اموت بالسفر
17-05-2022 - 06:52 am
اخوكم من الرياض وحبيت اسأل عن خطوط( رويال بروناي) سمعتك تمدحها (اخوي الشعيبي) كيف اوصل لها العنوان؟ وكم التذكره؟ وكيف خطت السير وايش مميزاتها وهل تقدر تقارنها بالسعوديه او الامارتيه ؟؟؟.
والشي الثاني اللي حبيت اسألكم عنه .. انا راح اسافر( للثلاثي المرح) بماليزيا تعرفونهم طبعا (كوالا وبينانغ ولنكاوي) انا جتني فكره اني اروح اول شي لبينانغ ثم لنكاوي وبعدين كوالا عشان منها للرياض ان شاء الله (يعني لما اوصل لمطار كوالا اواصل خط السير لمطار بينانغ وبعدين بالسفينة اذا فيه للنكاوي وبعدين ارجع لكوالا ايش رأيكم ؟؟؟؟ وهل فيه خط سير من بينانغ الى لنكاوي بالسفينه . ومشكورين
حياك الله اخوي اموت بالسفر ... والله يطول عمرك في طاعته
خطوط رويال بروناي ممتازة اخوي للي يدورون ترانزيت ...جربتها مرة
وعجبتني وكان نيتي تجربتها ومنها شوفة بروناي ...اول اخذتها ب2400
وشوية ريال ...الان احد الاخوان يقول 2700 وشوية ...لكن ان بغيت تجلس
ببروناي توصل التذكرة والسكن ليومين مثلاً 3400 ريال ...منها تجرب .
صراحة مااقارنها بالسعودية او الامارتية او الماليزية ...بروناي اقل .
بالنسبة لتخطيطك للثلاثي المرح فتراه جميل ...
عندك طريقتين ...
لانكاوي ---بينانغ---كوالا ...للنكاوي بطيارة ولبينانغ بعبارة
ولكوالا بسيارة .
بينانغ---لنكاوي---كوالا ...لبينانغ بطيارة وللنكاوي بعبارة
ولكوالا بطيارة .
اشوف الاولى احلى واروق .
وان ماتتحمل البحر عليك بطيارة وخلك من العبارة ...تراها ماهي باخرة .
وانت ماشاء الله شاب ورايح لحالك ...ليه مابغيت جنتنغ او كاميرون .
ترى ممكن اخاويك وحأرد على موضوعك الثاني والله ييسر الامر
هذا رقم خطوط بروناي :6571333
وهذا من مكتب سياحي افضل لكن هذا الرقم لاجل تستفسر فقط .
موفق اخوي وربي ييسر امرك ورحلة سعيدة والسلام عليكم