S.L.F
13-10-2022 - 06:36 am
السلام عليكم ورحمة الله وبركاته:
أنا يا إخوان أول مرة أسافر خارج الخليج ، واخترت أن يكون شهر العسل في ماليزيا ، إن شاء الله 20 يوم (ودي أكثر لكن حسب الميزانية ، لأني مدري كم تكلفة الرحلة!!).
أبغاكم تساعدونني في تحديد بعض الأشياء عشا ني مدري وش السالفة ، وأنا ما بعد حجزت لأني مدري كم بتكلفني الرحلة وأنا بانتظر ردودكم وباحجز علطول.
1- الموعد المتوقع للرحلة 24-26 يونيو (شهر 6) ، وأنا ما بعد حجزت ولا سويت شيء ، هل وضعي عادي ، ولا اعتبر متأخر؟
2- هل هو صعب أني ألقى حجز طيران وفنادق في الفترة هذي؟ لأني ما بعد حجزت قاعة العرس! فإذا كان حجز الرحلة مهب صعب ، رحت وحجزت القاعة ثم استقعدت لحجز الرحلة.
3- كم تكلفة الرحلة تقريباً (الرحلة شهر عسل لمدة 20 يوم) بكل شيء ما عدا التذاكر؟ (تكفون عطوني رقم تقريبي عشان أحجز العودة إذا خلصت فلوسي)
4- وش الطريقة في الرحلة؟ هل أحجز بنفسي الفنادق والطيران؟ ، أو أروح لمكتب سياحي يسوي لي برنامج لمدة عشرين يوم ؟
5- من وين أحجز طيران؟ عن طريق النت ولا مكتب؟ والفنادق كييف؟
5- أبغى توزيع سريع ل20 يوم ، (مثلاً تقولون: كوالالمبور 4 أيام ، لنكاوي 2 يومين ، ..إلخ) تكفون تراي ما أدري وش الطبخة.
6- أبغى نصايح سريعة وخفيفة وأي شيء تحسون أنه مهم لي.
الله يرحم والديكم،،،
وراح افيدك اكثر من خلال التواصل معي
تحياتي لك
الباسل