فكره موفقه بإذن الله
لو كتب لي عمر وتجوزت
شهر عسلي راح اوزعه بين الشرق والغرب
بشرط ابدأ بالشرق البيل مار
ثم الغرب البرادايس
وبدون اي تردد
بالتوفيق

8
8
8ابو عبدالعزيز
يعطيك الف عافية .. انا حصلت بكج عند الامارات للعطلات خاص لشهر العسل يقول
خذ خمس ايام ويومين مجانا في الهلتون .. وش رايك وانا اخوك اخذ المده كلها في الهلتون
والا وش قولتك .. خاصه واني ماشي هناك في نهاية شهر 6 مع بداية 7 ميلادي

aboaziz
رغم ان تسيورتك على بوابة الجزر قلت كثير وعلى المنتدى ككل نسال الله ان يكون المانع خير وتكون انت ومن تحب بأتم صحه وعافيه
لو اخترت ان اذهب الى موريشوس لسبع ليالي/ 8 ايام تعتقد صعب اوزعها بين منطقتين ؟؟ ولو صعب وين تنصحني اقضي المده كلها هل في الشرق او الغرب علما اني راح اخذ غرفة او سويت صغير وابحث عن الراحه و الاستجمام وحبذا لو كان مطل على البحر With balcony باستثناء الهيلتون لانه ماعجبني
وين تنصحني يابوعزيز ؟؟
شاكر ومقدر

كم تكلفة الرحلة كاملة ؟؟؟ لشخصين

قهر
اخوي ياليت تقولي متى حصلت العرض هذا لاني دورته عندهم قالي مافيه ياليت ما تتاخر علي بالرد

ماراح اكون اكثر خبرة من ابو عزوز خصوصا اني ماخذ المعلومات قبل سفرتي منه
لدرجة اني امشي هناك واشره لزوجتي وكأني شايف كلشي من زمان وهو في الحقيقه من بركات الو عزوز
انا خذت خمس ايام في الشرق وخمس ايام في الغرب
خذت اول شي في الغرب في الهيلتون وصراحه كان مريح جداً
الشرق خذتها في بيل مار بلاج هو فندق راقي واختلفو على انه اربع نجوم او خمس نجوم
لكن ابدا ماارتحت فيه لأني حسيت ان برستيجه زايد عن الحد ومساحاته كبيرة وغالي نوعا ما مو سعر الغرف
اقصد غالي في بعض الاشياء الل تحتاجها من الفندق
من واقع تجربه ياليت تكون البداية في الشرق وبعدها تروح للغرب لأن الرحلات البحريه اكثرها في الغرب وبتضطر انك تروح بتاكسي مدة ساعه او اكثر طريق عشان تاخذ رحله بحريه
لكن في الغرب كل شي متوفر عندك
انا سافرت شهر عسل وبصراحه ممتع جداً جداً واذا تبي اعلمك عن رحلات التور اللي خذتها انت مالك الا تأشر

والله ودي أروح اسافر وأغير جو ..
ودي بمكان زي كذا هدوء وراحة ..
بس زوجي الله يهديه يقول ماراح نسافر إلا وست الحسن معنا (( بنتنا الصغيرة ))
وأنا أقوله أماكن زي كذا ماينفع بنخليها عند أهلي ..
وكلها كم يوم وراجعين بس الله يهديه مارضى ..
مع العلم إنها توها صغيرة ماكملت سنة عمرها 10 شهور ..
يعني ماراح تستفيد من السفر وماتفهم ..
بس الله يصبرنا يارب ..
ويجيب الإجازة على خير ..

al7gbani
اخوي الحقباني بيض الله وجهك الحجز وتاكد خمس ايام بيل مار وحمس ايام برادايس
واحتاج فزعتك مو اشر بصبعي بس...
واي تور او رحله مميزه ياليت تعطيني خبرها وياليت يكون الترتيب على حسب الافضليه
اكون لك شاكر ومقدر وبانتظار ردك
حفظك الباري

aboaziz
ابو عزوز جهزنا البكج
بيل مار وبرادايس وبعدها دبي كمبينسكي
5يوم بكج شوي غالي والله يعوضنا بالوناسه
لاتنسانا من النصايح ابو عزوز
اتمنى تنزل موضوع عن مايلزمك في مرشيوس موضوع مستقل
من ادوات صحيه او علاجيه او مضادات
فيه موضوع اتمنى ان يكون هدف كل مسافر
وهو عكس النظره الصحيحه عن الاسلام بالتعامل الصدق والامانه او اي وسيله اخرى
جيد لو نعرف انطباع الشعب عن الاسلام وخاصه واحنا من بلاد الحرمين واحفاد الصحابه
اخوي ابو عبدالعزيز لك مني خالص احترامي