سيدني المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
HudaAbdullah
23-11-2022 - 08:31 pm
السلام عليكم ورحمة الله وبركاته
من يريد السؤال عن فنادق سدني والشقق الفندقيه من حيث موقعها
في خارطة سدني وما القريب منها ... يتفضل


التعليقات (9)
راعي أسفار
راعي أسفار
قريت الكثير عن فنادق سيدني بس الواحد يحتار
ونفس الشي عن الجولد كوست
بصراحة المهم عندي التكاليف ما تكون كثيرة
يعني حده الفندق 500-700 درهم. او مش اكثر من 180 دولار.
ب سيدني وجولد
لشخصين...واكون شاكر.

HudaAbdullah
HudaAbdullah
مرحبا
عندك Four Points و الكراون بلاز أسعارهم بحدود ال 500 و 700 فيه الفورسيزون قال عنه أحد الأخوان سعر الغرفه
لشخصين 750 وهو سعر مره رائع لفندق مثله , عندي قائمه بأسماء كثيره لفنادق ومواقعها ممتازه ممكن من خلاله
تختار أحدها والباقي عليك تدخل على الموقع وتشوف ..وراح أحاول أعرف أسعارها الحاليه.
عذراً على التقصير وحياك الله.

راعي أسفار
راعي أسفار
مشكورة اخت هدى عبدالله
بصراحة انا معك وهالفندقين اعتقد الكل كان يشكر عليهم وحصلت فنادق اخرى من مواضيع الاعضاء.
بس انا دائما افضل الشقق الفندقية للفترات اللي اكثر من 5 ايام.
دائما الشقق اريح للعوائل وخدماتها حلوة زائد الهدوء التام تقريبا.
اشكرك وسؤال اخر: انتى زرتي استراليا ؟ وكم يوم تستحق ل جولد وسيدني.
وشاركرين علومك..

HudaAbdullah
HudaAbdullah
مرحبتين
أنا زرت سدني فقط أما جولد كوست ماحصل أزوره,كنا ساكنين في شقق فندقيه
سعره مره حلو مقارنه بغيره وموقعها 10 -15 دقيقه عن الأماكن السياحيه أسمها
Clarion Suites Southern Cross Towers مميزاته تحت العماره فيه بقاله
تلقى فيها أغلب الإحتياجات اليوميه ,فيها مطعم تابع له ومقهى وعلى نفس الشارع
فيه سوبرماركت(كولس) قريب على بعد شارعين ,خدمتهم ممتازه وشققهم نظيفه
وأيضاً واسعه مره( وشرحه وبرحه) واذا تبغى موقعها بالظبط وأيش حوله أنا مستعده..
سدني 10 أيام مره شوي عليها لأن فيها أشياء كثيره لازم أي شخص يزوره خصوصاً
ألي يحب يشوف كل شي ويحلل سفرته, 14 ساعه متواصله وعلى المحيط تستاهل
والله القعده فيها.

السبعاوي
السبعاوي
أخوي
hudaabdullah
الله لايهينك مدري كم سعر الأسبوع في الشقق اللي سكنت فيها وماهو عنوانها اورقم الشارع او رقم تلفون لهم لأني بزوجتي في سدني ومحتاس ابغي سكن ولك جزيل الشكر .

برشاهوليك
برشاهوليك
أخت HudaAbdullah ..
ياريت لو تعطينا رياك و انطباعك عن فندق Four Points by Sheraton ..اللي على الدارلنج هاربر ..

HudaAbdullah
HudaAbdullah
السلام عليكم
عذراً على التأخير في الرد بس كنت مسافره.

HudaAbdullah
HudaAbdullah
السبعاوي
مرحبا أخوي
صراحه ماأتذكر السعر مره بس كان 5 أيام وشقتين تقريباً 6000 ريال
موقعهم http://www.southerncrosssuites.com.au الرقم المجاني
6والإيميل للحجز
تقع على أمتدادشارع إليزابيث تقاطع goulburn .

HudaAbdullah
HudaAbdullah
برشاهوليك
مرحبا
الفندق ممتاز كونه يطل على الدارلنج هاربر وهذي المنطقه كله مقاهي ومطاعم
غير أنه يطل على المارينا ممكن يأخذ الشخص سفينه تسمى water taxi تودي لجسر
الميناء ودار الأوبرا وملاهي أسمها لونا بارك..
غرفه حلوه ووسيعه وممكن تحدد على أيش تطل الغرفه, أختي سبق أسكنت فيه في يوليو
وكان السعر 600 ريال لليله لشخصين وطفل أطلبوا له سرير +الفطور مع الغرفه..
وباقي الأسواق والمناطق السياحيه مش من بعدها للشخص الي يحب المشي أو عن طريق
المونوريل قطار صغير معلق يدور على المناطق المهمه.
حياك الله


خصم يصل إلى 25%