بالنسبه لي
المكان اللي حسيت انه مو ذاك الزود هو حديقة الفواكه اللي في بينينج والسبب ماهي مرتبه صح ويقولون لنكاوي افضل ..
طبعا ياحبايبنا نرجو ذكر السبب .... لانه اذا عرف السبب بطل العجب

1. لكن في المره الثانيه خليتها جوله كالاتي :


2. والغدا اللي وفروه لنا شاقول لكم ,,, الله يديم النعمه

تسلم اخوي على موضوعك الحلو
انا زرت ماليزيا مرتين وباعطيك انطباعي عنها
اول مره شهر عسل ,,, وثاني مره جوله في ماليزيا
شهر العسل خله على صوب ,,, معظم الوقت في الفندق والمجمعات وشوية اماكن سياحيه حلوه

لكن في المره الثانيه خليتها جوله كالاتي :

كوالالمبور 3 ليالي - بينينج 4 ليالي وخذت رحله لمدة يوم واحد الى لنكاوي بالبحر (وياليتني مارحت) - وطلعت بسياره لمدة 4 ساعات الى مرتفعات الكاميرون وقضيت فيها 3 ليالي - ورجعت بسياره كوالالمبور وقضيت 3 ليالي
بشكل عام ,,, لا يغرونك ويقولون لك حديقة زهور وفراشات وفواكه وفراوله ,,, كفايه تروح مره حق كل وحده وخلاص ,,, لانها كلها نفس الشي وتتكرر ماعدا حدائق الفواكه سواء في لنكاوي او بينينج
بس يقولون ان اللي في لنكاوي احلى
بس انا رحت اللي في بينينج
واحذر من الرحلات البحريه عن طريق المكاتب السياحيه ,,, لانها مو مثل ما تتصور
مثلا يوم كنت في بينينج طلبت رحله الى لنكاوي عن طريق قارب على شكل يخت
فالبدايه عجبني شكل اليخت وفعاليات الرحله وقالو لنا في وجبة غدا
انا قلت بس ,, هاي رحلة العمر ,,, وشكلها خمس نجوم :x1:
ودفعت لهم 500 رينجت لي وللمدام وكانت الرحله من سبع ونص صباحا لين تسع فليل
وكانت اسوأ رحله لي في حياتي والسبب :
تأخرت خمس دقايق الصبح وراح عني الباص ,, وسريع سريع سويت مغامره وركيض وحاله و لحقته بتكسي ووصلت المينا اللي راح يبحر منه القارب
اول ما حطيت رجلي في القارب المتهالك اللي كنت احسبه يخت ,, جاتني اعراض دوار البحر وتسمم وصداع
والمسافه كانت طويله ولمدة ساعتين ونص روحه ,,, والجيه فليل كانت 3 ساعات :112:
يعني كلنا هوى
لدرجه اني كنت ناوي احجز لي فندق في لنكاوي وارتاح
بس بصراحه لنكاوي حلوه ,,, واحلى من بينينج من ناحية الفنادق والجمال ومافيها زحمه مثل بينينج بس عيبها ان درجة الحراره مرتفعه شوي اكثر من غيرها
المهم خذينا لفه في لنكاوي وتحملت نفسي ورحت صيدليه وخذت لي اداوي وانحلت مشكلتي المرضيه

والغدا اللي وفروه لنا شاقول لكم ,,, الله يديم النعمه

المهم ردينا بينينج تعبانين كأنا راجعين من معركه ,,,وعلطول وينك يا سرير وشخير بعد دقيقه من السدحه
اما فيما يخص مرتفعات الكاميرون ,,, احلى مافيها جوها وطبيعتها ,,, والفندق اللي سكنته كان المفروض يكون ارقى فندق فالمنطقه لكن طلع 3 نجوم حتى ما يستاهل ,,, وملل لان مافي مجمعات ,,, مجرد اسواق شعبيه وكلها حدايق فراوله
يعني تصلح للأشخاص اللي يحبون الطبيعه بزود ,,, وما يبون مجمعات وازعاج
بس بصراحه انا والمدام تمللنا شوي لان جونا جو فنادق فخمه وسينما ومطاعم ومجمعات ونحب الطبيعه والهدوء بس مو بكل الرحله
بصراحه احلى شي في الكاميرون كان الجيز كيك بالفراوله اللي يسوونه في الفندق
يعني خلاصة القول ,,, النصايح في المنتدى مو دايما راح تفيدك
لان الناس اذواق
وفعلا في اماكن مالها داعي وتتكرر وخساير فلوس عالفاضي
ولذلك التجربه خير برهان
والسموحه عالاطاله

