السلام علبكم..
وأنا أحد هولاء الأشخاص الذين سينضمون لقافلة المتزوجين في منتصف شهر 7 - 2008
بارك الله لكما..
وبارك عليكما..
وجمع بينكما بخير ان شاء الله
س1 : هل كلامه صحيح ؟
لا كلامه موب صحيح وماعنده سالفه..
كل مابكرت بالحجز مع الاتحاد كل ماصار افضل..
وحتى لاتماطل بشراء التذكره حتى لو حجزك اوكيه.. لانه لو قرب الصيف تطير الاسعار..
الصيفيه اللي فاتت طيران الاتحاد..سووا للعالم كذا وكثير من الاخوان اللي كانوا يخططون معنا بالمنتدى اضطروا يلغون رحلتهم..
لان تذاكرهم اللي يوم يحجزونها كانت على اساس 2600-2700 طارت الى 3500 وفوق..
س2 : ماهو أفضل طيران من حيث المسار - السعر - الراحه - ومصداقية التوقيت؟
الاماراتيه احلى وحده بس غاليه..
بعدها الاتحاد
بعدين السعوديه والقطريه نفس الشي
السريلانكيه ممتازه ترا وسعرها حلو مره..
س3 : متى يكون أفضل توقيت للحجز وإصدار التذاكر ؟
كل مابكرت كل ماصار افضل..
بالنسبه لنا العام رحلتنا في منتصف جولاي..
وسويت الحجز من بداية ابريل..
س4 : مارأيكم بطيران الخليج من واقع تجربه ؟
بالحقيقه تجربة اهلي اليمه معهم..
الغوا رحلتهم وشالوهم على رحله بعدها بيوم وضيعوا شناطهم..
س1 : هل كلام الموظف صحيح ؟
لا كلامه موب صحيح ابد..
وياكثر مشاكل مكاتب السفريات الله يهديهم..
بقول لك سالفه صارت لناس اقربائي الصيفيه اللي فاتت..
كانوا يترددون على مكتب معين وكل ماقالوا يبون الفندق الفلاني قال سموا وابشروا..
وبسعر حلو مره..
وانا اقول لهم ياناس تراه مستحيل..!!
الفندق فل ومايعطي بهالسعر.. لمين شكيت بعمري..
اخر شي يوم راحوا يستلمون الفاوتشرات قبل رحلتهم بكم يوم..
اتاري العم حاط الفنادق اللي يبيها من راسه..
وقال اللي تبون انتم مالقيت عليه حجز..
وتبون والا مع السلامه ترا فيه عالم تبي هالفنادق اللي حجزناها لكم نعطيهم اياه
يمديهم يسوون شي؟
لاطبعا
اكلوا هوا.. مع احترامي الشديد..
لذلك اخوي .. اغلب الموجودين هنا لهم تعاملات مع الحجز عبر النت ولاحد عمره شكى الا اذا كان غلط من طريقة الحجز (خطا شخصي)
وراح نساعدك ونعلمك المواقع المضمونه وماعليك من كلامه..
فرق السعر حطه بمخباتك انت وعروسك اولى..
س2 : إذا كان كلامه غير صحيح فهل يستوجب علي الحجر حالياً من المواقع الخاصه بالسفر والفنادق ؟
اختر المواقع اللي تتيح لك الحجز من غير غرامه..
علشان ترتاح نفسيا ولاتمتلي عليك..
وحتى لو غيرت رايك.بعدين (مثل ماسويت انا كم مره) مافيه مشكله ممكن تغير اي لحظه..
موقع اسيا ترافل مثال لهالمواقع..
س3 : وإذا كان التوقيت حاليا مازال مبكراً .. متى التوقيت المناسب لكي أحصل على أفضل الأسعار ؟
تم الرد عليه

انا :
نفس الفكرة .
زواجي في شهر 7 أن شاء في أول الشهر .
ارجوا من اصحاب الخبرة المشاركة .
مشكور
على الموضوع

مابعد كلام مسافره مختبه كلام...
معليش اترك هالمكتب لانه كل كلامه خطاء في خطاء..
وصلح حجوزاتك ورتب امورك من اللحين ..
وابضيف على كلام مسافره مختبه نقطه ممكن تلقى في المكاتب اسعار ارخص من مواقع الانترنت فخذلك لفه على مواقع الانترنت وسجل الفنادق اللي تبيها باسعارها ومر مكتبين او ثلاثه(بس لاتقرب هالمكتب المذكور اعلاه)وقارن الاسعار وخذ اللي يعطيك الارخص ..
يعني بيكون بعض حجوزاتك من النت وبعضها من المكتب وهذا الكلام عن تجربه...
موفق..

