جاكرتا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Hesham
25-11-2022 - 03:06 pm
  1. خلونا نتخيل و نقول هذي رحلة للجبل وكان اللي فيها كل من :-

  2. أبد والله نبي نتمشى لين يخلص خوينا .

  3. الزعيم : عدال عاد منزينك أنت وجهك . تعال يا bagus وخله يروح مكانك .


خلونا نتخيل و نقول هذي رحلة للجبل وكان اللي فيها كل من :-

Awal_7abib و farbf و عصويد و majed و albinsaad و bagus و المرهف و اخطبوط اندنوسيا و الزعيم و DeLaila و أنا والباقين بيلحقونا الله لا يهينكم ...
المهم طلعنا بسيارتين كيجان 2001 موب جديده مره سواقنا واسمه زيادي انا مع زيادي ...;) والسيارة الثانية واسمه جعفر عاد هذا عربجي الله يعين اللي راكب معه .. وخلينا اول حبيب فيها علشان ما أتطاق معه لاني عارفه عصبي ومايتحمل اي شي ... والشباب المصرقعين معه المهم طلعنا من جاكرتا الساعه 12 الظهر .. الشباب مسفهلين كل واحد متزركش اللي مشرتت واللي مبنطل واللي بثوب نومه ... موب farbf ... شوي ما درينا إلا جعفر واقف وش السالفة تونا ماشين نط عصويد قال أنا حصران ابدخل دورة المياه " وذا وقته " بسرعة تكفى خل نلحق على الفلة قبل الليل . نزل DeLaila هو وأخطبوط إندونيسيا عليهم ها الشورتات وطاقين النظارات الشمسية ... والدعوه كلها غيوم ... تقول ماتعودو على شمس الرياض وين يا شباب وش عندكم بعد ؟

أبد والله نبي نتمشى لين يخلص خوينا .

نط أول حبيب قابس عاد هو دائماً مكشر ليتنا ما حطينا القطة معه يا جماعه مايصير كل شوي وحنا واقفين اصبرو إذا وصلنا الفلة سوو الي تبون . الشباب طبعا مطنشين اذن طين وإذن عجين .
جاك عصويد وفلسفته وشهيته اللي ماتاقف على حد لمح كشك الذرة شوي قريب قال ياعصاويد ابخدش بالذرة لين نوصل عاد تراه هو ما أكل شي من الصبح هي توست بالجبن يمكن الساعة ثمان ونقرش مع الشباب شوي بيض وزيتون وتونة الساعة 10 ويوم ضفينا الأغراض أخذ التوكس قال حرام يجلس بالثلاجة ومشكلته إنه إذا سافر ما يشتهي الأكل ...
نصف ساعة الوقفة وأول حبيب حالته ما توصف جاه الضغط .
المهم مشينا والسيارة الثانية ورانا فاتحين الدرايش الشباب وما طقو خبر لأحد الزعيم جالس يهوجن قدام وأنواع المواويل والشباب شايلينه .
برقي سما سايا ......... أنقا ماو أنقا ماو
هذي مألفها الزعيم على وزن أهازيج الإتحاد .
أول حبيب واصلة معه ليش؟؟؟؟؟؟؟؟؟ مأدري
حنا مشينا يمكن 15 كيلو وقف جعفر .
أول حبيب :أف الشرهه مهب عليهم على الي يسافر معهم توبه والله مأروح مره ثانية مع ها الأشكال .
عاد نط عليه farbf وقاله وسع صدرك يا رجال يمكن عندهم شي ( وبينه بين نفسه يقول هات القطة وتوكل على الله عاد حنا الي ميتين عليك )
ريوس زيادي ونط أول حبيب عليه: وش عندكم حركونا لا عادة على هالرحلة ...
أخطبوط إندونيسيا : أبد يهاوش الزعيم DeLaila
المرهف : وش عندكم كل يوم هوشه .. بحاله ولا همه احد ...
majed : مغير جالس يحسب الصرف ويتصفح ويشوف وش جديد الأخبار ...
DeLaila : أنا منب راكب مع المتخلف هذا ابجي معكم .

الزعيم : عدال عاد منزينك أنت وجهك . تعال يا bagus وخله يروح مكانك .

DeLaila بارد وأول حبيب حار مره ركب DeLaila مع أول حبيب . طبعاً هذي خطة الشباب يبي يرفعون بأول حبيب والمثقف حقنا albinsaad الي كل ما نقول شي يعملي فيها فاهم ...
بطريقنا قلنا بنروح مع المختصر اللي هو لازم نروح من عند بوقور موب من المفرق اللي قبل ... لانه بيصادف يوم جمعة .. رحنا المهم مع هالطريق والكل عارفه اللي هو يوم تترك المفرق لين تجيك أول إشارة لبقور وتلف يسار .. ثم نطول لين يجينا مفرق صغينون يمين قبل إشارة الجبل بكثير ... المهم رحنا مع داخل المنطقة وشو نشوف مناظر ولا أجمل ... انواع الأودام والبيوت وأخونا المثقف albinsaad مطير عيونه اول مره يشوفها ... و farbf يبي يجمع اكثر معلومات عن بوقور وهذا حنا بس مارين من عنده مرور شلون لو بنجلس ....
خلونا نكمل بعدين علشان ماتتعبون من كثر القرق علماً بأن هذي الفكره بالتشارك ما اخونا الحبيب عصويد ...
رجاءً من احبتي أنكم ماتزعلون علينا وماسوينا هالشي الا لأننا نشوفكم أخوة لنا والميانة لآخر درجة .
التتمة تلحق فيما بعد تري مكاسية


