1. السلام عليكم


2. الضرايب Tax


3. http://www.taxadmin.org/FTA/rate/sales.html


4. التدخين


5. الادويه


6. السواقه


7. السواقه في امريكا مريحه طبعا بستثنى مدينه نيويورك


8. المواقف


9. الاكل


10. البخشيش Tip

السلام عليكم

اول شي ابي اوضح نقطه وهذي 101 دايم في الجامعات الماده الي في المستوى الاول تكون 101 وفكره الموضوع راح احاول اني اوضح اشياء يمكن للي بيكون في امريكا يشوفها سهله او مو مهمه ولكن انا اشوف ان الواحد يعرف ادق التفاصيل.
1

الضرايب Tax

• ضرايب المبيعات تحتلف من ولايه الى ثانيه و اعلى نسبه في كاليفورينا 7.25 و الحلو ان بعض الولايات ما فيها اي ضرايب للمبيعات واهمها وريجن الاسكا. وفي النك هذا نسب ضرايب المبيعات لكل ولايه.

http://www.taxadmin.org/FTA/rate/sales.html

• الاسعار الموجوده على رفوف السوبرماركت او على البضايع او حتى على المنيو حقت المطاعم غير شامله الضرايب. انا شخصيا اول ما جيت امريكا رحت سوبر ماركت و شريت مويه ولمن جيت احاسب قالي ادفع سعر غير المكتوب و استغربت قلت شكله شافني انجنبي ويبي يقص علي ودفعت له بدون ما اناقشه. لان في بريطانيا متعود السعر يكون شامل الضرايب.
• في نيويورك الملابس الي اقل من 120 دولار وفي ناس قالوا 100 ما يكون عليها ضرايب.

2

التدخين

• هذا من احلى الانظمة الي عندهم ان تقريبا التدخين ممنوع في اي مكان مغلق مثل الاسواق و المحلات و داخل المباني . ولكن طبعا هذا الشي ما يطبق في كل مكان في الكازينوات و بعض الفنادق في لاس فيجاس او اتلانتك سيتي مسوح الدخان فيها في مناطق محدده لان هذا الشي راجع لقانون الولايه.
• الشي الغريب ان المعسل مسموح فيه داخل المحلات والمقاهي العربية.

3

الادويه

• خلال زياره لامريكا ومعك ادويه احرص ان الوصفات الطبيه تكون معك بالشنطه لان احتمال يسالونك عن الادويه الي معك. خلال زياره الوالده لامريكا العام كان معها دور زي البودره وسالوها عن الوصفات و كانت معها.
• ان بعض الادويه في الاولايات المتحده الامريكيه ما توصف الا بوجود وصفه طبيب. بس السؤال هل يعترفون بالوصفات الي تجي من خارج امريكا او لا؟؟

4

السواقه

السواقه في امريكا مريحه طبعا بستثنى مدينه نيويورك

• حزام الامان الزامي في امريكا لازم تتعود انك تربطه في كل وقت.
• في الطريق السريعه لا تجلس تكبس "تولع النور القوي" على السيارات الي قدام والي ماسكه اقصى اليسار تبي تتجاز انتظر ان لف يمين ولا انت اضرب اشاره يمين وتجاوزه. في امريكا تقدر تتجاوز من اليمين الا ان كان في لوحه توضح ان التجاوز من اليسار.
• في الطرق السريعه خصوصا الي تكون بين اشجار وغابات راح تشوف علامات تنبيه ان في غزلان يمكن تطلع على الطريق امس عادي بس بنفس الوقت انتبه لها لانه احتمال تكون نص الطريق خصوصا بالليل.

5

المواقف

موضوع المواقف طويل وتفاصيله كثيره لان كل ولايه او كل مدينه يمكن لها نظامها وانا بحاول اني اختصر فيه و اوضح اهم الاشياء. لمن تسوف في امريكا في بعض المدن يصير اكبر همك تلاقي موقف وان الموقف الي تلاقيه ما عليه اي مشكله.
احرص انك تقرا اللوح الموجوده على الصوره وهل الموقف مجاني او بفلوس و الفتره المسموح الوقوف فيها.
6

الاكل

• اذا كنت من محبي البيتزا وخصوصا البيبروني انتبه لان اغلب البيبروني من لحم خنزير و افضل شي لمن تطلب اكل و تشك انه في لحم خنزير انك تسال الي يشتغلون. واذا كنت في منطقه فيها مسلمين مرات هم ينبهونك.

7

البخشيش Tip

• اكثر المطاعم في امريكا ما يكون في رسوم خدمه و الزبون هو الي يحدد كم يعطي القرسون الي خدمه و الي معرف ان اذا كانت خدمه ممتازه 20 الى 18 % من قيمه الفاتوره وسط تعطيه تقريبا 15% عاديه 10% انصح الواحد انه يدفع لهم فلوس خدمه لان رواتب الي يشتغلون قليله وبعذهم طلاب واذا ما اعطيتهم خدمه انصحك ما تروح لهم مره ثانيه لان يمكن ما خدمونك زين. بس لازم تقرا الفاتوره قبل ما تدفع بخشيش لان بعض المطاعم تحط لك رسوم خدمه مثلا اذا كان عدد الي اكلوا سته او اكثر او المطاعم العربيه خصوصا الي فيها سهرات يحطون خدمه غصب علينا.

هذا الاشيا جت في بالي وان كان الاخوان عندهم اي معلومات حلو انه يضيفونها او تذكرت شي بكتب عنها ان شاء الله