كوالالمبور المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
فتى العاير
11-06-2022 - 09:14 am
كنت ممن قدر الله علي ان احجز عن طريق مكتب المؤيد ( الله يجيرك )
بعد ما ضحكوا علي في الحجز لما كنت حاجز على السعودية وقطعت التذكرة ... دقيت على السعودية بعد كم يوم اتأكد من موعد الاقلاع ... (سوف يتم تسجيل محادثك مع المأمور آليا....) ههه هذي خطمة !!
المهم رد علي موظف الخطوط وقال ... مالك حجز يالحبيب ؟؟!!
قلت انت صادق ..والا تغشمر ...
قال اقول من وين حاجز ؟؟ قلت من المؤيد ..؟!
قال حبيبي رح لعندهم وخلهم يدبرون لك حجز ... حجزك هذا الله يخلف عليه ....
قلت : طيب .. وش ... كيف .... انا قاطع تذكرة ...كيف يكون هذا الكلام ؟؟؟؟؟؟
قال يا اخي اسمع بأسلوب مؤدب جدا جدا جدا ( تفهم انت ؟؟؟)
المم رحت لعندهم ومنت خارج الرياض بحوالي اربع ساعات ...
الشكوى لله ... انا انتظر الصيفية انا وزوجتي بعدين يكون هذا هو الحال ..
مالكم بالطوالة ((الطوالة والا الشريع ههه) بعد معاناة معهم دامت خمسة ايام
حصلت حجز على الاماراتية .... ومن زين الطبايع يقولون عطنا زيادة 300 ريال
وبعد واسطات قالوا لي خلاص بنفس قيمة السعودية (.......)
رحنا من الرياض الى دبي جلسنااربع ساعات منطقين في المطار .... وبعدها جاء الفرج
واقلعنا من دبي الى كوالا ... بعدين جتنا مشكلة ثانية ... قالو بنوقه في دكا .... وقعنا ساعة كاملة ...
بعدين اقلعنا الى كوالا ...
وبالرجعة مبسوطين الطيارة مباشرة الى دبي يعني الحمد لله ما فيه صديق من دكا في يركب طيارة انا وريحة
كويس مية مية !!!!
وصلنا دبي والمكتب العزيز قايل لنا بالرجعة ماتجلس يمكن ولا حتى ساعة في المطار وبعدين تجي رحلة
الرياض !!!
نزلنا فرحانين اننا قربنا لاولادنا ...
قالت الموظفة على وين ؟؟؟؟؟
رحلتك بكرا !!!!
قلت كيف شوفي التاريخ اليوم !!!
قالت اساسا الرحلة مال اليوم اقلعت من زمان قبل موعد وصولكم ....
قلت طيب والحل ؟؟؟
قالت لازم تراجع لبمكتب اللي قطعت التذكرة منه !!!
قلت وين انتي ووين المكتب ؟؟؟؟
قلت شوفي لنا اي رحلة ثانية اليوم ؟؟؟
قالت مافيه ..
قلت انا لله وانا اليه راجعون .....
يعني ماكفاكم اللي سويتوه فيني يالمؤيد ؟؟؟؟؟
لازم تختمون لي رحلتي ب( ................)
وزوجتي في حالة نفسية سيئة ...
حينها اعلنتها .................................................. ...................وبملء فمي
حسبي الله عليكم يا مكتب المؤيد
حسبي الله عليكم يا مكتب المؤيد
حسبي الله عليكم يا مكتب المؤيد
وهذه نصيحة لكل من سألني عن هذا المكتب السيئ
وشكرا لكم على الوقت اللي امضيتوه معاي
وسامحوني على الاطاة لكن هذا من زود القهر اللي فيني وزوجتي !!!!!!
والسلام


التعليقات (4)
SEMSEM
SEMSEM
كل دقه بتعليمه.
الله يعينك...ووسع صدرك وانا اخوك...لو انه فيه شي اسمه حماية مستهلك...ما كان صار لك اللي صار.
على العموم الحمد لله على السلامه.

الوطواط
الوطواط
حماية المستهلك كأني سمعت بهذا الأسم قبل كذا وين وين وين ؟؟؟؟؟
تحياتي

مسافر2006
مسافر2006
السلام عليكم ورحمة الله وبركاته ،،،
الله يعوض عليكم يا أخي الكريم وجعل ما أصابك تكفير لسيئاتك فما يصيب المسلم من هم ولا غم حتى الشوكة يشاكها إلا كفر الله بها من سيئاته ،،
والتحذير طيب من المكاتب التي تقوم باستغلال الآخرين وبيني وبينك والكلام للجميع المكتب المذكور لست أول من يشتكي منه فسمعته غير جيده لكن وش نقول مالك إلا خشمك لو هو أعوج ،، وبالنسبة لحماية المستهلك ما أعطلكش فيه بس خلص ،،،

BIG BOSS
BIG BOSS
هذي يا حبيبي فتى العاير المشكلة ؟
المكاتب عندنا ما عليهم رقيب وفي الغالب ( الموظفين ) اللي يشتغلون غير مؤهلين يعني مآخذين الشغلة مطامر والسبب الرئيسي لتوظيفهم هو قلة رواتبهم مقارنة بالمؤهلين للوظيفة. ومشكلتك هذي تصير مع كل الناس وانا قد صارت لي مع مكتب الطيار وهي يا طويل العمر يقص لك التذكرة بس ما يضيف رقم التذكرة على الحجز وبكذا الحجز يتكنسل آلياً !
وإذا جيتهم ما تتعوض ولا شيء الا عسى ما يدفعونك زود. عموماً لجميع المسافرين عن طريق أي مكتب ما يمنع انك قبل لا تطلع من مكتب الطيران ومعك التذكرة تسأل الموظف هل أضاف رقم التذكرة على الحجز وبكذا راح تكون في السليم.
وعسى ما تواجهون مثل هالمواقف اللي ترفع الضغط
تحياتي
B B


خصم يصل إلى 25%