بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



أم الجوري أم الجوري
بنت الصقور ومن لديه الخبره وش رايكم برحلتي هذه؟ بليز انتظرك
16-02-2012 - 02:05 pm

السلام عليكم ..

اتمنى اني ماازعتك يابنت الصقور.. ولو فيه احد ثاني يقدر يساعدني اكون ممنوونه وشااااكره له..

رايحين لباريس مدة 4 ايام من يوروستار لندن

رحلتنا لباريس كالاتي:

من يوم الخميس بالليل الى باريس عن طريق اليورو ستار من لندن..

الى فندق الوارويك " شرايكم فيه"؟؟ مع اني ماخترته الا بعد مااطلعت على موضوع بنت الصقور..

اول يوم: قلت نتمشى بالشانز + متحف اللوفر+ بعدها تمشيه بالسوق وغدا أو عشا..

ثاني يوم : نوتردام+ برج ايفيل والعشا فيه " كيف الحجز له وماودنا نوقف بالطوابير.. هل الفندق يقدر يرتب لنا ولا احجز من النت افضل؟؟"

ثالث يوم: الانتقال الى ديزيني والمبيت ليله واحده هناك.. سؤالي هو : كيف اروح لديزني من باريس مع اني سمعت انه بالرير لكن ماعرفت وش قصدهم ؟؟ هل في القطارات العامه ام ماذا؟؟

وسؤالي الثاني هل اقدر من ديزني اخذ اليوروستار وارجع لندن.؟؟ او لازم نرجع باريس ؟؟

بليز اتمنى تساعدوني ؟؟ وتقولون لي اذا فيه اماكن تنصحوني فيها زياده او تعديل على الخطه؟؟

وودي اعرف الاسواق القريبه او اذا كان فيه مولات حلوه؟؟ وكيف اوقات دوامهم بالويكند؟؟





المشاركات

صعـب المنـا ل صعـب المنـا ل
بنت الصقور ومن لديه الخبره وش رايكم برحلتي هذه؟ بليز انتظرك


بسم الله
بعد اذنك انتِ وبنت الصقور :101: :101: ممكن اجاوب بشي قليل جداً
انا حالياً في باريس شهر عسل وترتيبي مع الله ثم بنت الصقور وابو عزيز افادوني الله يجزاهم خير
بنسبة لذهاب الى ديزني لاند امس كنت فيها و أول مره اروح لها..

الطريق لها عن طريق القطار RER موقعه عند قوس النصر قصيت تذكره لشخصين 25 يورو ذهاب وإياب
وكان القطار مباشر الى ديزني لاند والعوده كذلك مباشرة الى نفس المحطة اللى عند قوس النصر
وهو جداً جداً سهل ومريح وهذا القطار يوصل لمسافات بعيده خارج باريس..

بنسبة للحجز في مطعم برج إيفل تقدرين عن طريق الفندق اللى انتِ ساكنه فيه يتصل ويحجز لك عندهم


حدّي مصــر حدّي مصــر
بنت الصقور ومن لديه الخبره وش رايكم برحلتي هذه؟ بليز انتظرك


الوارويك ممتاز بس فيه فنادق في نظري من ناحية الموقع افضل (المكان اشرح وحيوي اكثر) مثل باورز و شاتو وفرانكلين وارخص بعد


طوابير برج ايفل فيكم فيكم لامحاله لانه مافيه حجز وهذي عادة الفرنسييين مع الطوابير الطويله اللي بتشوفونها بكل مكان سواءا ديزني او برج ايفل بس حجز المطعم ماعندي خبر




من باريس الى ديزني تروح عن طريق قطار RER زي ماتفضل خبيرنا صعب المنال عن طريق محطة شارلز ديقول اتويل وهذا اقتباس من تقريري للاطلاع اكثر

حدّي مصــر

في صبيحة اليوم التالي استيقظنا مبكرا واتجهنا لمطعم الفندق للافطار وكان المطعم مزدحما با العوائل الخليجيه من كل جهه وصوب وبعدها انطلقنا المترو من محطة Franclin Rosevelt اللي مقابل بيزا بينو وكانت طبعا غلطه لاني لو متوجه مباشره الى المترو اللي عند قوس النصر Charles degol Etoile لانك عن طريقه تقدر تركب قطار RER اللي يوديك لديزني....المهم رحت محطة فرانكلين روزفلت وقصيت تذكرتين لمدة ثلاث ايام في باريس لمترو وقصيت تذكرتين RER ذهاب وعوده الى Euro Dysney وكانت التكلفه كامله 46 يورو لكل التذاكر (لحد يسال عن التفصيل با السعر لاني مدري) وبعدها انطلقنا الى ديزني واستغرق القطار RER من محطة Charles Degol Etoile الى محطة Marne Le – Valee Cheesy اللي توجد بها ديزني قرابة 45 دقيقه مع التوقف في مايقارب 11 محطة وبعد ذلك دخلنا Dysney Park من الساعه 11,30 صباحا الى الساعه 10 مساءا وكانت تجربه جميله جدا ومسليه وطبعا ماقدرنا نلعب ولا ربع الالعاب لان الطابور في اللعبه الوحده يستغرق من الساعه الى الساعه و النصف تقريبا وهو عيب كبير في نظري رغم وجود مايسمى Free Pass وهو ان تقوم بادخال التذكرة في اله تعطيك وقت دخولك للعبه بدون انتظار وعادتا يعطيك وقت بعيد جدا يعني تدخل الكرت الساعه 5 العصر يقول لك تعال الساعه 8 الليل العب....في يزني شرينا حامية المطر الصفراء اللي هي على شكل جاكيت يلبس مع قبعه بلاستيكيه للحمايه من المطر بقيمة 8 يورو للشخص الواحد وتغدينا في مطعم مشابه لماكدونالدز من ناحية الطعام بس اكله مو مره وطلبنا وجبتين وحده سمك ووحده دجاج وطلع الحساب 22 يورو وبعدها شرينا ايسكريم وطلع حسابنا 12 يور....بعد الخروج من ديزني اتجهنا مباشره للفندق صلينا ونمنا.