هلا وغلا فيكم يخوان ماشاءالله عليكم كلكم زواجاتكم بشهر 7 مثلي شرايكم أقتراح مني لكم
أنا من أهل الشرقيه ونشاءالله شهر العسل بقضيه بربوع ماليزيا باذن الله
لو نتفق كم واحد من الي راح يتزوجون وبيقضو شهر عسل نكون نتوجه لمكاتب سياحيه ونحجز من عندهم عشان يعطونا سعر حلو
وثانيا عشان لاسمح الله احتاج الواحد شي هناك او مرض لا سمح الله او صار له اي ضرف من الضروف الا يعرف ان فيه صديق له متزوج وطالع معا زوجته ونكون قريبين من بعض لو احد احتاج شي لاني بصراحه اول بسافر ويا المدام أول مره
كل واحد أكيد بيتمشى معا اهله ويروح معا اهله ولا احد له شغل بالثاني بس مجرد يطمن ان معه أبن بلده وراح يوقف معه لو سمح الله صار له شي
والي حاب هالفكره الي طرحتها يرسل لي رساله خاصه ويبشر أنسق انا وياه على كل شي اذا حب
ولو زاد العدد ويكون بيننا تواصل أقول براي احسن شي
وتحياتي للجميع

بارك الله لكما وبارك عليكما وجمع بينكما بخير
الى اقدر افيدك فيه والي واثق منه والعلم عند الله
ان سعر الصرف مرتفع للغايه
بمعنى ادق واوضح
1 رنقت = 1.5 ريال في الصيف
لان الان 1.2 ريال وفي ضعف مستمر للريال
لاتقول lio45 ماقالي
والله يوفقك

صح لسانك :
والراى رايك :
أقتراح انا معه أن شاء الله .
من أخوى ((( حضي وعرفه )))
لعل المشرفين يفعلون هذا الاقراح ويكون مثبت في القائمة .
مشكور

حتى أنا محتار مثل الاخ الكريم في يوليو مدري كيف الأسعار وهل لنكاوي تغني عن بياننج

أخى رسمى
أنا أتفق بالرأى مع الأخت مسافره مختبه وخذ بنصيحتها لأنه الأفضل..
وعلى العموم إذا ماحجزت من الآن للصيف وماراح يجى الصيف الإويقولون لك قفلت الرحلات..
خذها منى نصيحه..
وأنا أقترح عليك هالبرنامج :
2 ليله سيلانجور فندق صن واى لاقون
ومادام إنك عريس خلها فى فيلا شاليه مع مسبح خاص فيك إنت والعروسه..
4 ليالى بينانغ فندق جولدن ساندس أو بارك رويال ..
2 ليله فى الكاميرون فندق أكواتريال..
4 ليالى لنكاوى فندق لنكاوى لاقون وإذا تبى الرومانسيه أخذ سويت فى القريه البحريه..
لأن الجلسه فيها خيال ...
6 ليالى كوالالمبور فندق الويستن أوتريدرز أو أستانا أو كراون بلازا
وإذا تبى أفخم واحد خذ المندرين ملاصق للبرجين التوأم
ولاتنسى وإنت فى كوالالمبور تذهب لجنتنغ فى الصباح وتعودمنها فى المساء
ونفس الشيئ مع منطقه أفاموسا
هذا رأييى وإنت لك مطلق الحريه وبالتوفيق بإذن الله
أختك
صوت السهارى

ياجماعة ابغى الفائدة منكم استغني عن لنكاوي عشان التنقلات بين المدن تسهل عليّ
يعني اخلي الرحلة
4 ليال بينانغ
2 جنتنج
0كوالا لمبور
أتمنى الإفادة منكم
علماً إني ابتزوج قريب
مودتي