سوريا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
target1
09-12-2022 - 05:09 am
  1. ولعبوا طابة من الصبح الاولاد

  2. واشترينا زبيب مشان تنتشط لتتمة النهار


بمناسبة رجعة القسم لنا بالسلامة حشارككم بتقرير مختلف...هالتقرير من بنت البلد ...حتشوفوا الشام بعيون اهل الشام
سبب التقرير ..عائلة سعودية منعرفهم من سنوات وصاروا متل الاهل...فقرروا ينزلوا سوريا كرمالنا ...ومابيعرفوا شئ بالشام..كان باختصار طلبهم يشوفوا الشام بعيوننا ....فكان لكم هالتقرير يلي طبعا مابئدر الا ما شارككم فيه
مدة الزيارة كانت من يوم الاثنين مساء ليوم الجمعة فقط
هنن عائلة مؤلفة من صديقتي وزوجها- صديق زوجي- وطفلين
المدة قصيرة فكان لا بد من استغلال كل الوقت
فحابدأ معكم مباشرة وبفيلم واحد مباشرة لاني ما بحب المسلسلات
البداية.....
وصلت الطيارة الاثنين 31 4 الساعة 5 مساء الخطوط السورية
وصلنا نحن والطيارة سوا وكانوا جاهزين فمباشرة اخذناهم ومشينا دغري للشقة
كانت الشقة على اتوستراد حاميش عبارة عن غرفتين نوم وصالون وغرفة سفرة واجارها باليوم2500 ليرة
وصلنا الشقة حطوا اغراضهم ورتبوا حقائبهم ونزلنا مباشرة نبدا ببرنامج من تخطيط واعداد وتجهيز اختكم تارجت فعطوني رايكم بنهاية الفيلم عن برنامجي وصوتوا لي بلكي اربح جائزة اوسكار
يوم الاثنين مساء كان اول مشوار لازم يقوموا فيه هو الاكل طبعا بعد تعب السفر فما ان رتبوا الحقائب حتى نزلنا واتجهنا اول مشوار باتجاه مطعم توشكا بالربوة
( الصور للمطعم سرقة من موضوع السائح الهروي )
وصلنا ومباشرة طلبنا الطعام وبعتذر منكم ما صورت كل الاماكن لانه خجلت قدامهم اتركهم وانشغل بالتصوير ...فصورت بعض الاماكن بس وفيها الاولاد .....
المهم خلصنا العشاء وكان الاولاد تعبوا فرجعنا كل مين لبيته نرتاح لنبدا تاني يوم بالجولة السياحية بالشام...فابقوا معنا
الثلاثاء ...استيقظنا باكرا متنشطين ومستعدين نتوجه نهار جديد...فكان الانطلاقة مباشرة لبلودان مطعم مانويلا بأعلى الجبل لنفطر فيه...وكان الجو بيجن مع فيروز الرائعة من الصبح ....فطرنا بيض وتسئية وحواضر وشربنا شاي وبعدها نزلوا الاولاد للعب بصالة المطعم ونحن كمان وخسرت بالفيشة

ولعبوا طابة من الصبح الاولاد

هي صور الاطلالة الفيروزية وصور الاولاد الفريق كامل بسم الله ماشاء اللهقولوا بسم الله ماشاء اللهبعد ما خلصنا بلودان نزلنا باتجاه سوق بلودان وكان مغلق لانه الوقت مبكر فرحنا باتجاه مضايا وبقين وما كان في الا كم محل فاتح كمان بس اشترينا تفاح لذيذ م وشربنا من مي بقين تازة
وهي كم صورة جمالية للموضوع كمان من موضوع مشرفنا مو من تصويري

