Abdullah_uk
26-07-2022 - 01:47 pm
بسم الله الرحمن الرحيم
وانا جالس احك راسي من الفضاوة والنوم ماجاني جاء على بالي هل فكره وان شاء الله تفيد المنتدى بشكل كبير وتسهل علينا الرجوع للأعضاء اللي لهم خبرات في المدن البريطانية
بما ان في نسبه اعضاء متواجدون في بريطانيا لغرض الدراسه ولهم فتره طويلة صار عندهم خبره جيدة بالمدينه اللي موجودين فيها فحبيت نستفيد من خبرات الاعضاء ونسجل في هذا الموضوع اي عضو عنده خبره كبيرة بالمدينه اللي ساكن فيها يعرفنا على نفسه وخبرته في اي مدينه بريطانية ويكون مرجع لنا بحيث اي احد يسأل عن مدينه معينه ويتعذر الحصول على اجابه نرجع للعضو المختص بالمدينه المطلوبه
بداية راح اتكلم عن نفسي عندي خبره 4 سنوات ومتواجد بالوقت الحالي في لندن واقدر افيدكم عن المواصلات في لندن بكافه انواعها + الفنادق والاماكن السياحية في لندن
اما الشقق لحد يسألني عنها لأن شغلتها شغله ولا احب اشارك فيها لأن فيها وجع راس اما الفنادق على عيني وراسي
ومنتظر مراسلينا في المدن البريطانية يعرفوننا على انفسهم والخدمات اللي يقدرون يقدوموها لأعضاء بوابة بريطانيا
اخوكم
عبدالله
