الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
نواف زمانه
26-03-2022 - 02:41 am
السلام عليكم
عندي بعض التساؤلات عن دوله الكويت العزيزه
اخوي بيسافر نهايه الاسبوع هذا لدولة الكويت
ودي اسال عن التالي :
ايهما افضل ان اصرف من ريال الي دينار ***ام من راي الي دولار وهناك اصرؤف الي دينار
كم اسعار سياره الاجره بالمشوار والساعه 0
افضل الاماكن للتمشيه في هذا الصيف الحار 0
افضل الاسواق**المطاعم**
تحياتي


التعليقات (3)
خالد الكويت
خالد الكويت
  1. وعليكم السلام ورحمه الله وبركاته


وعليكم السلام ورحمه الله وبركاته

السؤال الاول راح يكون الجواب خل يصرف من ريال الى دينار على طول لانه ماراح يفرق بشكل كبير ( عموما العملات الخليجية سعرها تقريبا ثابت بعكس الجنيه او الليره ) وانصحك تصرف من السعودية
سؤالك الثاني مافي سعر محدد لازم تتفق مع التكسي ( طبعا تكسي تحت الطلب تتصل عليه وتتفق معاه ) ام يعني مشوار من السالمية على سبيل المثال الى المطار ( 30 كم ) بحدود ثلاث دنانير ونص او 4 دنانير ومن السالمية الى الابراج او بنيد القار ( 10كم ) بحدود دينار ونص او دينارين اتوقع هذي الاسعار وانت وشطارتك على فكره لماتوصل المطار بتحصل ريسبشن للتكاسي بس ها لاتاخذ تاكسي المطار ال BMW بيعطونك اسعار فوق
الاماكن اللي انصحك فيها سوق السالمية سواء الجديد او القديم مجمع الفنار والمجعات اللي حواليه والمارينا مول وطبعا سوق شرق وابراج الكويت ومنتزه الشعب الترفيهي قبل لانسى السينمات اتحصلهم في الفنار وسوق شرق والمارينا وباجي المجمعات ولاتنسى شارع المطاعم ( خوش مطاعم فيه ) ولاتنسى بعد سوق المباركية بالديره
واذا حبيت تباعد عن العااصمة شوي عنددك المدينه الترفيهية بمنطقة بالدوحة او الفحيحيل ( مجيك واجيال وغيرهم )
بس على فكره الحراره هالايام فوق المعدل يعني الجو غير طبيعي يوصل احيانا الى فوق 50 درجه مئويه خل اتكون طلعاته بعد الساعة 6 ونص مساء
رحلة سعيدة وموفقة

خالد الكويت
خالد الكويت
العفو اخوي نواف زمانه ولو ماسوينا شي :d

sheraze
sheraze
حياك الله في ديرتك الثانية


خصم يصل إلى 25%