واشترينا زبيب مشان تنتشط لتتمة النهار

وبعدها نزلنا باتجاه نبع بردى وكان ممتلئ ماشاء الله وما ان وصلنا ركض صاحب حصان هنيك وحمل الاولاد وركبهم عالحصان ..وصرنا نصورهم بعدها اخذ اولاد صديقتي ولف فيهم لفةعلى النبع كله ولما رجعوا اقترب زوجي وبثقة نفس اعطاه 100 ليرة فاتفاجأنا فيه يئول شو هذا انا بدي 850 ليرة وبدا الجدل والنقاش فاقترب زوج صديقتي وطلع 500 واعطاه ياها لينهي المشكلة انما الاخ ما عجبه وهدد يجيب الشرطة ان ما عطوه 850 عالولد كان بده بالاول كمان حضرته وصار يهدد بالشرطة فقال له زوجي ببرود جيب الشرطة او بفضل انا يلي روح جيبها فصاروا يتهربوا من سيرة الشرطة يجادلو ا و يناقشوا فنزل زوج صديقتي :112:قلهم هي 600 مننا نحن ال2 اما بتاخذوها او نمشي وانتوا احرار فشافوا مافي امل اخذوها وكملنا نحن وصار لنا درس كل ما حدا اقترب يعرض خدماته نقله مباشرة بأديه ؟؟؟ وغالبا نرفض اي عرض مباشرة بدون ما نسأل عن شئ حتى بعد هالمقلب
بس ما سمحنا لهم ينزعوا مرائنا ويروحوا علينا الاستمتاع بالتصوير عند النبع بدون ردود لتابع معكم بقية النهار الاول رجاء


رحلتي الى سوريا
التعليقات (9)
target1
target1
نتابع
انتهينا من نبع بردى فتوجهنا لمنطقة يسار النبع للاعلى هناك طبيعة رائعة ونزلنا ليلعب الاطفال كرة قدم في مرج كبير بينما استفردنا بالسيارة انا وصديقتي وعلمتها لفة سريعة بالسيارة
صورة بقرب قطيع غنم جميلبالله عليكم انا مو فنانة بهالصورة بعد ما لعبوا الاولاد انطلقنا لبحيرة زرزر وكانت وسخة فما جلسنا كتيرخلصنا واطلعنا توجهنا لمقام النبي هابيل وهي الصور هنيك وصور الاطفال جمب المقام من الخارج اطلالة رائعةخلصنا ونزلنا كان الجوع بلش بالبطون يعصرها وببرنامجي كان الاتجاه للسويس هاوس بس ما صار مجال فنزلنا دغري على مطعم ابو وحيد وتغذينا وكان التعب انهك الجميع وخاصة عالكبة المشوية عند ابو وحيد ...رجعنا وكان لازم نرتاح فرجعنا كل واحد على شقته ريحنا ورجعنا مساء نتابع برنامجي وصعدنا قاسيون بس كان بارد ما ئدرنا نبئى فيه بالخارج فدخلنا مطعم ئعدنا شي ساعة ومشينا وهي الصور بس من البرد ايدي عمترجف فانتوا افهموا الصور لحالكم ههههلا نعلن لكم نهاية اليوم الاول من رحلتنا ابقوا معنا لمتابعة الفيلم :x1:

target1
target1
الظاهر ما حئدر نزل بائي التقرير هلا ...المسا حتابع لكم ان شاء الله

السائح الهروي
السائح الهروي
الله يعطيكي العافية أختي الكريمة على هذا التقرير الروعة و شكرا لك على هذه اللفتة الطيبة منك بخصوص عودة البوابة
وبانتظار بقية التقرير على أحر من الجمر

احلى من العقد
احلى من العقد
يعطيج العافيه تارجتو ... وشكرا لانج نبهتين بنزول تقرير جديد لج ...
استمتعت معاج وبالذات لانه فلم مو مسلسل يعني ماراح ننطر كتير مثل ماكنا نعمل بالعالم ..
يالله ناطرين التكمله على احرمن الجمر

target1
target1
نتابع معكم
الاربعاء...استيقظنا لنقوم بالاستعداد ليوم جديد اليوم هو حصة الشام القديمة من التقرير واليوم هو للاسف بدون صور فكان تصويرنا بجوالاتنا فقط...لكن سأشارككم بالبرنامج وأضفت لكم صور من النت وليست من تصويري

