1. بسم الله الرحمن الرحيم


2. كازا (الدار البيضاء)

بسم الله الرحمن الرحيم

اولان اود اشكر جميع الاخوان في المنتدى من مشرفين واعضاء وعندي بعض الاستفسارات وارجو الرد عليها انا مسافر يوم 8 ابريل وعودتي يوم19 ابريل
1- بعد وصولي للمطار باخذ شريحة جوال وبقطع تذكرة لرباط وبروح لها وبسكن في فندق اول يوم وثلاث ايام في شقة بستاجرها اسئلتي الان أ- الشقق في الرباط كم اسعارها وهل افضل حي استاجر شقة في اقدال او السويسي او الرياض وافكر استاجر سيارة من الرباط لاني ناوي اروح المدن الي حول الرباط الي ذكروها الاخوان في تقريرهم مثل هرهورة وقلعة باب شاله وقلعة باب الودايه بس ودي اروح تمارة وشاليهاتها بس الوقت مايسمح كلها ثلاث ايام بنجلسها في الرباط بس بغيت محلات ايجار سيارات اسعارها زوينة والي جرب فندق وسط الرباط حلو ونظيف وسعره زين انا من طبعي اذا واعدت جمال واعد عشرة ولااتنسون اغلب تقارير الاعظاء عندي في الاب توب والاب توب معنا
مراكش
بعد الثلاث ايام بنروح لمراكش با القطار بس بغيت اسال بنستاجر في النخيل شقة بس اسعار الطاكسي من القطار الى النخيل في حدود كم علشان الزرفات ولاا لاازم منها
أ- بنستاجر سيارة في مراكش رايكم استاجرها من المجمع حق النخيل ولا وسط مراكش نستاجر منها بنقعد
5ايام وبنروح شلالات اوزد وحديقة ماجوريل والمناره واوريكة هي الي فيها ثلوج عمري ماشفت ثلج في حياتي بس ان شاء الله روح اطعس في الثلوج بغيت اسعار السيارات الايجار وكذ لك نصايحكم لنا في مراكش

كازا (الدار البيضاء)

بنروح لها با القطار اخر يومين في برنامجنا السياحي وقريبه من المطار محنا مستاجرين سيارة بس السكن في شقة او فندق اطلنطيس او اوفالي او دو الفا مدري المهم علمها عندي الفنادق ممكن الاسم غلط كتبته بس اهم شي اعرفها زين وارقامها عندي من مواضيع الاعضاء الله يوفقهم الي افادوني طبعن بحاول استاجر شقة في كازا في عين ذياب
ابي نصايحكم الان عزبتنا معنا رعين طبخ ونفخ كل عزبتنا حقت البرمعنا القهوة والتمر واشياء خويي حاطها في الشنطة بس بسالكم معنا كل شخص 12000 ريال سعودي او مايعادل 2000 يورو مع كل شخص غير بطاقات الفيزا والصرف الالي الي فيها ثلاث الاف ريال سعودي لظرورة تتوقعون تكفينا ولاا نزود الميزانية .
اقول لخويي بنام في السيارة اكثر من الشقة شكلنا ولاا محطة القطار وعلى العموم اسف على الاطالة واية ملاحظات ونصايح انا اقبل الراي والراي الاخر فكرت اقدم مراكش قبل الرباط وش رايكم