بالنسبه لملابس اللي يصممونها بنات الكويت عندج مجموعه من البيوت بجانب المستفى الاميري ومقابل سوق شرق هذي البيوت تلقين فيها بعض الاحيان شغلات حلوه
وفيه في منطقه السالميه ومنطقه الجابريه مجموعه من الايتيلات المنتشره واللي يصمم هذي الفساتين كويتيات تلقين شغلات حلوه وغريبه
وماركه كريولان تلقينها في منطقه الجابريه الشارع اللي فيه ماكدونالدز وهارديز وموقع المحل فوق محل 101 ( للعب الاطفال ) المحاذي لماكدونالدز وحتى اتشوفين ماركه الماكياج ( عباره عن قناع ) معلقه على العماره اللي فيها الصالون
واذا تبين قصات شعر حلوه وصبغات شعر مضبوطه روحي لصالون الفي ( ايضا موجود بالجابريه )
وبالنسبه لفساتين الزفاف الافخم والاحدث محل الاسطوره اللي في برج السحاب بجانب مجمع الصالحيه وبعد عندج محل متخصص بهالشي في مجمع عوده المهنا في منطقه حولي

حبيبتي عندي موضوع في قسم السياحه والسفر بمنتدى الفراشة ممكن يفيدج كثير ص23

1. مساء الخير ...

مساء الخير ...

أولا ً حياج الله بديرتنا .حبيبتي بالنسبة للجلابيات فيه مجمع الأوقاف تلقين دراعات حلوة وفي منطقة الفروانية فيه مجمعات وايد متخصصة بالدراعات والشيلات وقمصان النوم مثل مجمع : ( المغاتير ) ( العربيد ) ( الحمرا مول ) وقمصان النوم بمجمع الأيوب بمنطقة حولي والملابس عندج مجمعات مثل (الأفنيوز ) و( مارينا مول ) و(مجمع زهرة ) و( سوق شرق) و(الكوت ) و(المهلب) والراقية الماركات تلقينهم بمجمع الراية والصالحية وبمحل الأسطورة بمجمع السحاب ملاصق بمجمع الصالحية ، أما بالنسبة للمكياج عندج ماركة حنان دشتي وايد حلو مكياجها وصناعة فرنسية يباع بصالون حنان دشتي بمنطقة حولي قريب من مجمع المهلب وفساتين الأعراس تلقين أشياء حلوة بمجمع ليلى جاليري بمنطقة السالمية هالمجمع متخصص بفساتين الأعراس والحفلات وإذا تبين مكياج رخيص وعملي وألوان حلوة وجديدة في بالمباركية بالسرداب بس ماركات عادية أقصد صناعة صينية وتايلندية بس ألوان حلوة وتجنن وأسعار خيالية وتباع بالكويت فقط و عندج محل أسمه أنسام كولكشن بمنطقة الجابرية للمصممة أنسام الخلف تبيع فيه أكسسوارات وملابس أعراس وجلابيات حلوة وإذا تبين أطقم ألماس بتلقين بهالنجمعات بعد (( للعلم مجمع زهرة وليلى جاليري ومارينا مول بنفس الشارع بمنطقة السالمية ) ( المهلب والأيوب وحنان دشتي بحولي ) ومجمع الأفنيوز الأجدد بينهم والأكبر ولكن الملابس اللي فيه عملية مو حق عروس بس إن مداج الوقت مري شوفيه . أتمنى إني مانسيت شي وحياج الله

حبيبتي بغيت أقولج إن بتاريخ 26 - 3 -2008 بيفتح معرض العطور عندنا بمنطقة مشرف وهالمعرض أكثر ماركات المكياج والعطور بالكويت تعرض فيه إذا حابه تشوفينه وتشترين منه تستفيدين وللعلم مجمع الراية والصالحية والسحاب والأيوب والأوقاف يغلقون فترة الظهر ويفتحون مرة أخرى مساءا ً لكن باقي المجمعات العمل بها متواصل من الساعة 10 صباحا ً إلى 10 مساءا ً

الملك
كيف أسعارهم وهل هم يتكلفون بالقماش والا بس التفصيل وهل افكارهم للفستان والطرحة غريبه

1. الله يوفقج اختي


2. و يرزقج الذرية الصالحه..


3. 2- البوشيه - اكو فرعين بس مادري اي واحد اللي فيه فساتين الاعراس


4. (الاول اب مجمع الصالحيه + الثاني اب مجمع الفنار)


5. مثل انور , الطاهر , الخ


6. مجمع الفنار بعد فيه محلات تحت بالسرداب


7. رشا شيك "خبيرة التجميل رشا الحافظ"


8. (+965) 5737992 - 5738003

الله يوفقج اختي

و يرزقج الذرية الصالحه..

