الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Hambka Q8
28-06-2022 - 01:57 pm
السلام عليكم
شلونكم
يوم السبت اللي طاف دقت عليّ بنت خالتي جان تقولي مشتهيه اروح ألعب بولينج تروحين وياي ؟
جان اقولها يالله اوكي
(للعلم لا انا و اهيا و لا اللي ويانا انعرف نلعب بولينج لول..)

مركز كوزمو - في فرعين:
1- منطقه كيفان - نادي الكويت الرياضي يم نادي بلاتينيوم الصحي!
2- السالميه - سوق السالميه فوق - يم طفل المستقبل !
الموقع الإلكتروني:
http://www.cozmobowling.com
((Birthday Party))
تقدرون تسوون عيدميلاد اب كوزمو
عاد انا و بنت خالتي سألناهم قالوا حق 10 اشخاص اب 75 دينار
يلعبون بولنج لمدة ساعه و كيكه و وجبات من ماكدونالدز و تصوير فوتوغرافي و يزينون الصاله و شخصيات لول
و مادري بعد شنو
عرض حلو الصراحه..
المهم رحنا اللي اب كيفان
خذينا game واحد الشخص اب 2دينارين..
احنا رحنا تقريبا الساعه 8 فكان ماكو ناس وايد كله يهالو و ماكو شباب فالوقت كان زين حق البنات
شويه صور

حركات بالتصوير لول

الحمام من بره (عزكم الله)
Girls

Boys

و بالاخير انا فزت (احم احم)


التعليقات (9)
فهد الأحمد
فهد الأحمد
جميلة لعبة البولينغ انا عادة كل إسبوعين أو 3 أسابيع بالكثير وأروح ألعب سابقا ببنيد القار ناد متخصص وحاليا بعد ما سكر ما لنا إلا السالمية كوزمو مكانه جيد وشرح ولكن يعيبه الزحمة وخاصة من صغار السن ( على قولتج همبة اليهالو) هاها
يعطيج العافية إختي همبكة

mzoon
mzoon
وناسه و الله
عجبتني الوان الكور ههه
يعطيك العافيه همبكه على هالتقرير الحلو

زعطوطه
زعطوطه
الله ذكرتيني بالبولنج ..
لما لعبت بدون حواجز و كل الكور تطيح و اخر شي ما يبت شي
أو شي حده شوية
و من بعدها شديت حيلي شوي
و قمت أطيحها بس أقل ( يعني العب مرة و اطيح مرتين )
أعتقد لو أباريج الحين أفوز عليج !!
تبين أباريج ؟؟!!
و بعد اتذكر مرة كنت باخذ الكرة جان تطلع الكرة من المكينه و كانت سريعه
و طقّت صبعي حيل أح

om rayan
om rayan
والله شوقتيني جني باخذ بوريون ويون ونروح اليوم
يعطيج عالفية على التقرير حلو

alrashedq8
alrashedq8
ذكرتيني بأيام الثنوية اول ما فتح كنت بسنة تخرج واول مايصير عندي وقت فراغ سيدا اطلع من ثنوية كيفان واروح كوزمو والقا المدرسة كلها هناك لول
واهم يسوون خصم حق الطلبة تصير للشخص الواحد دينار
مشكورة همبكة على الموضوع
ومبروك عالفوز لول

اكشخ يازين
اكشخ يازين
يه يه يه شصاير
فبراير غير ، وهمبكه غير
التغيير شي مهم وشي جميل
البولنج والبلياردو من العابي المفضله والممتعه
ومبروك الفوز
تسلم ايدج عالموضوع الحلو

كردت
كردت
الظاهر اعضائنا كلهم صارو محترفين بولنق شسالفة ؟ ولا هذى موضة هلا فبراير ههه
على العموم الله يعطيج العافية اختنا هنبقة ومبروك الفوز .

Hambka Q8
Hambka Q8
فهد الأحمد
اي والله جميله و اتونس
لا كوزمو السالميه ما ينبغى لول
كيفان اهون و اقرب
الله يعافيك بو أحمد =)
mzoon
ههه اي عجيبين ;p
الله يعافيج مزون (اسمج يذكرني اب بنت حماة اختي الله ياهيا دعله ! لول :115
زعطوطه
لول يالله متى؟
و ترا انتي اب تدفعين و عقبها اتعشيني خ ~
و احنا نلعب جان اقول حق بنت خالتي لو فزتي عليّ انا بدفعلج العشاء
جان اتقول انزين و ترا بطلب اللي ابيه مو تقولين بس وايد
اي كور البولينج تعور الاصابع خ !
شكرا عالرد زعطوطه !
om rayan
اي روحي والله وناسه و ضحك لول ~
حياج الله أم ريان !
alrashedq8
لول مو بس ثنوية كيفان حتى اللي بالجامعه امكودين اهناك
العفو و الله يبارك فيك
اكشخ يازين
اي حلو التغيير
اليوم بنت خالتي تقولي يبيله مره ثانيه

المرام
المرام
يعطيج العافيه حبيبتي همبكه على الصور الروعه
مره وحده بس اللي لعبت فيها بولينج ... طبعا ما فزت ...ولا كوره دخلت


خصم يصل إلى 25%