فرنسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
صوت الكويت
30-04-2022 - 06:47 am
السلام عليكم
حبيت استفسر .. احنا ناوين ان نسكن بفندق بديزني لاند لمدة يومين
وهالشي راح يكون ببداية سفرتنا
يعني لازم من المطار لي ديزني لاند دايركت
فاشلون نروح؟
بتاكسي ولا باص ولا مترو؟ وجم محطة نوقف فيها .. وخصوصا ان عندنا اغراض وجناط؟
وجم التكلفة لكل طريقة
ياريت تفيدوني


التعليقات (7)
غدير
غدير
افضل طريقه تاجيرون تاكسى من المطار لان المسافه 45 كيلو

fa7ad911
fa7ad911
فاشلون نروح؟
بتاكسي ولا باص ولا مترو؟ وجم محطة نوقف فيها .. وخصوصا ان عندنا اغراض وجناط؟
وجم التكلفة لكل طريقة
ياريت تفيدوني
والله الأفضل تروحن ب TAXI وتريحون بالكم عشان معكم شنط وأغراض وجاين من رحلة تعب عليكم وممكن تكلفة حوالي 70 يورو إلى 100 حد أقصى

بنت الصقور
بنت الصقور
صوت الكويت
و عليكم السلام و حمة الله و بركاته ،،،،
لا تاكسي ولا غيره .. باصات ديزني موجوده في المطار و لهم بوابه خاصه في مطار شارل ديجول ... تشيلكم انتو و أغراضكم بسعر 17 يورو الشخص ... على هذا الرابط باقي التفاصيل و أوقات الباص ...
هنا http://www.vea.fr/uk/infos-lignes.asp

fa7ad911
fa7ad911
و عليكم السلام و حمة الله و بركاته ،،،،
لا تاكسي ولا غيره .. باصات ديزني موجوده في المطار و لهم بوابه خاصه في مطار شارل ديجول ... تشيلكم انتو و أغراضكم بسعر 17 يورو الشخص ... على هذا الرابط باقي التفاصيل و أوقات الباص ...
عزيزتي باصات ديزني موجدة صح عليك لكن متعبه مره كثير يعني هم في سفر شاق وبعدها باصات ممكن لو شباب صح عليك أقول باصات لكن هم أسرة وشنط أكيد تعب الأفضل أنها تروح ب TAXI وتريح بالها وبعدين كل الأقترحات زينه سواً تاكسي أو باص أو مترو !!!!!!!!!!!
تحياتي

habboo7
habboo7
السلام عليكم ...
انا كمان رايح ماريوت فيلج جنب ديزني في اكتوبر
بالنسبة للتاكسي هل انسق له من هنا افضل ولا من المطار
شكرا للجميع

بنت الصقور
بنت الصقور

بنت الصقور
انا معاك الخيارات كلها زينه و يعتمد على الشخص اذا يبي يدفع 90 يورو للتاكسي ولا 17 يورو للباص و المشوار 40 دقيقه ... بس ترا باصات ديزني عائليه من الدرجه الأولى ، الشباب ما عليهم يروحون مشي ولا بالقطار

صوت الكويت
صوت الكويت
احنا 6 اشخاص فنحتاج سيارتين تاكسي
يعني 90*2= 180
واذا باص 17*6= 102
فالباص ارخص
ومشكوررين على ارائكم الحلوة


خصم يصل إلى 25%