بانكوك المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Q8TAUB
12-05-2022 - 11:29 pm
افيدوني جزاكم الله خيرا
اصل الي تايلند ساعه 6 مساءا
وجدت علي نت حجز طيران الي بوكيت ساعه8 مساءا نفس اليوم
اي اصل الي بانكوك واختم جواز بالدخول واستلم شنط واذهب الي مطار الداخلي للسفر الي بوكيت
سؤال هو ............................................
هل يكفي الوقت يعني ساعتان ؟
وهل مطار الداخلي بعيد عن مطار الذي اتيت من مباشرة من دبي وهل اذهب اليه بتكسي ام ماذا افيدوني ؟


التعليقات (9)
دولي
دولي
هلا اخوي
اذا كان الاقلاع من المطار القديم اكيد ماراح يميدك لانه بعيد
لكن انت شوف بيانات التذكرة وش مكتوب عليها ممكن يكون الاقلاع من المطار الجديد

KohChang
KohChang
اخي الكريم دائماً يفضل ان يكون وقت الترانزيت لايقل عن 3 ساعات
تحسب لأي تأخير في الرحلة الدولية
عموماً تأكد من الرمز حق رحلة بوكت زي ماقال
اخوي دولي 9
اذا كان
BBK
او
Bkk
لآني حقيقه نسيت رمز المطار
فهو من المطار الجديد .
تحياتي ورحلة موفقة

روح غناتي
روح غناتي
مرحبا اخوي Q8TAUB
انا رحت لبوكت عن طريق مطار اوتاباو العسكر في بتايا بس لما رجعت لبانكوك رجعت على مطار بانكوك الجديد
يعني ان شاء الله الرحله من والي مطار بانكوك الجديد
وساعتين تكفي ( ولكن ) يجب عليك معرفة وصولك متي وتضع احتمالات مثل:
  • موعد اقلاع الطيران من مطار دبي وان شاء الله في وقتها دون تأخير
  • يجب ان تكون التذكره مفتوحه اي اذا لا قدر الله فاتتك الطأره تقدر تعدل الموعد على اليوم الثاني.
  • عليك ايضا تحط في الحسبان ان هناك ازدحام في بعض الاوقات على كونترات الجوازات .
  • تأخير الشنط على السير .

اذا كانت الامور ميسره و اجتزت جميع الاجراءات بسرعه عليك الاتجاه الي المصعد وهو قريب من بوابة المغادره وتروح الي الطابق الرابع تقريبا ومن ثم الى الاستعلامات وتراويهم اتذكر وتروح بسرعه الى كونتر الوزن وبعدها الي بوابة الاقلاع وباسرع وقت بس لازم تكون لياقت الجري عندك 100% سوالف
اخوك بوخالد

Q8TAUB
Q8TAUB
تدرون انكم خرعتوني أكثر
هذي يبيله حسبه ثانيه
علي اي حال
lلي رجعه لكم بعد ان اطلع شركات طيران واخبركم باسماء مطارين الذين في بانكوك
ومنكم الأفادة
ودمتم بخير ان شاء الله

Q8TAUB
Q8TAUB
شباب ممكن اعطائي المسافه بين مطار القديم والجديد ؟

Q8TAUB
Q8TAUB
bangkok Don Mueang
هذا اسم اي مطار ؟
هل هو مطار الداخلي القديم .؟
Bangkok Suvarnbhumi
وهذا اعتقد هو المطار الجديد
الأن ما المسافه بين المطارين ؟
وكيف ممكن تنقل بينهم بأسرع طريقه ؟
لكي استطيع ان الحق طيارة الذاهبه الي جزيرة بوكيت او ممكن ذهاب الي شانق ماي
العفوا هذا طلب وليس امر
وشكرا لمجهودكم

mzen2100
mzen2100
Q8TAUB
مرحبا اخي العزيز حتى لو امر تمون علينا المسافة حوالي 45 دقيقة اذا كانت زحمة كمان التنقل تاخذ تاكسي من خارج المطار لا تاخذ من الا داخل الصاله او يجيك واحد معه دفتر ويقلك تاكسي اخسرك منهم اطلع من فوق واخرج الى بره تحصل التكاسي واقفه طوابير خذ منهم ونزل السعر معاهم قدر المستطاع اخوك ابو بدر

دولي
دولي
عشان الامور تكون اسهل عليك
انا اشوف مو لازم تحجز من النت اول ماتوصل اطلع فوق الصالة الداخلية وشف اقرب طياره
صدقني الرحلات كثيرة ومتوفرة وراح تلاقى انشالله عشان ماتتقيد بوقت

Q8TAUB
Q8TAUB
شكرا بو بدر
عزيزي دولي مو احسن ان الواحد يروح ((يسافر )) ويلقي كل شي جاهز امامه , مثل طيران وحتي تكاسي والفنادق والرحلات الداخليه(( البحريه والسفاري )) وانا ودي حتي احجز المطاعم من الحين ههه
علا عموم هذي اول مره ابي اجهز لسفرة مبكر وايد يمكن لأني مشتاق لتايلند من كثر ما قريت في منتدي عنها
علما انا مسافر شهر 8 اغسطس 2008
ادري مبكر وايد


خصم يصل إلى 25%