أولاً: أنا إللي اعرفة أن الكويتيات ولبسهم اللي دايما يلفت النظر ويعجبنا مش من محلات داخل المجمعات في بنات يصممون ويبيعون داخل بيوتهم وهم اللي يجيبون البدل والملابس الغريبه فتكفون يابنات الكويت دلوني على بنات يصممون ويبيعون وعندهم أشياء غريبه
مثل ماقال الملك
في مجموعه من البيوت بجانب مستشفى الاميري بمنطقة شرق "المستشفى مقابل سوق شرق بالضبط
|مثل "بيت كاريزما و بيت ديفا" فيها معارض و محلات حلوة حق بنات الكويت..
+
في معرض اسمه أفكاري بمنطقة شويخ خلف ستي سنتر
+
في مجموعه بيوت خلف الكنيسه الانجيليه بالعاصمه "الكنيسه جنب فندق الشيراتون تقريبا اقرب الى البحر"
منهم بيت بدره و بيوت بهبهاني و معرض دار "يوشا"
ثانياً: أنا فستان زواجي مافصلته ألى الآن وخاطري افصله بالكويت لكن ماراح اغامر الا بعد ماتعطوني مكان يستاهل وقد جربتوه من قبل
اجمل و ارقى و افخم محلين بالكويت يبيعون فساتين سهره و فساتين الاعراس اهما:..
1- الاسطوره - فرع مجمع السحاب (بجانب مجمع الصالحيه)

2- البوشيه - اكو فرعين بس مادري اي واحد اللي فيه فساتين الاعراس

(الاول اب مجمع الصالحيه + الثاني اب مجمع الفنار)

ثالثاً: أبغى أفضل محلات قمصان نوم حتى لو في بنات يبيعونها دلوني عليها لكن المهم تكون غير اللي عندنا بالسعوديه في بنات عندنا بالسعوديه يجيبون قمصان من الكويت ويبيعونها عندنا لكن والله أشياء غريبه وتجنن لكن انا ماشريت منها قلت اسألكم وراح تدلوني عليها بإذن الله وراح اخذها بسعر اقل من اسعارهم.
حولي
مجمع الايوب + مجمع السندس + مجمع جنب بلازا حولي نسيت اسمه..
في محلات بالمهلب

مثل انور , الطاهر , الخ

مجمع الفنار بعد فيه محلات تحت بالسرداب

رابعاً: المكياج وماأدرئك مالمكياج وهذه خبرتكم يابنات الكويت أنا سمعت عن ماركة كريولان وسمعت عن الخبيره عبير الياسين وين مكانها وش رايكم فيها وعطوني افضل محلات مكياج وإذا فيه خبيرات يشوفون شنو يناسبني يكون افضل
عبير الياسين محلها اسمه Glamour بمنطقة الشعب البحري
ت: 2626293 - 2626277 (965+)
عندج بعد..
حنان دشتي و عندها ماركة مكياج بأسمها
ت: 2660660 (+965)
و
ألاء دشتي "صالون آستر"
7(+965)
و

رشا شيك "خبيرة التجميل رشا الحافظ"

(+965) 5737992 - 5738003

خامساً: أم العروس حلوة اللبن تبغى جلابيات ياعمري عليها تحوس عندنا بالسعوديه تدور هالجلابيات ماكو شي يعجبها واللحين طالبه مني اسألكم تكفون لاتفشلوني حتى لو في حريم يبيعون أو يصممون ماعندها مانع وتبغى شيلات(طرحات) وبراقع
الله يخليلج الوالده
مجمع الأوقاف بالديره يفيدكم من ناحيه الدراريع
و من ناحيه العبي و الشيلات بعد..
+
مجمع المهلب : بالسرداب اكو اكشاك يبيعون شيلات حلوة
+
مجمع الافينيوز + مجمع الفنار + مجمع مارينا

بنت أبو متعب
حبوبة الاسطورة محل كبير له افرع عديدة وله فرع متخصص بملابس العرائس الجاهزة
مو تفصيل
بس الفساتين حلوة وناعمة والطرحات بعد

السلام عليكم ورحمه الله وبركاته
حياج الله بالكويت حبيبتي والله يوفقج ويسعدج ويرزقج بالذرية الصالحه يارب
بالنسبة لسؤالج الاخوات افادوج وايد
بس الي حابه اقوله
انه المجمعات التجارية المحلات الي فيها عندكم بالمملكه فلا تضيعين وقتج فيهم

اختي بنت بومتعب
بالنسبه لماركه كريولان ماركه وايد حلوه وصناعتها المانيه يستخدمونها واحلى شي عندهم الفانديشن والكونسيلر جربيه وفعلا ما راح تتحسفين
بالنسبه لاسعار الاسطوره فهي تبدا من 700 1 دينار كويتي والبوشيه ما انصحج فيه بضاعته صينيه وغالي على الفاضي
ومبروك مقدما على الزواج
حرم الملك