با التوفيق


فاررسه فاررسه
بنت الصقور ومن لديه الخبره وش رايكم برحلتي هذه؟ بليز انتظرك


الاخوااااان كفوا ووفوا تمنياتي لكي بسفره سعيييييييييييييييييده
دمتي بود يالغلا


أم الجوري أم الجوري
بنت الصقور ومن لديه الخبره وش رايكم برحلتي هذه؟ بليز انتظرك


هلا وغلا بكل اللي ردو علي..

اخوي صعب المنال... ماقصرت الصراحه واذا عندك معلومات زياده ننتظرها منك لاني اول مره ازور باريس وبنفس الوقت ودي اشوف اهم المعالم ..

مع تمنياتي لك بشهر عسل:)..


اخوي حدي مصر.. الصراحه الفنادق كلها انحجزت لان وقتنا في الايستر داي.. ومالقيت الا الوارويك لكن راح علينا يوم جينا نحجز يعني ماحجزت فيه .. وحاليا مالقيت غير كاليفورنيا الانسب سعرا ...

طيب وش رايك بجدولي ؟؟ مناسب ولا احذف واضيف اشياء ثانيه ..مع العلم اننا لن نبيت في ديزني لقصر اقامتنا وعشان نستفيد من يومنا بباريس مش بديزني.. يعني بنروح لها الصبح ونرجع بالليل..


هلا بالفارسه والله .. اختي اذا عندك شي اضافي حياك الله ومنكم نستفيد ونفيد ان شالله ..

انتظر منكم المزييد :)


أم الجوري أم الجوري
بنت الصقور ومن لديه الخبره وش رايكم برحلتي هذه؟ بليز انتظرك


نسيت اسألكم عن اكثر الشوارع حيويه من اللي تلتقي عند قوس النصر؟؟

شاكره تعاونكم


حدّي مصــر حدّي مصــر
بنت الصقور ومن لديه الخبره وش رايكم برحلتي هذه؟ بليز انتظرك


كاليفورنيا ممتاز وعلى بعد خطوات من وسط الشانز باتجاه فندق الماريوت

جدولكم حلو بس لو استطعتو تضيفون ركوب الباص المكشوف و النزول عند القوارب المخصصه لاخذ الجولات البحريه في نهر السين بيكون شي حلو ومميز


من اشهر الشوارع شارع جورج الخامس اللي فيه فندق الوليد (جورج ) ومطاعم الديوان ونوره العربييين



اتمنى لكم سفره جميله وموفقه ومكلله با النجاح


الشاب الشاب
بنت الصقور ومن لديه الخبره وش رايكم برحلتي هذه؟ بليز انتظرك


الوارويك ما فيه كلام و ممتاز جدا

و بخصوص البرنامج حقكم ما اعتقد انكم بتقدرون تروحون اللوفر من اول يوم وخصوصا توكم واصلين يعني اتوقع انها بتكون هدوء و روقان اول يوم

و اليوم الثاني خذوه من بدري الصباح زوروا اللوفر و الحي اللاتيني

و علشان تريحون نفسكم لو تاخذون الباص السياحي يكون احسن لكم و ياخذ بكم جولة كاملة

و بالنسبة للحجز فالفندق هو اللي يحجز لكم

و بالنسبة لديزني الى لندن لا يوجد قطار مباشر


أم الجوري أم الجوري
بنت الصقور ومن لديه الخبره وش رايكم برحلتي هذه؟ بليز انتظرك


تسلمووون عالافاده ماقصرتو..

الحين اليوم الاول فكرنا ناخذ رحله في نهر السين وبرج ايفل وتمشيه ..

اليوم الثاني خليناه للوفر والحي اللاتيني..

الثالث لديزني لاند وحجزنا التذاكر عن طريق النت ..

الرابع شوبينغ والعوده

باخذ رايكم في حجزنا للتذاكر من هنا لقيت مواقع كثيير يحجزوون وش رايكم؟؟ احجز واتوكل على الله اسرع لنا

حيث اني لقيت سعر الكروز بدون وجبه في السين ب15 باوند المجموع لشخصين وطفله.. شرايكم؟


أم الجوري أم الجوري
بنت الصقور ومن لديه الخبره وش رايكم برحلتي هذه؟ بليز انتظرك


وابشركم لقيت حجز في فندق الشاتوه ..



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

بنت الصقور ومن لديه الخبره وش رايكم برحلتي هذه؟ بليز انتظرك