توجهنا مباشرة لمطعم ست الشام بابو رمانة وكان الفطور عبارة عن فتة لسانات وفتة نخاعات يم يم يم غير شكل ...بس مشكلته هالمطعم انه لازم تنتظر عالدور لتلائي مكان فاضي فيه...بس بالنهاية بيستاهل الانتظار
خلصنا من الافطار وتوجهنا لسوق الحميدية...
وهنيك مرينا على بكداش اكلوا بوظة - بس انا ما بحبها بوظته:112:

وكملنا بعدها للجامع الاموي وصلينا هنيك وئعدنا شوي وطلعنا نتابع
خرجنا من هنيك ورحنا البزورية على يمين الجامع الاموي تفرجنا ولفينا
ودخلنا حمام نور الدين وصورنا الاولاد كمان هنيك ومسموح للنساء بس الدخول لبداية الحمام اما الرجال تفرجوا من الداخل

طلعنا ورجعنا تمشينا باتجاه ئهوة النوفرة ئعدنا فيها شربنا شاي

بعدين لفينا بحارات الشام الئديمة ورحنا من هنيك لمقام السيدة رقية ونحن دخلناه بس من باب المشاهدة وبكل هدوء بس هنن شافوا انه للشيعة ئاموا يطلعوا مسرعين منه خايفين حدا يأذيهم بشي ههه
خرجنا خلال ثواني معدودة واتجهنا للحريقة اشتروا تياب للاطفال وخلصنا طلعنا وخلص كان الصغار مو ئادرين يمشوا ولا خطوة فركبنا وتوجهنا لمطعم البيت الشامي وما ان جلسنا حتى طب الاطفال رؤسهم على الطاولة وبدأ الشخير
هي صورة من البيت الشامي وكان الاكل جدا طيب وبتستمتع فيه بمعنى الكلمة
هي صورة لمطعم تاني بس بتشبه الغرفة يلي جلسنا فيها لانه كان عند البحرة بالخارج ممتلئ
وخلصنا اكل بينما اطفالهم ما زالوا نائمين فرجعنا مباشرة لينتهي اليوم الثاني مودعين معه الحارات الدمشقية الئديمة ورائحة الشام العتيقة الرائعة

target1
target1
  1. الخميس

  2. هذا اليوم كان حافل وممتع بمعنى الكلمة ....


الخميس

هذا اليوم كان حافل وممتع بمعنى الكلمة ....