رحلتي الى اندونيسيا
التعليقات (9)
majed
majed
ههه ههه
والله شي ياماس من جد باقوس ..
والله إني حسيت بالرحله من جد .. كأني والله رايح من جد ...
والله إنك ياماس فلته .. ولا هان أخوي عصويد على الفكره ...
كأنك شايفني .. والله إني في آخر روحه وأنا راجع من الجبل .. معي 10 جرايد .. وحنا طالعين من الجبل واحد من الشباب نزل للبقاله وجاني يركض .. قال ماجد لقيت لك جرايد سعوديه ... عاد الشباب يخبروني .. ...
والله وأقول له ياولد طق لي كل الجرايد .. والله وكل الطريق بالرجعه وأنا قاعد أمزمز عليها ... من الرياض للجزيره للمدينه للحياة للشرق الأوسط .... الخ ..
مع إن الطريق في الرجعه يرد الروح .. كلها أمطار وخيور ...
ياماس خذ راحتك ... أبد الفكره حلوه مره ومن ناحيتي أبد .. أنت أخو وعزيز ولا هانوا الشباب

الزعيم
الزعيم
looooooooooooooooooooooooool
ههه
ههه
ههه
ههه
ههه
ههه
ههه
ههه
ههه
ههه
ههه
ههه
ههه
ههه
ههه
هه
ه
نعبنبو بليسك الزعل جادعينة في الملحق

Awal_7abib
Awal_7abib
ههه الله يرجك يا ماس >>>>>>>>>>>>>> شكلي بطقك بالأخير
والله بصراحة الأسلوب حلو ومثل ما قال ماجد كأني رايح من جد
والله ترا ننتظر الباقي لا تطولون علينا عشان ما ننسى الجزء الأول...
أخوي ماجد....... لسه ما شفت شي والله يا هم بيشبون بكل واحد والدليل أول واحد انا وبعد وبعد ما خلصو مني
يالله يعطيك العافيه والسلام عليكم

bagus
bagus
لا تعليق
بس مقدر والله اكثر من رائع

saya ganteng
saya ganteng
تسلم يا ماس خابرك إنت الي ماتشتهي بالسفر ههه
المسلسل حلو والي أحلى منه إنت والشباب بس رأيي من رأي العصبي أول حبيب توبه إن رحت معكم مرة ثانية .
ليش مرة ثانية يأول حبيب عطني القطة حقتي وأنا ابنسحب من الرحلة ;);)

albinsaad
albinsaad
ههه
ههه
الله يقطع أبليسك يا حبيبنا ياماس
من صج (يعني صدق) مت عليها من الضحك
بس على فكرة تراني ما أحب الذرة ... أبي بليله أو عسكريم (ترجمتها أيسكريم) ومالي دخل تجيبونلي يعني تجيبونلي
بس ترا ناقصنا الشيف بو محمد ... الحين أنا أفكر من الي يضبط عمل شاي ليبتون غيرة ... تكفون أرسلوا له تذكرة وخلوه يجينا بسرعه ... تراني خايف نتوهق
أما بالنسبه لتطير العيون فلا أحد يلومني الله يخليكم ... تراكم وريتونا شيء غير شكل .............. ها .... لا يروح بالكم لبعيد ... ترى قصدي المناظر الطبيعية
ملاحظات :
أخويأولحبيب: ليش تعصب عاد ... أحد معاه هاللمه الحلوه ويعصب
أخويالزعيم:الموال الذي ألفته وايد وايد حلو خبيبي .... لكن الشرهه على الذي فهم منه شيء
يا شباب تكفون كملوا باقي الرحلة ... اها عاد .... لا تتغلون علينا

الزعيم
الزعيم
امواف امواف
الأرع لما استواى أل للخيار يا لوبيا

Hesham
Hesham
عافاكم الله شباب والله كنت متصور انكم راح تعصبون وتسوون لنا مشاكل وطق ونفخ ومادري شو بس اشوى اخوي عصويد عدة على خير هالمره ..
أخوي ماجد رد ولا اروع من واحد أروع ...
حبيبي الزعيم اجل هو خوينا .. تراه شعر ومادري شو بس ماعندك أحد .. بس لي عنه يمكن اكثر من السنه ... بس رهيب وعلى كيف الكيف ...
مشرفنا وحبيبنا Awal_7abib اشوى مازعلت علي .. ترا شخصيتك اللي مسويها عصويد موب انا ...
مريبك bagus والله انت الرائع ... ;)
شدعو عصاويدو .. منتب رايح .. وش قلنلاك .. لكن عارف الباب يفوت جمل ...
هلا والله بالمثقف حقنا albinsaad تراك أنت المتحدث الرسمي وململ الأوراق للرحلة ... وأبومحمد عزيز وغالي بس مايحب يروح لأندونيسيا ولا بنحطه بالموضوع بعد مايلحقنا لو حب ..
وأن شاءالله راح نكملها .. بس عاد نبي تعاون منكم .. والهدف من الموضوع كله ليس مجرد قصة وأنما قصة تعريفية عن الجبل وسوف نذكر جميع أماكن التمشي مع ذكر الفلل وتنوعها ... كل يوم بفله علشان نشوف أيهم أحسن ..
تحية وتقدير

الـعــمده
الـعــمده
ههه.....أنت زاحف
طلعتنى بارد:rolleyes:....بس ولا أهمك أطلع لكم عيون أول حبيب..
الزعيم لا عاد اشوف وجهه معى....ولا بقوم حب الخشوم...ههه;)
ننتظر القادم بس تكفا أمدحنى...طلعنى نشمى ونا أخو فلانه...ههه
برغى سما سايا...أنغا ماو...أنغا ماو


خصم يصل إلى 25%