كوالالمبور المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
mzoon
14-08-2022 - 09:51 am
مراحب للجميع
عندي استفسار بخصوص رحلتي لماليزيا
المده 7-10 ايام
و ناوين نروح كوالالمبور بس... ما نبي مناطق ساحليه و بيتشات
تسوى المدينه 10 ايام و لا بنمل..
طيب اذا ما تسوى وش تقترحون علينا مدن ثانيه ؟
ياليت القى تفاعل علشان احجز من الحين
و على فكره السفره ناوينها في ابريل ان شاءالله.. مناسب الوقت هذا و لا لا؟
مستنيتكم لا تتأخرون علينا


التعليقات (9)
منجادوا024
منجادوا024
والله ياأختي مزون
مدام عدد ايامك عشره ايام فأنصحك بالتالي
يومين في كولالمبور (سيلانجور)
يومين في جنتنق
يومين في أفاموزا
اربعة أيام في قلب العاصمه كوالالمبور
بالتوفيق

mzoon
mzoon
يعطيك العافيه على تجاوبك مع استفساراتي
ان شاءالله بشوف هالمدن اذا تناسبنا او لا مع ان افاموزا هذي اول مره اسمع عنها
مشكور

شهر عسل يناير
شهر عسل يناير
اقترح تقسمها بين :
سلانجور
جنتنق
وكوالالمبور
وهذي المناطق كلها تبعد عن بعض نصف ساعة بالسيارة تقريبا
واتمنى من خبراء المنتدى ان يفيدوك

mzoon
mzoon
مشكور على اضافتك اخوي
يعني الحين اتفقنا على جنتنغ نضيفها
و فعلا احنا نبي شي نروح له بالسياره بلا طيارات و لا فيريات.. بس اللي فهمته الحين ان سلانجور مدينه ثانيه غير كوالالمبور... معليش مالي خبره في ماليزيا ..
طيب لو اكتفينا بالعاصمه + جنتنغ..
فيه اماكن قريبه نروح لها بنفس اليوم و نرجع؟؟ من غير مبيت يعني
طيب بالنسبه للتوقيت ... ابريل مناسب؟
لانه هو وقت الاجازه عندنا...
مستنيه ارائكم و اقتراحاتكم
و يعطيكم العافيه

ابوهاجر111
ابوهاجر111
mzoon
السلام عليكم اخت مزون
  • * حبيت اضيف لك اللي اعرفه بحكم بحثي المستفيض في الموقع لانى ابي اسافر انا والمدام في نفس الشهر وهو ابريل

اولا سلانجور مش مدينه ثانيه مثل ماتتصورين بالعكس قريبه اتوقع 10كيلو تزيد او تنقص قليلا..... لانك وانت ساكن في فنادق سلانجور مثل فندق الصن واي لاقون تشوف ابراج العاصمه التوأم من بعيد طبعا وهذا يدل على قربها
ثانيا اذا سكنتو في العاصمه تقدرون تروحون الى جنتنج في نفس اليوم وترجعون تقريبا ساعه
وتقدرون تروحون الى بوكيت تنجي القريه الفرنسيه( قرية روعه لانها ذات طابع فرنسي ومناظرها روعه) وهذي بعد قريبه من العاصمه وفيه شرح لبعض الاخوان في المنتدى عنها
واتوقع ايضا تقدرون تروحون الى منتجع افاموزا ,,, بس الافضل تاخذون لكم هنا يومين اريح لانها بعيده حبيتن اتوقع 200 كيلو وفيها
ثالثا بالنسبة للتوقيت انا اتوقع انه ممتاز لانه راح يكون في فصل الربيع تقريبا وماليزيا حسب ماعرفت انها رطوبه في الصيف ,,, فعلى الاقل في ابريل راح يكون اخف رطوبه بكثير
رابعا اقترح تحطون لنكاوي في الجدول لانها روعه على الاقل يومين
وبالسلامه تروحون وترجعون

mzoon
mzoon
يعطيك الف عافيه على الاضافات..
من جد استفدت منها
و ان شاءالله تنبسطون انت و المدام

