- بسم الله الرحمن الرحيم
- توجهت للامارات قبل عدة أيام
- صراحه الفندق جيد لكن عيبه انه قديم
- وهذي صوره لأول ما تدخل السوق
بسم الله الرحمن الرحيم
توجهت للامارات قبل عدة أيام
طلعت من الرياض متجه للإمارات عن طريق حرض وأنصح الأخوان اللي بيروحون مع هالطريق ينتبهون للطريق لأن الكثبان الرمليه تغطي الطريق في أجزاء متفرقه من الطريق خصوصاً بعد ما تطلع من حرض متجه للبطحاء وهذي صور للكثبان الرمليه اللي تغطي نصف الطريق :
للمعلوميه المسافه من مخرج 9 في الدائري الشرقي وحتى منفذ البطحاء حسب عداد السياره كان 520 كم
وصلت للبطحاء والحمدلله كانت كل الأمور تساهيل في المنفذ السعودي والمنفذ الإماراتي وطلعت من الغويفات وتوجهت لأبوظبي وللعلم حسب عداد السياره من الرياض (مخرج9) وحتى أبو ظبي 880 كم المهم دخلت أبوظبي وتمشيت فيها لقيت نفسي قدام فندق ومنتج شيراتون أبو ظبي وهو فندق مطل مباشره على البحر وهذي صوره لواجهة الفندق مع ان الصوره ما ضبطت لأني صورت وانا أمشي بالسياره
أخذت غرفه في شيراتون أبو ظبي ب 390 درهم بدون إفطار وصراحة كان الفندق مرتب وعلى ما أعتقد مجدد وكان التعامل رائع جداً من الموظفين
وهذي صور للغرفه
دورة المياه (وانتو بكرامه) مقسمه لعدة أقسام
غرفتي ليست مطله على البحر وهي تطل على هذا المنظر
جلست ليله في أبو ظبي
زرت سوق ابوظبي مارينا والسوق كان رائع وموقعه مميز بالقرب من البحر
وتغديت فيه وشفت لي فلم فيه
بعدها طلعت تجولت على بعض المناطق في أبوظبي
وفي اليوم الثاني توجهت لدبي
وفوجئت بعدم توفر سكن مناسب أكثر الفنادق الخمس نجوم والأربع نجوم فل
المهم أتصلت على كذا فندق والحمدلله لقيت في فندق
دبي أنتركونتننتال المقابل والمطل على الخور
وهذي صوره لواجهة فندق دبي انتركونتننتال
صراحه الفندق جيد لكن عيبه انه قديم
وأخذت الغرفه فيها ب 540 درهم بدون إفطار ولاحظت ان أكثر سكان الفندق أجانب
وبالنسبه للسعر لقيت واحد قطري هناك وسولفت انا وياه قال لي ان سعر الغرفه لاقيه على الأنترنت ب 310 درهم ومستغرب ليش حاسبينه علينا ب 540 درهم ويقول الموقع خاص بحجز فنادق أنتركونتننتال فقط و تابع لمجموعة انتركونتننتال
هل هذي الأسعار لنا كخليجيين .... الله أعلم
صوره للغرفه
تطل الغرفه على الخور
مبنى بلدية دبي المجاور للفندق
المهم
طلعت وتمشيت رحت لسيتي سنتر لقيته يضيق الخلق من الزحمه اللي فيه .... زحمه عجيبه
طلعت ورحت لسوق مركاتو والصراحه هذا السوق يعجبني لازم ارزوره في كل زياره لدبي وهذي صور من السوق
صورة واجهة السوق
وهذي صوره لأول ما تدخل السوق
المهم ما طولت في دبي كلها يومين زرت فيها عدة أماكن من ضمنها سينما جراند سينبلكس التابع لجراند حياة وسوق البهارات اللي في منطقة الراس و زرت فندق دوسيت دبي على طريق الشيخ زايد وصراحه الفندق حلو وأتغديت فيها والفندق يعمل على الطابع التايلاندي وصراحه كان المطعم أكله حلو ومرتب والتعامل رائع والسعر مناسب
المهم بعد ما قضيت يومين في دبي رجعت للسعوديه وصراحه أحسن ما في الطريق من دبي لحد الغويفات هي محطات البنزين المرتبه اللي تغريك توقف في كل محطه وهذي صور للمحطات ( مع التحيه لمحطات السعوديه)
صوره للمحطه
محطه على طريق بري و يوجد بالمحطه مطعم صب واي ومطعم ماك دونالدز ومطعم ثالث
المهم وانا راجع كل شي تمام لحد ما وصلت للسلع قبل الغويفات واجهني غبار كثيف ورمال متحركه وصلت للمنفذ والحمدلله كل شي تمام في المنفذين وقفت في محطة سحاب اللي بعد المنفذ صليت ومشيت مع طريق حرض وصراحه الطريق خطير جداً ومريع وتشوفون في الصور كيف الغبار وكيف الكثبان مغطيه الطريق
يلاحظ إنعدام الرؤيه في الطريق وكان الطريق كذا لمسافة 200 كم تقريبا
يلاحظ هنا مداهمة الكثبان الرمليه لأكثر من نصف الطريق
المهم الطريق خطر جداً ويحتاج للي بيروح معه الأنتباه وعدم السرعه
وصلت الحمدلله للرياض
رحلة موفقه
والحمدلله على السلامة
صور ماشاء الله تكفي عن الكلام
ومعلومات راح يستفيد منها الجميع
والشكر لك,,,