وعليكم السلام ورحمة الله وبركاته..
بالنسبه لي..ام
(ايقونة تفكر بعمق ورافعه حاجب)
في كوالالمبور

• *الBatu caves.. تكسرت رجلينا على الخرط الفاضي بدرجهم

(ايقونات تلهث وتوقف تتلين وتقول وش جابنا)

• *وبعد ((معرض الجلديات الوطني بكوالا))

الله اكبر يا((معرض)) الا قولوا بقاله مترين في مترين..
وكل شنطه اشين من الثاني وليته رخيص..
شناط الهرم احسن منه
في الكاميرون

• *الصراحه كل الكاميرون ماعجبتني ابد وحسيته مقلب الموسم..

ماعدا مزارع الشاي (بوه)

أنا بالنسبه لي لنكاوي ماعجبتني أبدا
مش أقول أنه ماينراح لها بس بصراحه مافي شي تروح له في الليل سينما مجمعات
بينانج أفضل فيها على الأقل مجمعات السوق الليلي حركه في الليل يعني حليوه
سنويلاجون للي يبغى يوفر يقدر يسكن في كوالا ويروح بتاكسي ويستمتع فيها ويرجع إلى فندقه
وكذلك جنتج مارحت لها بس بسوي كذا بسكن في كوالا وبروح رحله الصباح وأرجع المغرب
الكاميرون ما أدري وينها

اخي الكريم مثل ما تفضلت وقلت فيه أماكن لا تستحق ان الواحد يزورها وعني لم تعجبني حديقة الفراشات اللي في كوالا لكن العيال وايد حبوها واستانسوا عليها وايد ويوم شفت عيالي فرحانين قلت في نفسي صح ان المكان مو ذالك الزود لكن يكفي انه ادخل البهجة في نفوس الاطفال فأحببت المكان لحبهم له .

بصراحة عني شخصياً
ماعجبني لا حديقة طيور (حر ومونظيفة) --- ولا حديقة الزهور واذا تبي تروح روح اللي في بينانج مو اللي في كوالا..
حديقة الحيوانات (لأ لأ لأ).. لا اللي في كوالا ولا ختى حديقة بيراك اللي في بينانج.
حديقة الفراشات بالنسبة لي حليوة بس مو ذاك الزود ووحدة منهم تكفي ...
لا تروح حديقة التوابل ومزرعة الأسماك في بينانج مايسون..
جينتنق روح لها يوم كامل وارجع مايحتاج تنام فيها.. (تجرب التلفريك والملاهي وعالم الثلج)
بالنسبة لي لنكاوي رائعة بس اذا عندك أطفال لاتطول فيها لأنها قمة في الهدوء والاسترخاء والأطفال يمكن يملون..
نصيحة مني لاتفوت مجمعات كوالا تراها روعة

اختي مختبة انتي رهيبة رهيبة .وكنت حاطه بالي الكميرون بس كان الجدا مزارع الشاي فحنا شيفينمة بي سيرلنكا ياللة شكر النعمة و اذا الجدا بوة فحنا كل ثانية نرددة .شكر على تعاونك مع الجميع اللة يسعدك ربى دنيا و اخرة

والله انا جنتق ماعجبتني اخذنا فيها لليله ماتسوى انه نطلع لها

حديقة الفواكة في بيننج مقلب محترم(الفواكة شكلها راحت رحلة وسيبت المزرعة)