السلام عليكم
في البداية أحب اشكر كل الأعضاء والقائمين على هذا المنتدى الرائع
ولهم أصدق الدعوات من القلب على كل الفائدة التي نجنيها من الموقع
طيب .. طيب .. راح ادخل في الموضوع
انا يا جماعة الخير مخططة أقضي أسبوعين عسل في باريس ( الله يرحم شهر العسل :110
وخاطري ازور كل الأمكان الحلوة في باريس بعد ما قرأت كل الأشياء الحلوة المكتوبة عنها
يعني ابي اروح ( برج ايفل - متحف اللوفر - قصر فيرساي - الشانزليزيه - يورو ديزني )
انا حاطة ميزانية ما بين 3000 - 3200 دينار بحريني
وموعد السفر 25 / 7 / 2008
أبي اعرف وين الفنادق النظيفة والقريبة وفي نفس الوقت ما تكون غالية
وهل تنصحون بالتنقل بالتاكسي او بالمترو ؟
هل تنصحوني اروح بعد الريفيرا الفرنسية ؟؟ وشلون التنقل لها ؟ وكم تبعد عن باريس ؟؟
بصراحة احس روحي ضايعة لأني قاعدة اجهز للسفرة بروحي وزوجي مصمم نروح مع مكتب سفريات
وانا ما ابي ارتبط بأحد في شهر العسل ابي آخذ راحتي
وقلت مال إلا انتوا بعد الله سبحانه وتعالى
ويا ريت احصل أسماء الفنادق واسعارها في اسرع وقت عشان احجز لأن قرب موعد مقابلتي مع
السفارة الفرنسية عشان الفيزا
انا كنت ادخل على موقع لحجز الفنادق وهو http://www.hotelclub.com
وهو جدا سهل لكن ضيعت شوي ما ادري ليش ؟
يمكن لأني ما اعرف اسماء الشوارع في باريس
ساعدوني