سويسرا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مجوال
19-10-2022 - 10:16 am
بسم الله الرحمن الرحيم
السلام عليكم ورحمة الله وبركاته
أريد منكم المساعدة يا أهل الخير .. وإعطائي نبذة عن أفضل الأماكن السياحية الجميلة .. لمدة 7 أيام في سويسرا .. - ما هي أكثر الأماكن طبيعة .. ما هي أجمل المانطق من ناحية الترفيه .. ما هي أجمل الناطق من ناحية .. .. .. ؟؟؟


التعليقات (9)
ksa
ksa

بسم الله الرحمن الرحيم
اخوي مجوال ....
انا والله شفت ان هذي اول مشاركه لك قلت خل ابدا حتى انا لاني ولا مرة شاركت
و حبيت اقولك تراني ولا مرة رحت سويسرا لكن رحت دول اوروبيه ثانيه
و حبيت اقولك في بكجات تجي جاهزه وحلوة لمجموعه دول اوروبيه
يعني مثل لندن و بعدين باريس وبعدين ماربيا وبعدين ايطاليا وغيرها من الدول الاوروبيه او ترتبها انت على كيفك
وحبيت اقولك انت كم يوم راح تجلس لاني اعرف ناس راحوا لها ويقولون ما تستاهل اكثر من اسبوع لان ما عندهم الا هالجبال و البحيره
وبالنسبه للناطق ما فهمت وش تقصد احس انها بدليه
مسوي اني صايدها
.. ما هي أجمل الناطق من ناحية .. .. .. ؟؟؟
واتمنى تنبسط برحلتك اخوي

الأخت سفريات
الأخت سفريات
أخي ...
راجع مواضيع منتدى السفر الى سويسرا والنمسا ....
و التقارير المصوره مكتبة سويسرا والنمسا ...
وسترى ما يغنيك عن السؤال ...
أختك سفريات

مجوال
مجوال
أشكر الأخ ksa والأخت سفريات ..
على ردهما على الموضوع .. وللتعقيب فأنا سوف أجلس هناك لمدة أسبوع واحد .. وأسبوع في بريطانيا ,, فلذالك أنا أبحث عن أماكن سياحية في سويسرا ..
وأرشدت إلى هذه المناطق أبي رايكم فيها ..
لوزان
أنترلاكن
جنيف
وأتمنى ردود أكثر من الأعضاء ..

ksa
ksa
بسم الله الرحمن الرحيم
العفو اخوي مجوال
وانا اتوقع انك ما زرت منتدى سويسرا و النمسا مثل ما قالت الاخت سفريات
واتوقع لو زرت هالمنتدى راح تستفيد واجد وراح تحصل كل الي تبيه
و بالنسبه لبريطانيه في اماكن واجد حلو لكن انت ما حددت تبيها للتسوق او للتمشيه مثل مدن ترفيهيه و حدائق او مجمعات تجاريه وشوارع للتسوق ؟
وراح تكون بلندن او راح تطلع عنها
وان شاء الله راح احاول افيدك بالي اعرفه و الاخوان بالمنتدى ان شاء الله ما راح يقصرون وياك

مجوال
مجوال
أشكرك أخوي Ksa على تعقيبك .. وانا أقصد أماكن سياحية جميلة طبيعية مثل .. الحدائق والمطلات .. ترفيهية مثل .. مدن الألعاب .. وأماكن الأسواق .. والمجمعات التجارية .. وهكذا .. سواءً في سويسرا .. أو في لندن .. وإن شاء الله سأخرج من لندن ولكن سأكون بالقرب منها ..

