بسم الله الرحمن الرحيم اول شي
مرحبا فيك في بلدك الثاني
بخبرك عن الاشياء الي اعرفها
طبعا الفيستفال سيتي تقريبا فتح كامل بس السينما للحين مافتحت
والابتاون صحيح ماينفع الا لما يكون الجو حلو يعني بالمسى لان المحلات كلها برع
والاشياء الجديده عندك مول يديد انفتح اسمه سكوير تايم في شارع الشيخ زايد الصراحه انا مارحت له
وعندك اذا تحب تروح الكوفي الثلجي شكله حلو وايد _((( بعد مادخلته
ان شاء الله اكون افدتك في شي

وتذكرت اخوي في فاتحين مركز جديد الي هو دبي اوتليت

السلام عليكم
و عليكم السلام
الاخوه والاخوات الاعزاء في بوابة الامارات
ان شاء الله راح اتشرف بزيارة دبي بعد حدود اسبوعين وراح اجلس فيها حدود اربع ايام الى اسبوع ..
كويس بعد الاجازه .. و المده كويسه ..
راح اعطيكم بعض الشغلات اللي في بالي .. وياليت تفيدونا اذا فيه شي جديد..
طبعا سيدا على الوايلد وادي .. انا مدمن هالشيء
من احلا الاماكن في دبي
فيه سكاي دبي زرتها العام .. لكن ماقدرت العب فيها كان معي قطع في الاربطه الصليبيه والغضاريف .. هالسنه راح اجربها لاني قمت بعملية سمكره لركبتي
روح لها من بدري لانها دايم زحمه .. و ترا فيه كورسات لو حبيت ..
ناوي اجرب السكن في الانتر فيستفال .. لكن زميلي ذبحني يبي السوفيتيل .. ويقول ابي افطر شكشوكه وش اسوي له
الانتر ما يتفوت .. و السوفيتيل ما اعرفه
ليه ما تقسم اقامتك بين اوتيلين .. مثلاً مدينة جميره و انتر الفيستيفال..
من الشغلات الجديده ..
سمعت عن المردوف اب تاون واحلى وقت له بعد المغرب .. صح او لا ؟؟
اب تاون مردف .. هذا يا طويل العمر تروح له بعد المغرب .. فيه قهاوي و جلسات حلوه .. تقدر تشوفه في تقريري .. بس انا رحت له الظهر ..
العام كان المارينا والمطاعم اللي حوله كلها انشاءات .. الحين كيف منطقة الكافيات والمطاعم وافضل وقت لها ..؟؟
الانشاءات بعيده عن المطاعم من اول .. المارينا ووك خالصه من زمان .. افضل وقت تروح لها الصباح بدري من 8 الى 10 .. او بالليل .. لان الشمس مره حاره .. و تقدر تاخذ بوت من هناك بالساعه .. و تقدر تسأل اللي في المطاعم عنها ..
سمعت عن الاوتودروم .. او حلبة سباق السيارت .. وانه بامكانك تجربة سيارات هناك بعد كورس بسيط يعني كم ساعه .. هل فيه احد جرب السيارات اللي هناك وهل هي تستاهل التجربه .. يعني لمبورجيني او فيرراري .. لان سمعت ان عندهم اودي وسوبارو بس ..؟؟
اعتقد انك تقصد حلبة السيارات اللي في طريق الامارات .. ما رحت لها .. بس اخوي يروح لها بالعاده .. اذا تبي بسأله عنها ..
سمعت عن الفيستفال سيتي انه فتح .. كيف هل افتااح كامل وكيف المطاعم والسينما فيه ؟؟
السينما لسه .. بس لا تفوت الجلسات اللي على الكنال .. و افضل وقت بالليل ..
اتمنى لو فيه اي مستجدات وشغلات جديده تستاهل الزياره تفيدونا فيها
ممكن تزور منطقة برج دبي .. فيها فندق قصر المدينه القديمه و فيها مول البحار .. لسه المنطقه فيها انشاءات بس انا انبسطت لما رحت لها و شفت البرج و كيف العمل فيه ..
هذا اللي في بالي الحين و لو تذكرت شي برجع اقولك
ونخدمكم في الافراح ان شاء الله
أفتكم بعافيه
الله يعافيك

ان شاء الله راح اتشرف بزيارة دبي بعد حدود اسبوعين وراح اجلس فيها حدود اربع ايام الى اسبوع ..
حياك الله في دارك الثاني الإمارات.
طبعا اطلعت على اغلب التقارير الحديثه ..في البوابه
آخر زيارة لي كانت في مارس 2007 ..
وحاب اعرف ايش الشغلات الجديده ..

