قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
فيصل666
01-09-2022 - 09:09 pm
مسافر لقطر لمده يوم واحد
وش افضل الاماكن التي تنصحوني بزيارتها
طبعا بالدوحه
واذا فيه اماكن اخرى قريبه من الدوحه
شكرا


التعليقات (9)
ام ياسمينا
ام ياسمينا
يوم واحد تبينا نعدد لك اماكن كثيرة؟!!!!!!
ياريت تحدد ايش الاماكن اللي تبي تزورها..يعني تبي اسواق ولا مطاعم ولاتمشي((في الحر))

alqreen
alqreen
الله يهديك اللى يشوفك يقول رايح باريس طالع من حر رايح لحر ولمده يوم واحد خلص شغلك واقعد فى الفندق اريح لك

فيصل666
فيصل666
في الحقيقه عندي شغل بقطر واول مره اروح فقلت نتمشى
وش المجمعات التي تستحق الزياره
والمطاعم
والالعاب الترفيهيه
شكرا

مهاجر
مهاجر
اخوي فيصل انا توني جاي من قطر لحضور مناسبة زفاف أحد أبناء العمومه وما قضيت هناك ألا ليله واحده
عموماً أنصحك بزيارة :
  • * سوق سيتي سنتر وهو قريب من الكورنيش سوق مرتب وفيه مطاعم و كافيهات وصالة تزلج للأطفال وفيه

سينما مرتبه
  • * الكورنيش حلو ومرتب والقعده عليه حلوه بس اذا كان الجو حلو مو رطوبه

هذا اللي انا اعرفه فقط
السكن : سكنت في فندق رمادا وما انصحك تسكن فيه على انه 5 نجوم لانه قديم جداً بس اشوف كأنهم ناوين يجددونه ونفس الوقت غالي أخذته ب 550 ريال مع ان احد أبناء العمومه اللي جاي من الرياض سكن في الأنتركونتننتال ب 680 ريال ويمدحه يقول مرتب .... انا سكنت في رمادا لأنه قريب من الطريق المؤدي للسعوديه ولأني ما ادل في الدوحه

mon
mon
يا أبوي روح وخلص شغلك واشرب لك عصير مانجا من شارع السد وارجع مافيه الجو غير مقبول

Moyen Orient
Moyen Orient
ههه
الجو غير مقبول في المناطق الساحلية لشبة الجزيرة العربية كلها ،،
تحياتي ،، وأخوي المهاجر ،، أنا زعلان منك
تجي الدوحة
لا وتسكن في فندق رمادا الي احذى بيتنا ،، وماتتصل فيني
تحياتي لكم

HAYA
HAYA
السيتي سنتر يعتبر من أفخم وأكبر المجمعات في الدول العربية وتجد فيه كل ما تحتاج إليه من التسوق والترفيه والمطاعم وبإمكانك قضاء يوم كامل فيه دون الشعور بالملل.

مهاجر
مهاجر
بومحمد
أبشر بسعدك
عندي زياره قريبه للدوحه وإن شاء الله نشوفك فيها
تقبل تحياتي

رفيع الشان
رفيع الشان
إسمع ياخوي فيصل أنا توني جاي من الدوحه وجالس كم يوم مودي الزوجه لأهلها تسلم عليهم
عندك الاسواق
1.سيتي سنتر
2.حياة بلازا
3.المول
4.لاند مارك
5. سوق واقف وهو سوق شعبي قديم
6. السوق اللي هو اسواق الجبر والمحمود
المطاعم عندك
1.المجالس في السد
2. فينيسيا في السد
3. الشاطر عباس في حياة بلازا لهم فرع
السينمات
1. سينما السيتي سنتر
2.سينما اللاند مارك
3. سينما الخليج
هذا الي حاضرني الحين اعتقد يوم واحد اختار لك إختيار واحد من اللي فوق مطعم واحد وسينما وحده وسوق واحد
وسلامتكم صح لساني


خصم يصل إلى 25%