خرجنا منذ الصباح وجهزنا الاغراض وتوجهنا اول مكان الى البساتين وهناك الارض كلها خضراء ماشاء الله فنزلنا وعملنا ئهوة وشربنا ولعبوا الاولاد شوي وطلعنا توجهنا لمطعم الف ليلة وليلة وكانت اختي بالصيف حضرت فيه مسرحية مع بوفيه مفتوح بس رحنا طلع العرض فقط صيفا اما شتاء مطعم فقط وديكورات المطعم رائعة وجميلة ويستقبلك شخص لابس كشهريار...
خرجنا وتوجهنا لمطعم القرية لنفطر هناك وكان الافطار عبارة عن فطائر فقط وحواضر بسيطة ففطرنا وبدانا تصوير لكن باقي الصور للاسف كلهم موجودة فيهم فاضطرت لاضافة صور من النت مابعرف ليش ابني كئيب بهالصورة
انتهينا افطار وجاءت الفاتورة واذ نتفاجأ فيها 2200 ليرة :112: فصدمنا بصراحة لان طلباتنا لم يكن فيها اي شئ يستاهل هالمبلغ...فدققنا النظر فيها وجدنا فيها اشياء لم نكن قد طلبناها فناديناه واخبرناه عن اشياء لم نطلبها فاعتذر وئال اسف اسف غلط وراح حذفها ورجع مسكنا الفاتورة مرة تانية لئينا فيها ببسي ومايونيز فرجعت ناديتله وئلتله نحن ما طلبنا هالاشياء فرجع اعتذر واخذها وراح يصححها فلحئه زوجي وراح للمسؤول وحكاله انه كاتبين صحن الجبنة فيه 4 حبات ب60 ليرة :112: وصحن فريز قياسه تماما كصحن فنجان الئهوة كاتبين عنه ب75 ليرة..فبعد جدل ومفاصلة نزلت الفاتورة ل1800 بس وبرايي كان لازم اكتر من الف حرام ...مع العلم انه فاتورة ست الشام الفتات وطلبات تانية طلعت 950 ليرة فشوفوا الفرء ...المهم طلعت ئلت ان شاء الله هي اخر مرة بدخل القرية لانه لما نكون لحالنا ولا تطلع الفاتورة بهالشكل عالفطور فمعناها بس لانه معنا ضيوف ضاعفوا اسعارهم فهي ناس ما بتحترم نفسها ....
طلعنا ورحنا باتجاه القرية الشامية وهي القرية يلي عميصوروا فيها مسلسل باب الحارة لكن للاسف لئيناهم عميشتغلوا بتصليحات فيها وللشهر السادس ليبداوا التصوير ...ولازم نرجع بالشهر السادس لنئدر نئابل الممثلين وانا واعدة اولادي صورهم مع معتز بس ماصار نصيب
خلصنا وطلعنا بعدها باتجاه مسبح بالغوطة لصديق والدي وهو مافيه حدا بهالفترة فدخلنا وبدانا نجهز للغذاء ...
فلما راحوا يجيبوا اللحمة شهدوا هالحادثة هي ذبح عجلوهي صور الاطفال بسم الله ما شاء الله بين الزهر وهنن عميلعبواولاحظوا الطرفة اولادي بالصيفي واولادها بالشتوي خلصنا الغذاء وبئينا للمغرب موجودين هنيك حتى تعبوا الصغار وكان برنامجي انه نطلع من هنيك للأرض السعيدة بس الجو كان لا يسمح بهالشي فرجعنا عالعشاء واشترينا مدلوقة ونابلسية وحلينا فيهم ختام نهارنا الثالث
الجمعة
كان موعد الطيارة عالساعة1 ظهرا فمشينا بعد ال10 بينما رتبوا حقائبهم وذهبنا لمخبز تفاحة وطلبنا فطائر سخنة مباشرة من الفرن
أنهينا الافطار وكان صار لازم وئت الذهاب للمطار فاوصلناهم وودعناهم بالسلامة وعدنا بعد ان قضينا 4 أايام رائعة ....تمنينا ان يكون سروا معنا والحمدلله انهم قضوا اوقات رائعة ايضا
وتحياتي لكم
كانت معكم تارجت ون من محطة شام الفيحاء مباشرة بتمنى تكونوا استمتعوا معنا بهالتقرير المتواضع

احلى من العقد
احلى من العقد
يعطيج العافيه .. وماقصرتي على هالتقرير الممتع
و دايما زودينا بهالتقارير الحلوه مب شرط في ضيوف .... حتى لو بدون ضيوف حطي لنا اشياء حلوه عن الشام ..
ميرسي

احلى من العقد
احلى من العقد
بس .. سين سؤال :::
هل هاي بقره ام عجل ؟؟؟؟؟؟؟؟؟؟

عز الرفيق
عز الرفيق
جهد مشكورة عليه أخت تارجت.
والشام جميلة ومايقلق السائح
فيها إلا تصرفات بعض الجشعين
اللي وزارة السياحة ماهي قادرة
فيهم.ومايرتاح منهم الا الخبيربسوريا


خصم يصل إلى 25%