استراليا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
فـوشيـــــة
29-10-2022 - 08:21 pm
مرحبا
ان شاء الله بسافر مع زوجي في شهر 5 على تايلند وماليزيا وقررنا نضيف 11 يوم في استراليا ..
5 ايام في سيدني و 6 ايام قولد كوست .. وهذي هي زيارتنا الاولى لها ..
مانعرف غير ان يمدحونها ويقولون حلوة وتستاهل خ
المهم ابي اعرف كيف اسعار فنادقها غالية كثير والا نفس اسعار ماليزيا .. يعني مانبيها غالية خصوصا سفرتنا مش قصيرة وفيها تذاكر كثيرة خ
بس وش تنصحوني بالفنادق ايش هم ؟؟ ونبيها بحدود 400 ريال الى 500 ريال مدري اذا فيه هالاسعار واذا مافيه بهالاسعار عادي مو مشكلة بس هذا اللي نفضله ..
شو اهم الأسواق هناك بسيدني و قولد كوست ؟
شلون الجو بيكون .. لان بنوصل استراليا في شهر 6 ؟
صج انها باردة كثير بتكون ؟؟
اي احلى سيدني او قولد؟؟
فيه ناس تتمشى ع البحر لو كان بر ؟؟
كيف عن المواصلات ؟؟ سمعت ان فيه ناس عادي تأجر سيارة هناك ؟؟
وطريقة الموصول من سيدني الى قولد لازم بالطيارة والا بقطار والا بسيارة ؟
طيب سؤال مهم تنصحوني باستراليا بهالشهر والا .....؟؟ وتستاهل او لا؟؟
باختصار ..
ابي ترشحون لي كم فندق يكون موقعه ممتاز جنب المطاعم والاسواق ..؟
اهم الاسواق ؟؟
اماكن ترفيه وماتتفوت باستراليا ؟؟
نصايح تفيدونا فيهم
ولكم شكري وتقديري ..


التعليقات (4)
الرحالة
الرحالة
مرحبا
ان شاء الله بسافر مع زوجي في شهر 5 على تايلند وماليزيا وقررنا نضيف 11 يوم في استراليا ..
5 ايام في سيدني و 6 ايام قولد كوست .. وهذي هي زيارتنا الاولى لها ..
مانعرف غير ان يمدحونها ويقولون حلوة وتستاهل خ
المهم ابي اعرف كيف اسعار فنادقها غالية كثير والا نفس اسعار ماليزيا .. يعني مانبيها غالية خصوصا سفرتنا مش قصيرة وفيها تذاكر كثيرة خ
بس وش تنصحوني بالفنادق ايش هم ؟؟ ونبيها بحدود 400 ريال الى 500 ريال مدري اذا فيه هالاسعار واذا مافيه بهالاسعار عادي مو مشكلة بس هذا اللي نفضله ..
ممكن تحصلين اختي فنادق بها السعر 3 او 4 نجوم
بس ما أدري نصيحة استراليا ما تصير مع تايلند وماليزيا بنفس السفرة
ممكن واحدة منهم!!!! أحسها تعب ومكلفة
شو اهم الأسواق هناك بسيدني و قولد كوست ؟
سبدني :جورج ستريت مليان محلات واسواق
مثل مبنى الملكة فكتوريا ،the galriees vectoria.....الخ
وبنفس الشارع عند برج سدني center point,sydeny central
وعلى الهاربر في Paddy's Markrt سوق للبضائع الصينيةوMarket city
جولد كوست
ميراج،استراليا فير ،باسفيك فير،هاربر تاون
هذا الي اذكره الآن
شلون الجو بيكون .. لان بنوصل استراليا في شهر 6 ؟
صج انها باردة كثير بتكون ؟؟
سدني باردة تحتاجون لبس شتوي أما جولد كوست ممكن في النهار لبس قطنيات إذا كان الجو مشمس ولا فيه مطر ولا هواء وبالليل برد
اي احلى سيدني او قولد؟؟
الناس تختلف اذواقهم
فيه ناس تعجبهم سدني برحلاتها للمناطق المجاورة مثل البلو ماونتن
والجلسة على الهاربر أو منطقة الصخره
وناس تنبسط في جولدكوست بشاطهئها ورحلاتها البحرية :surfواماكنها الترفيهية المتعددة
فيه ناس تتمشى ع البحر لو كان بر ؟؟
؟؟؟؟؟!!!!!!
كيف عن المواصلات ؟؟ سمعت ان فيه ناس عادي تأجر سيارة هناك ؟؟
ممكن تستخدمون الباصات وهي الارخص أو التاكسي بس غالي
وممكن تستأجرون سيارة بس ترا السواقة مثل النظام البريطاني المقود على اليمين
وطريقة الموصول من سيدني الى قولد لازم بالطيارة والا بقطار والا بسيارة ؟
ممكن تستخدم السيارة بس المسافة بعيدة ممكن تشوفين موضوع أخوي تركي
لكن الاكثر استخداما الطيارة
طيب سؤال مهم تنصحوني باستراليا بهالشهر والا .....؟؟ وتستاهل او لا؟؟
استراليا رائعة وخاصة ان االجو شتاء والعالم عندهم حرارة الصيف
ابي ترشحون لي كم فندق يكون موقعه ممتاز جنب المطاعم والاسواق ..؟
اهم الاسواق ؟؟
اماكن ترفيه وماتتفوت باستراليا ؟؟
ممكن تشوفين موضوعي الرابط في توقعي وتأخذين لفة على مواضيع الاعضاء علشان تأخذين فكره.