عاشق جنيف64
عاشق جنيف64
عزيزي مجوال أنا رحت السنة الماضية سويسرا ورايح لها السنة هاي إن شاء الله وأنصحك أنك تكون متواجد بسويسرا في الفترة من 1 - 10 أغسطس وخاصة في جنيف فهي فترة احتفالات ومهرجان جميل جداً على البحيرة وكذلك لا تفوت منطقة انترلاكن وزيرمات وهي مناطق هادئة جداً وجميلة ولا تنسى في انترلاكن أن تذهب إلى أعلي قمة جبلية في أوروبا وذلك عن طريق المكاتب السياحية الكثيرة هناك ، ولكن مشكلة انترلاكن رداءة الفنادق هناك ما عدا فندق واحد وهو متروبول فخم جداً ولكن غالي أيضاً حيث سعر الغرفة في الليلة 250 دولار تقريباً .

ksa
ksa
بسم الله الرحمن الرحيم
اخوي المجوال
بالنسبه للي اعرفه عن سويسرا قلته لك لكن بالنسبه للندن
فعندك شارع اكسفورد هذا كله محلات للتسوق و يبيلك اكثر من 3 ايام علشان تخلصه لانه طويل مرة
وعندك هاردز وعندك اسواق واجد هناك وما راح تزهق من الشووبانق لان سوقهم حلو بصراحه
وبالنسبه لمناطق الالعاب
عندك ملاهي التن تورز هذي مره روعه و هذي اكبر مدينه ملاهي في اوروبا من بعد ديزني فرنسا ويبيلك اربع ساعات علشان توصلها من لندن اذا كنت رايح لها بالباص
وعندك مدينه برايتون اذا كنت ناوي تطلع عن لندن وهذي تقدر توصل لها عن طريق القطار وهذي فيها ايضا مدينه ترفيهيه حلوة وموقعها في نص البحر
وعندك طبعا حديقه هايد بارك وهناك كل العرب يتجمعون ولا يفوتك يوم الاحد فيها لان يكون فيها تجمع في الكورنر ويكون كل واحد ماسك المايك حقه وطايح سب وتعليق او مدح او اي شيء على حسب الي هو جاي له
وعندك الوايت ليز هذا مجمع حلو وفيه سينما مش بطاله وفيه قهاوي و يتجمعون العرب فيه وقت المغرب بعد الهايد بارك
وعندك تركا ديرو وهذا في بيكاديلي و قريب منه في ساحه فيها عروض وصالات سينما و هذي حلاتها بالليل
وعندك شارع اجور رود وهذا يسمونه شارع العرب وهو مليان مكاتب للسياحه وتقدر تاخذ من عندهم عروض ورحلات لمناطق برا لندن لكن انتبه تراهم احم احم يعني لا يقصون عليك
وبالنسبه للتنقل بلندن عندك الباصات او الاند قراوند (المترو) لان التكاسي عندهم غاليه حيل
وبالنسبه للباصات و الاندر قراون تقدر تشتري بطاقه لمده يوم او لمده اسبوع او لمده شهر او سنه
على كيفك لكن اذا بتاخذ اسبوع وما فوق لا تنسى تجيب لك صورة شخصيه لانه لازم تحط صورتك عليها
واتمنى لك رحله موفقه وان شاء الله تكون المعلومات الي عطيتك عن لندن فادتك ولو شوي
اخوك ksa

بياض الالب
بياض الالب
اخوي مجوال خطتك لسويسرا ممتازه واقترح عليك زيارة مدينة (لوقانو) لانها قمه في الروعه وتستاهل الزياره اكثر من (انترلاكن) في رايي لاني زرت الثنتين وفرق كبير بينهم وراح تحصل في المنتدى عدة مواضيع عن (لوقانو) وصور لها وان شاء الله راح تعجبك واذا تبغى ادلك على اماكن في (زيوريخ) و (انترلاكن) و(لوقانو) انا حاظره وللاسف لوزان لسه ما اعرف عنها شي لاني هالسنه بزورها ان شاء الله

بندر بن فهد
بندر بن فهد
لو سمحت بياض الالب ممكن تدلينا على الاماكن في المدن الي ذكرتي لاني رايح انشاء اللع بعد اسبوع


خصم يصل إلى 25%