يا جماعة الخير محتاج وقفتكم ،، أنا صارلي شهر في باريس أعالج والدتي ، والحمدالله أصبحت صحتها زينة والفضل لله عز وجل
مطلوب من ذوي الخبرة في المناطق المجاورة لباريس :
- بغيت آخذ الوالدة بجولة سريعة في القطار السريع ، مسكينة ودها تركب القطار وتشوف مناظر حلوة بالطريج صارلها شهر ما طلعت من غرفتها ،، وأخوكم مو عارف شي بهالديرة ...
- ممكن أحصل رحلة بالقطار ما تكون أطول من ساعتين ، وإلى أين تذهب ؟؟
- وشنو المدينة أو القرية إللي تنصحون إننا ناخذ نقاهة فيها ؟؟
- وهل الطريق إلى هذه المدينة أو القرية فيه مناظر طبيعية حلوة ؟؟
والله ما تصدقون شكثر راح أرتاح لو لقيت حل حق الموضوع ،، وسوف أحتفظ لكم بهذا المعروف ما حييت
بانتظار مساعدتكم الكريمة
والسلام عليكم ورحمة الله وبركاته
عندي لك اقتراحين:
1- زيارة مدينة ستراسبورغ في فرنسا و تبعد ساعتين و عشرين دقيقه بالقطار و توجد عنها تقارير في البوابه هنا
2- زيارة مدينة انتويرب في بلجيكا و تبعد ايضا ساعتين بالقطار .. و هذي أنا ارشحها لأنها مدينة شرحه و حلوه للتمشية ... محطة القطار في نص السوق يعني ما تحتاج لمواصلات هناك .. و سوقها روعه صراحه ..
شرايك ؟