الامارات المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
adhybalamat
10-12-2022 - 04:05 pm
نويت ان شاء الله زيارة الإمارات للتسوق وشراء بضائع تخص البيت الذي اقوم ببناءه الأن ، ولي اسئلة اتمنى
الإجابة عليها منكم اخواني الكرام
1- شحن البضائع الثقيلة مثل السيراميك أو الرخام إلى اي مدينة في المملكة هل هو متوفر ؟ وأين ؟ وكم تكلف الدينا الكبيرة ؟
2- كيف استطيع سحب مبالغ تتجاوز 20 الف ريال في اليوم من الامارات
3- هل يتم دفع جمارك على البضائع الشخصية مثل السيراميك والأدوات الصحية؟
شاكراً لكم سلفاً ردودكم ودمتم لنا


التعليقات (7)
The Watcher
The Watcher
أنا ما أعرف عن الشحن
فراح اقولك عن موضوع سحب الفلوس
المشكلة ان الصراف الآلي مايعطيك اكثر من 6000 درهم في اليوم
واذا خذت الفلوس معاك كاش .. مايصير تدخل معاك من المطار اكثر من 10000 ريال
مافي الا انك ترسل الفلوس لنفسك عن طريق حوالة من بلادك لدبي
وتستلمها من هناك

rraed2002
rraed2002
تقدر تسوي حواله عن طريق وسترون يونيون حواله لنفسك وبعموله بسيط لا تتجاوز الستين ريال او تسحب من شبكه مشتروات عن طريق معارض السيارات او محلات الذهب مشتروات او إذا كا ن حسابك في البنك البريطاني ساب (تروح لبنك Hsbc ) هناك في الفرع ويمكن انك تقدر تسحب ؟
أما بالنسبه للأيجار الدينا هناك
تروح الى منطقة العوير قسم الشحن وتشوف هناك دينات من السعوديه والبحرين والكويت وعمان منزل بظايع او اغراض وهو راجع فاضي راجع لديرته وتتفق ويحملك الي تبيه ( هذا اذا كنت تدور الرخص ) يعني يشحن لك بمبلغ بسيط جداً لأنه راجع لبلاده سواء محمل ولا فاضي ويوجد هناك دينات اماراتيه تستأجرها وتحمل الي تبي والله يعينك على السعر
أما بالنسبه للجمارك لازم توضح لهم إذا استخدام شخصي ولا تجاري
علشان الجمركه
وتعطي الفواتير السواق والله اعلم ما عندي خلفيه كبييره عن الجمارك
وتحياتي لك

adhybalamat
adhybalamat
ربي يوفقكم ويجزيكم الف خير
وبانتظار باقي الردود

عروس قلقة!
عروس قلقة!
ارجوا افادتي بخصوص الشحن من السعودية الى الامارات؟؟؟؟
حيث انني سانتقل للعيش هناك فاحتاج لنقل العديد من الاغراض الشخصية..فبماذا تنصحوني رجاءً؟؟

The Watcher
The Watcher
عروس قلقة!
اذا كانت الأغراض الشخصية كثيرة فالأفضل هو الشحن بري
هو ياخذله كم يوم
بس أرخص
أو الشحن الجوي .. أسرع .. بس شوي أغلى
بس نصيحة لا تحطين اي اغراض قابلة للكسر
ولا تشحنين الأعراض في شنط غالية .. لأن الشنط بتتبهدل

عروس قلقة!
عروس قلقة!
The Watcher
مشكور جدا اخوي جزاك الله خير..
طيب عادي لو كان في الشحن ملابس؟؟
وفي الحدود بيفتحون ويفتشون؟؟؟
كيف النقل البري ..ممكن تدلني على افضل مكان ربي يحفظك..
مشكور

The Watcher
The Watcher
عروس قلقة!
اي عادي لو كان في ملابس في الشحن
انا ما اعرف عن الشحن البري لأني ماجربته
بس اعرف الجوي
لما تستلمين الأغراض من مطار دبي .. يجي موظف الجمارك ويفتش .. بس اذا عرف انها اغراض شخصية مايفتشون وايد .. يعني بس يحطونها في الجهاز وما يفتحونها
اذا تبين شحن جوي .. شوفي طيران الإمارات أو القطرية
أو اي مكتب للشحن يتعامل مع شركات طيران كبيرة
وفي بعضهم يجونك للبيت وياخذون الأغراض


خصم يصل إلى 25%