1. الموصلات في هونج كونج ممتازه واسعارها تعتبر معقوله.


2. التكاسي :


3. الباصات:


4. "التسوق في هونج كونج"


5. "اماكن سياحيه في هونج كونج"


6. The Peak Tower


7. موقعه على الانترنت:


8. Avenue Of Stars

بسم الله الرحمن الرحيم
قبل اسبوع "يوم الجمعه" رجعت للسعودية بعد رحله كانت حلوه الحمد لله وانبطست فيها وزرت فيها هونج كونج و استراليا.
وفي قسم دول اسيا راح اكتب عن رحلتي الى هونج كونج وان شاء الله تعجبكم و الشباب الي قبلي ما قصروا وكتبوا عنها. وخصوصا انها صغيره نسبيا فالاماكن راح تكون متشابهه.
رحلتي الى هونج السنه هذي كانت للمره الثانيه .
يكفي لزيارة هونج كونج 4 او 5 ايام بالكثير لان الاماكن الي فيها محدوده.
"الجو في هونج كونج "
الصيف يكون حر و في امطار. اما في زيارتي السابقه كانت في بدايه السنه والجو كان بارد واحلى من الصيف.
"السكن في هونج كونج"
يعتبر السكن في هونج غالي و هونج كونج تتكون من اكثر من قسم واهمها كولون و جزيره هونج كونج
انا جربت السكن في القسمين السنه هذي سكنت في قسم كولون في فندق
الفندق حليو وخدمته ممتازه وموقعه كويس.
عنوان الفندق على الانترنت : http://www.rghk.com.hk
خريطه توضح جزء من منطقه كولون والفنادق الي فيها :
صور شخصيه للفندق
"الموصلات في هونج كونج"

الموصلات في هونج كونج ممتازه واسعارها تعتبر معقوله.

التكاسي :

• اول مايشغل السواق التاكسي العداد راح يكون فيه 15$ هونج كونجي.
• اذا كان معك شنط مثلا جاي من المطار على كل شنطه تحطها في شنطت السياره راح تدفع 5$
• وانت راح للمطار لازم تدفع قيمه الخط السير 30$
• لا تتفاجأه اذا زاد عليك السعر وانت جاي بالمطار لان هالاشياء ما يحسبها الا لمن تنزل واهم شيء تتأكدون من السعر الي يقوله لكم لان بعضهم يكذبون.
• بعض السواويق ما يعرف يتكلم انجليزي او يتكلمون انجليزي بسيط جدا.

الفيري "العباره":
يفصل بين كولون وجزيره هونج كونج بحر وتقدر تتنقل بينهم عن طريق العباره وانا شخصيا احب استخدمها لانها تمشيه و بنفس الوقت سعرها رخيص مره. ولها اكثر من محطه في الاتجاهين

الباصات:

• الباصات نضيفه و مرقمه وكل شيء واضح
• لا تستحي واسال السواق عن المنطقه الي تبي تروح لها علشان تتاكد
• اسال الانفورميشن الموجوده خصوصا في الاماكن الي يكثر فيها السواق عن ارقام الباصات للاماكن الي تبي تروح لها
• لمن تركب الباص لازم يكون عندك فكه و نفس المبلغ الي يطلبه السواق لان لمن تركب الباص السواق يقولك سعر التذكره وانت تحطها بالصندوق والي يدخل الصندوق ما يرجع له باقي.

احنا صار لنا موقف ما كان معنا فكه وقالنا ابي المبلغ الفلاني المهم حطيت له الفلوس وانتظر الباقي قالي ما فيه باقي وهذا النظام الي يستخدمونه
قطار الانفاق"المترو":

• عندهم شبكه تعتبر ممتازه
• الحلو انهم للحين يحاولون يوسعون ويضيفون محطات جديده.

"التسوق في هونج كونج"

• الاسواق في هونج كونج كثيره وعندهم مجمعات في كل مكان راح تلاقي مجمع
• الاسعار في المجمعات تعتبر غاليه
• في اسواق تكون بالليل مثل تيمبل ماركت و ليدي ماركت عباره عن اسواق شعبيه ولازم تكاسرهم لانهم استغلاليين خصوصا للسواح.

