حبيبتي بالنسبه للسفر لفرنسااذا كان السعر شامل بس السكن والمصاريف يعني من تسوق وغيره اتوقع للسكن اذا كان سعر الليله 700يبيلكم 7 الاف ريال واذا كان اكثر بيوصل 10 الاف بالنسبه الفنادق اللي قريبه من الشانز مستحيل تكون اقل من 700 واذا كانت فهي اقل من نجمتين المصاريف على حسب ممكن تصرفون الف ريال باليوم ممكن اكثر ممكن اقل حبيبتي اذا كنتي بتسكنين بعيد شوي عن الشانز ممكن تحصلين سكن بسعر ارخص بالنسبه لي ماعندي خبره بفنادق باريس كلها روحي لرابط بنت الصقور المثبت حق الفنادق وان شاء الله تستفيدين
بالنسبه للحجز اذا كنتوا اول مره تسافرون نصيحه روحوا لمكتب سياحي معروف يضبط حجوزاتكم احسن لانه شغله الحجوزات اذا انتوا بتسونها متعبه جدا حبيبتي ممكن تقولين انتي من اي منطقه عشان اعلمج عى وكاله سفر زينه اذا كنتي من الدمام او الخبر
ملاحظه عزيزتي اذا كنتوا بتسافرون بعد شهرين يفضل السرعه باتمام الحجوزات الطيران والسكن باسرع وقت لانه بصراحه وقتكم ضيق ولاتنسين الفيز بعد يبيلها من اسبوعين وطالع وبالتوفيق حبيبتي

على حسب موقع الفندق اللي تبون تسكنون فيه..هل هو قريب من الشانز يعني الليله بحدود 900 الى 1200 ريال = السكن 12000 ريال
اذا كان بعيد عن الشانز يمكن تحصلون الى 500 ريال لليله = السكن 5000 ريال
الفنادق الممتازه وبا القرب من الشانز على النحو التالي
باورز من 1000 الى 1300 لليله
فرانكلين روزفيلت من 900 الى 1200 لليله
شاتو من 900 الى 1200 لليله
الورويك من 1300 الى 1500 ريال لليله
كاليفورنيا من 1300 الى 1700 ريال لليله تقريبا
هذي الفنادق كلها قريبة من الشانز ولو بغيتي اماكن ثانية تقدرين تدخلين على رابط الاخت بنت الصقور جزاها الله خير وبتساعدك اضغط هنا https://artravelers.com/p/re/61831
التكلفة التقريبية تعتمد على السكن في المقام الاول و الاخير ومن بعده نمط المعيشه بتاكلون بمطاعم عربية وايطالية وصينية وبتدلعون نفسكم من غير تسوق وغير الفندق يبي لكم من 1000 الى 1500 ريال با الليله وعليك الحساب
طبعا كل المصاريف المذكوره تعتمد على الشخص نفسه وتقدرين تنزلينها الى النص وكلا يمد رجوله قد لحافه
با التوفيق

نصيحة وبتدعون لي خذي استديوفي كلاردج اللي جنب ماريوت على الشانز كغرف جدا حلو كتشن صغير تلفزيون Lcd
كلوبي عادي جدا
او فندق شاتو
لاتطلعين من الثنين( سعرهم معقول)
اذا مايهمك السعر الفورسيزون

صقربن صقر
ممكن أخوي الله لايهينك أسم الفندقين اللي ذكرت بالانجليزي
حتى اسوي سيرش

159951
فندق الشاتو اسمه با الانجليزي CHATEAU FRONTENAC وهذا موقعهم الرسمي اضغط هنا http://www.hfrontenac.com/
شقق الكلاريدج اسمها LE CLARIDGE وهذا موقعهم الرسمي اضغط هنا http://paris-claridge.frasershospitality.com/
با التوفيق

احسن 2 من وجهة نظري بعد الماريوت والفورسيزن والفوكيت الجديد
هم الورويك وكاليفورنيا

اختي من واقع تجربه اوروبا قريبه من بعض في المصاريف 0 اعتقد الرحله تكلف 2000 ريال يوميا تذاكر طيران وسكن ومواصلات ((سياره )) ونثريات يوميه دون حساب الهدايا