فرنسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
mbc54321
12-02-2022 - 02:03 pm
السلام عليكم
عندي استفسار سريع
هل ممكن استخراج الفيره من السفاره الفرنسيه خلال عشر ايام عمل؟
ولا تحتاج وقت اكثر؟؟
شكر


التعليقات (7)
كلهم حلوين
كلهم حلوين
  1. السفارة الفرنسية بالرياض انا بعطيك نبذه عن الفيزة منها ،

  2. ادري ان الرد بيكون شوي قاسي بس بقوله وامري لله ،


اخي الكريم

السفارة الفرنسية بالرياض انا بعطيك نبذه عن الفيزة منها ،

ادري ان الرد بيكون شوي قاسي بس بقوله وامري لله ،

اذكر ان فيه بالأستقبال وحده لبنانية عجوز والله لو طلبت منها ذنب من ذنوبها ماتعطيك اياه من رداء اخلاقها ....قدمت على فيزة لمدة سنة متعددة ، واجيب التذاكر والسكن من فندق محترم ماتسكنه لاهي ولا من خلفها لو اشتغلت طوال حياتها تجمع لليلة واحدة ، فندق جورج الخامس امبريل سويت ، وكانت الفترة 11 يوم راحت وحطت فيزتي 13 يوم بس ، سألتها : كيف اقدر استطيع الحصول على فيزة لمدة سنة متعددة مثل السفارة الأيطالية ؟....قالت مانعطيك غير فيزة لمدة تذكرتك ..... وقالتها وهي تخزني بنظرها خفت لاتلغي الفيزة وكان وقتي قصير .
مشيت حالي بالفيزة لأني كنت مستعجل ومضطر ، المهم وتقفل معاي من روحتي الين عودتي لأني اعجبني الوضع وبغيت اطول بس الفيزة حجزتني بالموضوع .....اخذت درس
رحت بعدها على طول يوم وصلت للرياض واقدم على الأيطالية ولمدة سنة ، ولأني سبق لي طلعت قبلها فيزة ايطاليا لمدة ستة اشهر بالسابق طلعوا لي فيزة سنتين .... وتدري وش قال لي الموضف يوم جمع اوراقي ...سألته ممكن احصل على الفيزة متعددة مدة سنة ؟....شاف اوراقي وكشف حسابي وشاف صور من الفيزة البنكية وقال لي بعد ماكشف على الجواز بسرعة : مايمنع تاخذ سنتين بعد اذا حبيت اكتب سنتين ....عدلت طلبي لسنتين واخذت فعلا سنتين....رحت اول مرة لأيطاليا من ثم كل مرة كنت اروح لفرنسا وبلجيكا واسبانيا تمشي اموري ولا احد كلمني غير مرة وحدة بس الجمارك الأسبانية قال لي : سبق لك رحت ايطاليا ، قلت له اية ووريته ختمة الجوازات الأيطالية فتبسم لي وختم لي وهو يقول بعد : مرحبا بك في اسبانيا !!!!
قدم على الأيطالية وخذها منها وخلي محطة وقوفك بالأول في ايطاليا صدقني ترتاح مره من سخافة السفارة الفرنسية بالرياض.
تصدق عاد اني كرهت فرنسا بسفرتي ذيك اول مارحت بالطيارة بسبب العجوز لابارك الله فيها.
بعدين لاتروح الأيطالية الا وانت ماخذ موعد بالتلفون تلاقيهم مرتبين لقائك وناس طيبة وذكية يحبون بلدهم بشكل يخليك تحترمهم .
لاتنسا تسأل عن المطلوب بالتلفون عند الحجز لتقديم جوازك والأوراق علشان تجيبهم معاك وكتب بالطلب انك تبي سنتين فيزة متعددة ، اذا ماعطوك سنتين ماهم ملغين طلبك ان شاء الله بس يمكن يقل فترة الفيزة الممنوحة من عندهم بس ماتقل عن 3 اشهر
اسف للأطالة
تحياتي ،،،،

أبو جنا
أبو جنا
بالعكس السفارة الفرنسية بجده تعاملهم راقي..
اوقات التقديم ايام السبت والاثنين والأربعاء..
من الساعة 8.30 الى الساعة 10.30
والاستلام ايام الأحد والثلاثاء..
وتاخذ 10 ايام فقط وليس 10 ايام عمل..
مثلاً قدمت يوم السبت 16 فبراير تستلمها يوم الثلاثاء 26 فبراير..
وحسنت علاقتي مع السوري اللي يستقبل طلبات ومرة جيته قبل السفر باسبوع وقلت له عندي اجتماع معم وزي كذا وساعدني والله وقدمت الاثنين واخذتها الثلاثاء بعد 8 ايام يعني
واذا عندك فيز سابقة مايدققون بالاوراق مثلاً مرة اجيبه بدون كشف حساب ومرة بدون التأمين الطبي وزي كذا
وبالنسبة كان لي سفرة لاسبانيا وعقدوني القنصلية بجده وقالي الموظف السعودي ممكن تقدم عالفرنسية وتروح على اسبانيا وفعلاً اخذتها متعددة 6 شهور من الفرنسية ورحت على برشلونه ايزي عن طريق الخطوط السويسرية

الشاب
الشاب
ممكن لكن ليس شرطا انها تخلص في 10 ايام ,,, لكن في الصيف اعتقد انها صعبة في عشرة ايام
لأن السفارة ما تعطيك موعد لاستلام التأشيرة

mbc54321
mbc54321
الله يبارك فيكم وشاكرلكم على الردود والاثراء بالمعلومات.
المشكله ان عندي رحلة عمل سريعة لفرنسا والدعوة من فرنسا ولازم الفيزه من سفارتهم.
على كل حال قدمت الطلب اليوم والله يسهلم امرنا.
وان شالله اقولكم النتيجه.

إسراء
إسراء
العام الماضي طلعنا فيزا شنغن من السفاره الفرنسيه عن طريق مكتب خلال 20 يوم يعني إطول وهذا التأخير والمكتب الي طلع لنا الفيزا له مكتب خاص داخل السفاره الفرنسيه

أبو جنا
أبو جنا
^ ^
المكاتب تطول لانها تقدم عشرين طلب مع بعض ومايستلموها كلها ..
لكن شخصياً بجده 10 ايام فقط

mbc54321
mbc54321
إسراء
شكر الله سعيكم لكن كل المحاولات بائت بالفشل.
فيه مشروع محاوله اخيرة يوم السبت ... دعواتكم لنا.


خصم يصل إلى 25%