السلام عليكم

مساء يوم الثلاثاء اللي فات تشرفت بالجلوس على العشاء مع احد أعضاء هذا المنتدى واللي تربطني في علاقة قديمه وهو الاخ الغالي q2c

كنت عازمه على العشاء وحاولت ابحث عن مطعم ايطالي - لاني مدمن اي شي ايطالي - بالاضافه الى مطعم يجمع التميز وعدم شهرته بين الناس .


ومن حسن حظي ان اختياري كان موفق جداا

وهو مطعم Da Pino



المطعم موجود في الدور الثاني في مركز الخزامى ... وهو تابع لفندق الخزامي الذي يدار بشركة ويست وود الامريكيه .. المطعم وبنفس الاسم متواجد في عدد من المدن الاوربيه .. لكن مادري هل هذا فرع او اقتبس الاسم بس .. :114:


المطعم ..جلساته وجوه ايطالي بسيط وجميل ..

طبعا طاولتنا هي اللي كانت تحت يسار في الصوره .. وكنت وقت الحجز طلبت من الفلبيني يحجز احلى طاوله في المطعم وفي موقع استراتيجي ووعدته راح اعطيه بخشيش .. اعجبني المكان وكانت طاولتنا تطل على الممر وبهو مركز الخزامى .. بخششته وماقصرت معه :101:

يوجد عدد واسع من اختيارات السلطات والعربه اللي خلف الطاوله هو بوفيه السلطات .. كل انواع الباستا تنعمل امامك .. يقوم الشيف بطبخها في التراس الخارجي للمطعم .


اذا طلبت اي طلب من الباستا تقدر تطلب اي نوع من الصوص تحب انه يضاف للباستا .. وفيه تقريبا خمس الى ست انواع من الصوص تختار بينها لاضافة النكهه للباستا ..

كثير كانوا يمدحون في اللازانيا والسباجيتي لكن ماجربناها

جو المطعم داخل المجمع هادى جدا ومريح ... طبخهم كان لذيذ جداااا .. وأسلوب الخدمه من الوايترز كان راقي واحترافي

تجربتنا كانت سلطة سيزر وكانت لذيذه جدا بنكهة الجبنة الايطاليه المتميزه

وجربنا طبقي المفضل .. الفوتوتشيني وطلبته مع الكريمه والمشروم وجبنة البيرميزان :113:

وطلبنا كمان بيتزا مارجريتا .. كانت جميلة ولذيذه برشات من الزعتر وزيت الزيتون ..

العصيرات جربها اخوي q2c وقاعد يمدح فيها .. شفط كاسين مادري ثلاثه .. بالعافيه مادام على جيبي :109:



اتوقع انه مكان مناسب جدا لدعوة شخص للعشاء او الغداء.. لان المكان راقي وهاديء .. وانصح فيه

استغربت ازدحام المطعم نوعا ما رغم انه في وسط الاسبوع .. الطاولات كانت جميعها شبه ممتلئه

يوجد في المطعم مكان مخصص لعوائل .. ويفضل الحجز المسبق .. المطعم يفتح من 7.30 - 11.30 للعشاء

تلفون المطعم

014654650


هذا كان تقرير مبسط ..لزيارة ولقاء الغالي q2c .. واي شخص قد جرب المطعم من قبل او راح يجربه ياليت يشاركنا ويفيدنا :)

اتمنى لكم اوقات سعيده

:surf