إسراء
إسراء
صح جنتنغ قريبه من كولا لمبور ويمكن تروحين وترجعين بنفس اليوم لكن انصحك انك تقضين فيها ليلتين ....
بالنسبه لسيلانجور اذا معاكم اطفال ممكن تاخذون ليلتين فيها واذا ما معاكم اطفال فما انصحك بالنوم فيها
لانها عباره عن ملاهي ومسابح ممكن تروحون لها من العاصمه تقريبا 30 دقيقه
فيصير توزيع 10 ليالي
3 ليالي كولا فندق قريب من البرجين
ليلتين جنتنغ ( فندق جنتنغ )
5 ليالي كولا فندق في شارع العرب
وممكن ياعسل تروحين جزيرة بيننغ بدون طيران بالسياره خمس ساعات , فشواطي بيننغ تستحق الزياره بقوه وخساره تروحين لماليزيا وماتمرين على بيننغ
3 ليالي كولالمبور
3 ليالي جزيرة بيننغ
4 ليالي كولا لمبور
تمنياتي لك برحله سعيده

BUSHARAF
BUSHARAF
my advice :
Two days in Cameroon highlands.
Two days in Genting ( why?) because if the rain fall the whole day all outside games will halt and maybe the rain will stop after sunset, so the next day you'll have another chance to play:11ight:.
SIX days in KL.
hpoe you enjoy the trip.:115:

سفريشن
سفريشن
إذا كنتوا ناوين تقضونا في كوالا فقط .
فعشرة أيام تعتبر كثيرة نسبياً
و 7 أيام كافية جداً وهي كالتالي :
1- اليوم الأول - في النهار حدائق الزهور ، الطيور ، الفراشات ، الحيوانات وتراها جنب بعض
تقدرون تروحون لها مشيء
وبعد العصر إلى التوينز تاور والحديقة المجاورة له وعالم ما تحت الماء (أكواريا)
أيضاً تقدرون تروحون له مشي من سوريا كي إل سي سي (مول التوينز تاور)
عن طريق مواقف السيارات الأرضية
على كذا تنتهون تقريباً على الساعة 8 إلى 9 بعدها عاد تبون شارع العرب تمشون فيه
لين 11 أو 12 وإن بغيتوا الفندق للنوم يمكن يكون أحسن حسب رغبتكم
2- اليوم الثاني - برج منارة ثاني أطول مبني في كوالا لمبور طبعاً في النهار
وعلى ما سمعت ولا أدري أن فيه مطاعم لو حبيتوا تتغدون فيه
وفي المساء أي مركز تجاري وهي كثيرة مثل (ال بي بي بلازا ، سوقو ، ميغا مول)
3- اليوم الثالث - السن واي لاقون (لا أنصح بالسباحة فيها) والسوق المجاور لها
سن واي بيراميد
4- اليوم الرابع - مرتفعات جنتنق كامل اليوم من النهار وحتى المساء (لا أنصح بزيارتها السبت و الأحد)
لإنها الإجازة الرسمية للشعب الماليزي وغالباً يروحون لها في هاليوين وتكون زحمة شديدة
بالتاكسي يمكن تكلفكم 250 رنقت إلى 300 رنقت حسب وقت الإنتظار من 3 إلى 4 ساعات
وبالباص 16 رنقت ذهاب وعودة عن طريق محطة البودو رايا طبعاً بين رحلة الذهاب والعودة
حوالي 4 ساعات إلى 5
5- اليوم الخامس - الماينز (سوق تجاري يفصله نهر) والماينز وندر لاند حديقة ومنتزه مجاور لها
وفيه عرض النوافير الراقصة ويبدأ عرضها (الساعة 8 مساءاً)
وهذا اللي أنا أعرفه وشفته وإذا كان فيه أماكن ثانية ممكن تستفيدون من باقي الأعضاء عنها
واليوم السادس والسابع - كرروا زيارة الأماكن اللي أعجبتكم وإستعدوا للسفر
وأتمنى منكم الدعاء وتروحون وترجعون بالسلامة ورحلة موفقة وسعيدة
أخوكم :
سفريشن


خصم يصل إلى 25%