستاجر

سياره ويجيب سوواق من برى يمكن يقل عليه السعرر .. بس انت اهم شي لاتقوول منت براايح هالسنه


paris forever paris forever
لك مسافر عودة .....


مرحبا أخوي عبادي وين الناااس ماشاءالله ناس قاعده طول السنه هنا مثلي :D وناس ماتنشاف الى من صيف لصيف :105:

المهم اذا تبي ارقام سواويق في باريس تفضل هذولي بعضهم بس تراهم غاليين كحال أغلب السواويق في باريس :102:

هذا رقم سواق الاول : 0033609245528
سواق ثاني :77679803 00336


abaade_kk abaade_kk
لك مسافر عودة .....


مزون اشكر لك مشاركتك .

بعدين اسافر هالصيفيه صعبه جدا الروحه السبب الاول الدوام الثاني في بيبي جاي على وقت الصيفيه فا صعبه جدا الروحه هالسنه لاكن الصيف القادم باذن الله . بالبنسبه للشقق يكون افضل وماعنده مشكله تكون بعيدة عن الشانز . غير كذا تراهم 7 نفر مع الرز قصدي اشخاص خخخخخخخخ .

وبالنسبه للسيارة زي ما قلت في اول الموضوع هو رافض انه يسوق او ياجر سيارة وقلت له تراهم غاليييين بس مو مقتنع لا ياخذ سيارة ولا قطار يبي يستاجر سواق بس ممكن انه يستاجر سيارة ويجيب سواق من برا ممكن تكون ارخص زي ماقلت .

بعدين وش الي ارسلي رساله موجودة بالمكان ؟؟؟ .

باريس فور ايفر والله كنت مشغول من اخر دخول لي ( قبل ست شهور الا اليوم ) ودخولي مو عشان الصيف صدقوني بتلقوني مشغلكم في كل موضوع بغطي عليكم وانتم مسافرين تجون تلقوني مشرف فرنسا مع بنت الصقور لووووووووووووووووول هههههههههههههه .

يعطيكم الف عافيه على تفاعلكم معي ومشكورين يا احسن منتدى واعضاء .


abaade_kk abaade_kk
لك مسافر عودة .....


صح نسيت بالنسبه ارقام السواقين هل هم عرب ولا لا ؟


بعدين اسافر بعدين اسافر
لك مسافر عودة .....


عباادي كي كي ..

وش هالذكااء يااربي يحفظك .. البنت حاطه لك ارقاام اكييد بيكوونوون عررب ...


وبعدين اخبرك تفهمها وهي طاايره .. مدرري وش فيك ..

طيب رح للملف الشخصي .. وافهم ياخي .. عشان ترسلي رسااله ...


واجيب لك شقه ... بسعر فووق الممتااااز ... سبعه نفر والا

خمس نفرر ... ماايهمك .. ابشرر بعززك ... ومثل ماقلت لك الطريقه الافضل والاوفر

يستاجر سياره باسمه ويحط له سوواق كذا افضل واوفرر بكثييييييييييير ...


abaade_kk abaade_kk
لك مسافر عودة .....


انا فاهمك بس مافيه خاصيه ارسال الرساله الله يرضى عليك

خذ ايميلي من ملفي .


Nasser 1 Nasser 1
لك مسافر عودة .....


مرحباااااا

اعذرووووني بس شدني بعدين اسااافر بسالفة الشقه اللي جنب الماريوووت

لو سمحت اخوي بعدين اسافر عطني معلومات اكثر عنها بلييييز
واسف مرة ثانية اخوي عبادي



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

لك مسافر عودة .....