من المجمعات الي بهونج كونج:

• Ocean Centre

في منطقه كولون و قريب من محطه الفيري
موقعه على الانترنت :http://www.harbourcity.com.hk/hc/en/frontpage.html

• New World Centre

في كولون بعد وجنب الهاربر
موقعه على الانترنت:http://www.nwc.com.hk/

• The Palace Mall

في كولون وفيه معرض للعبه الدببه

• Pacific Place Shopping Centre

هذا في جزيره هونج كونج واعتبره افضل مجمع عندهم.
موقعه بالانترنت:http://www.pacificplace.com.hk/homepage.html

• Times Square

هذا مجمع برضوا في الجزيره و الحلو ان جنبه شوارع مليانه محلات ومنطقه تجاريه.
طبعا في اسواق كثيره بهونج كونج هذي جزء منها وفي شوارع تجاريه خصوصا في جزيره هونج كونج نظيفه

"اماكن سياحيه في هونج كونج"

مثل ما قلت في المقدمه الاماكن السياحيه في هونج كونج محصوره ولا في خيرات كثيره طبعا في عندهم رحلات الى معابد وزي كذا بس انا شخصيا ما احب هالنوع من الرحلات لان ما عندي خلفيه ولا تهمني بنفس الوقت وراح اكتب افضل الاماكن السياحيه بنظري

The Peak Tower

انا اقول من اهم الاماكن الى لازم الواحد يروح لها وتقدر تروح عن طريق المكاتب السياحيه او لحالك وانا افضل الواحد يروح لوحده علشان يقدر يروح متى يحب ويرجع لمن يمل ما يكون مرتبط بمواعيد.
تقدر تروح له بالمواصلات العامه مثلا احنا كنا ساكنين في كولون وهو في جزيره هونج كونج اول شيء ركبنا الفيري الى محطه سنتير في جزيره هونج كونج وبعدين في باص يوديكم الى محطه خاصه بالترام Peak Tram وسعر التذكره روحه ورجعه 30 $ هونجكونجي.
The Peak Tower
عباره عن برج مبنى فوق جبل الظاهر اسمه فكتوريا وفيه مجموعه من المطاعم والكافي شوي ومتحف الشمع "مدام توسو" ومعرص ربليز وجنب البرج في مجمع تجاري.
الصوره الجايه مش من تصويري :
الصوره الجايه من تصويري وهو منظر عام من فوق الجبل :
موقعه بالانترنت:http://www.thepeak.com.hk

• Ocean Park

مدينه ملاهي وفيها عروض للحيوانات خصوصا البحريه.
كان في عرض على الرحله تقريبا 220 $ شفت ان السعر حلو خصوصا المواصلات عليهم الى الملاهي لان سعر الدخول لوحده كان 186$
الملاهي تنقسم الى قسمين قسم فيه العاب كبار وبعض العروض والقسم الثاني فيه العاب اطفال وباقي العروض.
وهذي بعض الصور :

موقعه على الانترنت:

Avenue Of Stars

هو مثل الكورنيش في منطقه الكولون حلو تزورها بالمغرب الى العشاء يصير فيه بعض العروض و ناس ترسم وتصورك وقريبه من برج الساعه الي يعتبرونه احد معالمهم وكان بشهر اوقست خلال مهرجان التسوق في هونج كونج عرض النوافير بستخدام الليزر والمؤثرات الصويته والانوار وفي الويك اند كانوا يحطون العاب ناريه صغيره.
وفي الساعه 8 ونص يبدا عرص سنفونيه الانوار وانت واقف من جهة الكولون و تناظر جزيره هونج كونج يبداعرض الانوار و تشوف الانوار تزين العماير والبنايات بالجهه الثاينه.

• الحدايق

في مجموعه من الحدايق الكبيره في هونج كونج لو كنت تحب تجلس في وحده منهم

• مكاو

وانا اتفرج على الرحلات شفت رحلة الى مكاو يقولون انها رحله حلوه وتاخذ لها يوم كامل بس ماكان في وقت ولا فكرت اروخ لها.
اخيرا
هونج كونج تعتبر مدينه نظيفه مره وشديدين مره من ناحيه النظافه و في غرامه للي يرمي شيء
الشعب بصفه عامه ما عليه من احد بس يستغربون من الحجاب بعض الاحيان.
حلو الواحد يزورها بس ما يطول فيها.
اتمنى قدمت معلومات تفيدكم واي استفسار ان شاء الله اقدر اساعدكم فيه
وهنا موقع يمكن يساعدكم لو حبيتوا معلومات اكثر http://www.discoverhongkong.com/