الأخوة الأفاضل ...
أنا ودي انبه على نقطة مهمة عانيت منها العام وأنا راجع من لندن في سبتمبر الماضي .. تفاجأت وانا عند كاونتر السعودية في مطار هيثرو إن موظف الحجز يقولي الشناط هذي ما تركب الطيارة !!! لأن معاك عفش زايد !! قلتله هذا كله عفشي انا ما اعرف منهو زايد خ ...
قالي معاك زيادة في الوزن !! قلت طيب أمرنا لله كم تبون أدفع لكم ؟ قال لا احنا بنتجاوز عن اللي معاك بس رح اشتري لك شناط ثانية من المطار وخفف وزن كل شنطة لأن فيه قانون الجديد ان الشنطة لازم ما تزيد عن 35كج عشان التأمين على موظفين العفش ( شوفوا شلون يقدرون موظفينهم موب إحنا الله يخلف علينا ) وفعلا كل اللي في المطار فاتحيين شنطهم وينقلون من شنطة لشنطة تمنيت ان عندي كشك ذاك اليوم وابيع شناط ( بس والله المنظر كان جداً تعيس ) الملابس قدام العالم وانت تفتح كل شي !!
وأذكر ان مدير المحطة الله لا يبارك فيهم قالي إن النظام هذا بيطبق في جميع مطارات أوروبا !!
ممكن أحد من الأخوان اللي سافروا ورجعوا يأكدون الموضوع هذا !!
تحياتي ...