• زرت الكافية الثلجي؟ =60درهم للشخص، لمدة 45دقيقه فقط

مقهى شيل اوت الجليدي في مركز تايمز سكوير بدبي (مركز صغير)
قريب من الإمارات مول (على شارع الإمارات) وإنت راجع من الإمارات مول يكون عاليمين

• زرت مطاعم سوق مدينة جميرا؟
• الجديد الفستفال ووتر فرونت سنتر
• آوت ليت دبي ... مركز جديد ..أسعارهم أرخص من نصف سعر السوق

الموقع : شارع الإمارات بالإتجاه للقرية العالمية. يبعد قليلاً عن وسط دبي

• إذا كنتو تحبون الدراجات النارية تقدرون اتأجرونها في منطقة البداير
• مركز البحار في منطقة برج دبي

راح اعطيكم بعض الشغلات اللي في بالي .. وياليت تفيدونا اذا فيه شي جديد..
طبعا سيدا على الوايلد وادي .. انا مدمن هالشيء
فيه سكاي دبي زرتها العام .. لكن ماقدرت العب فيها كان معي قطع في الاربطه الصليبيه والغضاريف .. هالسنه راح اجربها لاني قمت بعملية سمكره لركبتي
شكلك ناوي على رجلك ماتشوف شر .
ناوي اجرب السكن في الانتر فيستفال .. لكن زميلي ذبحني يبي السوفيتيل .. ويقول ابي افطر شكشوكه وش اسوي له
إذا تقصد سوفتيل الستي سنتر
أكيد الأنتركونتننتال أحلى وأجدد وإطلالته حلوة عالقناة المائية للسنتر ، ولخور.وتحتكم عدة مطاعم اطل عالقناة المائية مثل زيت وزعتر + تشليز+جابنغو+بيلا+ عدة كوفيات.....الخ
بالإضافة لمطاعم الفندق.
وإذا تريدون فندق ملاصق لسنتر أيضاً عندكم الكمبنسكي ملاصق لمول الإمارات
من الشغلات الجديده ..
سمعت عن المردوف اب تاون واحلى وقت له بعد المغرب .. صح او لا ؟؟
بالفعل آب تاون مردف، صغير وستايلة أوروربي وأفضل وقت فالمساء لأنه مفتوح ولشقق السكنية اطل علية.
العام كان المارينا والمطاعم اللي حوله كلها انشاءات .. الحين كيف منطقة الكافيات والمطاعم وافضل وقت لها ..؟؟
نفس ماتفضلت اختي مزون إما فالصباح ، أو فالمساء في نظري أحلى عشان تستمتعون بالنافورة الراقصة.
سمعت عن الفيستفال سيتي انه فتح .. كيف هل افتااح كامل وكيف المطاعم والسينما فيه ؟؟
الفستفال ووتر فرونت سنتر ، افتتح بالكامل ، ولمطاعم أيضاً ، ماعدا السينما
اتمنى لو فيه اي مستجدات وشغلات جديده تستاهل الزياره تفيدونا فيها
ونخدمكم في الافراح ان شاء الله
أفتكم بعافيه
حياكم الله
.

اخوي الغالي سالم بن محمد
كل الشكر لك وفعلا نبهتني عن الكافي الثلجي والاوتليت
شكرا عزيزي

اختي الغاليه مزون
انتي ماشاء الله عليك.. لو فيه منك ثنتين في المنتدى مادري ايش راح يصير
ماسكه ردي سطر سطر ..
احرجتيني والله بكرمك ..
وعن حلبة السيارات .. انتي كريمه..لكن لو جبتي خبرها ياليت
كل الشكر لك على كرمك وتفصيلك في الاجوبه
مقدر جدا خدمتك وردك
تقبلي تحيتي

اختي المشرفه الكريمه بنوتة الامارات
اخجلتوني والله بردودكم ..
وردك فعلا فيه معلومات مهمه وتفصيليه بالنسبه لي ..
والرجل ماجتنا الاصابات الا من كثر اللعب والمطامر ..
الكافي الثلجي ان شاء الله ازوره في هالزياره
مطاعم الجميرا .. سبق وزرتها وركبت العبره في جوله..
طبعا بالنسبه للسكن .. انا خاش مزاجي الانتر لانه جميل وجديد بالاضافه الى انه عندي كم ليله مجانيه فيه .. بس زميلي ماسكه معه غلط مايبي الا السوفيتيل .. وش اسوي فيه .. اخاف اجبره على الانتر يتركني واسافر بلحالي
اشكرك جزيل الشكر على كرمك ولطفك
مقدر جدا خدمتك

انتي ماشاء الله عليك لو فيه منك ثنتين في المنتدى مادري ايش راح يصير
يوه هذي كلمة ابوي .. قطك سامعه يقولها..
عاد انا اقوله مب احسن لك .. بتفلس
نرجع لسالفتنا ..
سألت لك اخوي .. يقول فيه انواع سيارات كثيره ..و فيه كورسات ... و القيمه من الف الى 20 الف ..
و هذا موقعهم
http://www.dubaiautodrome.com/general/index.aspx
معليش اخذت منه معلومات على السريع لانه مو هنا ..
تحياتي لك ..
و لو بغيت اي شي ثاني لا تترد

ياهلا وسهلا
حيا الله جيراننا من البوابه الالمانيه
شلونك مشرفنا حبيت ارحب فيك واسلم عليك
الاعضاء ماقصرو سواء مزون الغاليه او مشرفتنا عساهم عالقوه
وانا اؤكد على كلام مزون عن منطقة برج دبي ( المدينه القديمه ) روح اقعد في بوفيه فندق القصر المطل عالبرج صح المنطقه للحين ماجهزت بس صدقتني تجربه حلووه
واذا عندك اي استفسار فالك طيب