HudaAbdullah
HudaAbdullah
مرحبا أختي
نصيحتي روحي أستراليا وأتركي عنك تايلند وماليزيا وخلي كل المصاريف بديره وحده
لأن والله ماتسوى تروحين أخر الدنيا علشان 11 يوم مو حسافه ,أنا أنصح وبقوه فيها
خصوصاً سدني مكان ماينمل مره حلوه وجوها بارد بس حلو ..
بالنسبه للفنادق فيه - - - -
Novotel Century قريب من الدارلنج هاربر وهذا المكان كله مقاهي ومطاعم
Hilton قريب جداً من سوق فيكتوريا وغالري فيكتوريا قدام بعض الإثنين
Radisson Plaza على شارع PITT ويطلعك على ممشى كله محلات
Marriott قدام هايد بارك سدني وقريب من الأسواق
Four Seasons Hotel متوسط مابين جسر الميناء ودار الأوبرا وهو على شارع جورج
هذي بعض من الفنادق ومواقعها ممتازه بس الأسعار ماأعرفها اذا فيه فندق معين
بتسألين عنه تفضلي .
الأسواق : شارع مارتن وشارع كاسلريه هذا فيه الماركات الكبيره المعروفه ,الستي سنتر
ومحل كبير أسمه دايفيد جونز مكون من 6 طوابق وتلقين فيه كل الماركات المعروفه والغير معروفه
قريب من برج سدني .
أماكن ترفيه: على المارينا (الدارلنج هاربر) هذا ذكرت أيش فيه وأيضاً صالة عرض 3D ,تقدرين
تأخذين سفينه صغيره وتمرين تحت الجسر وتشوفين دار الأوبرا واذا تبغين الجهه الثانيه من
سدني عن طريق هذي السفينه تروحين لها فيه ملاهي لونا بارك ومكان مره مرتفع ترقينه
بدرج فيه حديقه بنباتات غريبه وأشجار معمره, فيه متاحف كثيره فيه الحي الإيطالي والعربي
وطبعاً الصيني.
أي شيء ثاني تفضلي.

فـوشيـــــة
فـوشيـــــة
الرحالة مشكور مشكور .. ماقصرت والله ..
فتحت الموضوع تقريت اول صفحتين وسكرتهم قلت بنطر زوجي يقراهم معاي لما يرجع
طيب اذا عندك اي معلومات او ترشح لي كم فندق يزاك الله خير
برب

THE IMMIGRANT
THE IMMIGRANT
اختي فوشية ...
خبير البوابة الاسترالية الرحالة والاخت العزيزة هدى عبدالله ماقصروا معاك ... كفو و وفوا ... عموما انتم قرور مدة السفر وعدد الليالي في كل مدينة والميزانية المحددة للسكن وهل تفضلون شقق فندقية او فنادق ... وعلى ضوئها ستجدين الاجابة الشافية لاستفساراك من خبراء البوابة الاسترالية ...
تحياتي ...


خصم يصل إلى 25%