اول شي نرحب فيك اخوي ibrahim_k ببلدك الثانية الكويت
عزيز وغالي بين اخوانك وان شاء الله تستمتع بسفرتك ولاتنسى تاخذ الاهل وتروحون المركز العلمي والمارينا مول وابراج الكويت
اما بخصوص عروض الفنادق على حسب علمي انه هالوقت مافيه عروض العاده عروضهم اتكون في شهر فبراير
على العموم هذا رابط فيه فنادق الكويت وشقق فندقية تقدر ترسل لهم ايميل او تتصل فيهم وتستفسر منهم
http://kuwaitpictures.net/new_page_11.htm
حياك الله اخوي ابراهيم مره ثانية

الاخ ولد الكويت ,
الله يطول عمرك , ومشكور على مشاعرك , وسوف ااخذ بنصيحتك و اتصل بهم . بس , طال عمرك , ماذا تقترح , ماذا تفضل من فنادق او شقق .
تحياتي

اخوي اذا بتروح في نهاية الاسبوع معظم الفنادق الكويتية تخفض اسعارها للويك اند ( الاربعا و الخميس و الجمعة) اذا بتاخذ منهم , و لو تلاحظ في المواضيع اهني انا رحت الكويت مع رفيج لي و سكنا بفندق السفير انترناشنال يم شارع الخليج هو خمس نجوم عروضه للويك اند (نهاية الاسبوع) 35 دينار كويتي لليلة و يوجد الكراون بلازا عروضه 40 دينار كويتي لليلة( لنهاية الاسبوع) لليلة الواحدة و واحد من افخم الفنادق كود ماريوت عروضه لنهاية الاسبوع 45 دينار كويتي لنهاية الاسبوع لليلة , و دايما اخوي حاول ان تسال عن عروض الفنادق اللي عندهم , و فيه فنادق اسعاره اقل اشوي و بعضها اكثر يعني على حسب ميزانيتكم و جيك بعد السالمية بلس خوش فندق و موقعه ممتاز , و انا ماجربت الشقق بالكويت بس اكيد الفندق اعتقد مريح اكثر و انت شووف اللي يناسبكم .

اخوي راشد
شكرا حبيبي علي المعلومه , يعطيك العافيه

تسلم اخوي ابراهيم
واشكر اخوي راشد على اضافته الرائعة
اما بخصوص رأيي الخاص بصراحة شقولك الشقق الفندقية فيها استقلالية اكبر والفنادق فيها راحة اكثر شوف الي ترتاح له اكثر
عزيز وغالي اخوي ابراهيم