يا سلام على القهوه و على هالجلسات الجميله
يعطيك العافيه لكن كيف الاسعار يعني الدله مع التمر بكم

الله يعطيك العافيه
هذا لشباب الغربية يالله روحوا تقهووا
ما في عائلات >>> ترا امزح

لاهنت ياعالي الهمة
والله يوفقك ع هالتقرير
صحيح انه صغير لكن مكتمل
فالقهوة والله بعض الاحيان اذا رحت جده وبقيت فترة هناك
أبحث عنها بأي طريقة
لدرجة مره من المرراريت
كنت بدورة في جده لمدة شهرين أخذت العيال معاي اول شهر وبعدين رجعتهم
وجاتني خرمة للقهوة غير طبيعية
قلت ياولد اطلع ع البحر وأي عائلة عندهم قهوة اطلبهم بيعطوك ههه
لأني ما أحب قهوة القهاوي كلها اي كلام وجلساتهم مقرفة
كلها دخاخين وشيش وقلة حيا
طلعت وجلست أفر أدور وأتنقى بين العوائل اللي جالسة
حصلت شايب ومعاه عجوزته جالسين يتقهوون
ومعاهم بنوته عمرها حوالي 5 سنوات معاها دباب كهربائي صغير
عجبتني جلستهم (( شيبان وع الكورنيش )) ومتاكي و3 ثلاجات والشايب غترة بيضاء وثوب أبيض
قلت هذولي هم عز الطلب
ناديت البنت الصغيرة قلت لها ممكن تقولين لبابا يعطيني قهوة
قالت هذا مو بابا هذا جدو
قلت ياسلام قولي له اني أبغى قهوة
قالت لي حاضر
وتركت دبابها عندي وراحت جري عند جدها
وانا أصلح كأني جالس أتفرج ع البحر
زهمني الشايب وهذا اللي صار بيني وبينه :
أنت ما تستحي ع وجهك
أنت ما فيك خير
أنت قليل أدب
كيف تطمر على العوايل وتنتهك حقوقهم
كيف ماتقدر حرمة الناس
كيف ...............
هي هي ياجماعة لاتصدقون أمزح هاهاهاها
والله ناداني الشايب ورحت له
وجلسني معاهم في نفس جلستهم
وحنا نسولف اتضح لي انهم من أهل جدة
وهالبنت بنت ولدهم الا انه صار على ولدهم وزوجته وهالبنت معاهم وعمرها شهرين حادث في لندن وتوفيا وبقيت هالبنت
قال وحنا ع طول نطلعها ونمشيها ومامعانا الاهي
والعجوز تقول والله انها ماليه علينا البيت
وتسمع كلامنا وتوصل طلباتنا أحسن من أبوها الله يرحمه وتبتسم ابتسامة الحزن
قمت أصبرهم وأنسيهم وأدخل في مواضيع أخرى
والى الآن وأنا نفسي في القهوة
وشكل هالشيبان فرحانين انه واحد جلس معاهم مسكوني سوالف
وجات البنت الصغيرة ( ريناد ) وقالت جدو ما أديتوا لعمو قهوة
فضحكت العجوز وضحك الشايب وأعطوني قهوة في حياتي ما شربت مثلها
(( يمكن لأن نفسي فيها ))
وتمر من لذته فكوا عليه كانت معاهم وأعطوني آكل منها لأن الموجود خلصناه بسرعة
وبعدها شربنا شاهي والعجوز تقول هذا النعناع من عند أختي بالمدينة أنا قاطفة بيدي
وريحة الشاهي وهي بالثلاجة ضاربة براسي
والله عجبتني وناستهم ( ماشاء الله لاقوة الا بالله )
طلع الشايب صاحب محلات بجده وعمره حوالي 70 سنة
لكن صحته حلوة الله يعطيه العافية
ويوم استأذنت حلفوا علي الا إني آخذ الثلاجات بالقهوة والشاهي اللي فيها
ورفضت وقلت الله يسعدكم وانا فرحان بجلستكم
عزموني ع العشاء اعتذرت لأن الدورة فترتها المسائية ما أقدر اتركها
نسيت أطلبه جواله لأرد لهما جميل استضافتهما تذكرته بعد ما ماشيت حوالي ربع ساعة
رجعت مباشرة ولكن وجدتهم قد رحلوا وبحثت عن سيارتهم اللكزس لم أجد لها أثر
ولكن لهما دعوة مني في ظهر الغيب ولريناد بأن يصلحها ربي وينبتها نباتا حسنا
وياليبت تدعون لهم أنتم كمان
أتمنى والله اللقيا بهم بأي طريقة كانت
ولعل الله يهيئ بي ذلك
هيضت أشجاني وذكرتني ياعالي الهمة
فاعذرني على هالطمرة
ما أدري ليش مواضيعك تحرك الماضي فيني ؟؟؟
نرجع لقهوة ابو نايف
لهذي الدرجة هي كويسة
أهم شئ عساها سالمة من الشيش والمعسلات
لأنها والله دمرت العالم بريحتها

شكرا لك اخي عالي الهمه
بس مثل ما ذكر اخوي محبكم في الله ... عساها سالمة من الشيش والمعسلات
اكرر شكري
وتقبل تحياتي

ألف شكر لك أخوي عالي الهمة
وحقيقة موضوع متميز
والقهوة لها خرمة

يعطيك العافية ياارب يااخوي < عالي الهمة >مااقصرت على التقرير الجميل
جزاك الله كل خير ويعطيك العافية يارب ..
ودمت لنا يااخوي ..

السلام عليكم
يعطيك العافيه ماقصرت والله بعض المرات تجي الواحد خرمه علي القهوه يدورها كأنه يدور حبوب