سيلانجور المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
فتاة الكترونية
12-08-2022 - 12:48 am
سلام
بصراحة جننوي التنقلات وترتيب المدن
هل نزور اول شيء بعد سيلانجور بيانج ام لنكاوي
وماهي التنقلات البرية المسموح بها وهل لو ذهبنا الى لنكاوي بعد سيلانجور ثم اردنا الذهاب الى بيانج نستطيع عن طريق الباص لأني سمعت انه في وحدة منهم لازم بالفيري
ارجو منك ترتيب زيارة المدن لي مع توضيح طريقة التقل البرية لو موجودة


التعليقات (8)
المغادرون 2007
المغادرون 2007
فتاة أليكترونية
ما يصير كذا؟! قربت رحلتك وأنتِ بعدك ما رسيتي على خطة؟! وأنتِ صار لك فترة ماهي بسيطة في المنتدى
المنتدى مليان برامج وخطط وفيه معلومات وافية عن طرق ووسائل التنقل.
على العموم أقترح عليك مايلي
من سلانجور إلى لنكاوي بالطيارة ثم إلى بيننغ بالفيري أو بطيران فايرفلاي ثم من بيننغ إلى كوالا بالطيارة
ولما ترجعوا كوالا ريحوا لكم يوم ثم ثاني يوم خذوا باص لجنتنق (قيمة التذكرة 17 رنقت) باص مريح وواسع والطريق ممتع والمسافة ساعة إلا عشر دقايق روحوا الساعة 8 ونص الصبح واستمتعوا بالملاهي في جنتنق والجو الحلو وآخر النهار أرجعوا.
رحلة سعيدة إن شاء الله

أم عمر
أم عمر
الراي أنكم تبدون من فوق وهي لنكاوي ثم من لنكاوي لبنانق بالفيري ومن بينانق لكوالا بالطياره أو بالسياره

فتاة الكترونية
فتاة الكترونية
انا عارفة التنقلات بس مشكلتي ملخبطة أبدأ في ايش بيانج ولالانكاوي
وكمان مو عارفة اماكن حجز التذاكر للباصات في كل من سيلانجور ولا بيانج لأن احتمال نسافر بالباص
وهل طيران فلاي ارخص من اير اسيا

مهند
مهند
وعليكم السلام
أفضل خط سير التالي
يومين صن واي
بالطائرة إلى لانكاوي ( الخطوط الماليزية أو الآسيوية )
بالطائرة إلى بينانق ( خطوط فير فلاي أو الآسيوية ) لازم حجز بالبطاقة الائتمانية من الموقع
من بينانق إلى كوالالمبور بالباص VIP
راجعي تقريري اختي الكريمة فيه تجربة التنقل المذكورة أعلاه
مواقع تهمك
http://www.fireflyz.com.my/

مسافره مختبه
مسافره مختبه
هلا بفتاة الكترونيه..
انا رجعت لجدولك اللي اتفقنا عليه..
سيلانجور
لنكاوي
بينانج
كوالا (رويال بنتانج)
جنتنغ
كوالا (استانا)
خلينا نخطط المواصلات سوا بالتفصيل..
سيلانجور
لنكاوي
طبعا سيلانجور هي نفسها كوالالمبور..
وانتي ماراح تقدرين توصلين لنكاوي الا بطياره..
علشان كذا عندك خيارين..
1-اير اسيا..
وطريقة الحجز موجوده في توقيعي.. او اذا وصلتوا هناك.. ممكن تسوونه..
لكن انا افضل انكم تسوونه الان.. وهنا افضل..
الصيف الماضي.. اخذناها تقريبا للشخص 89 رينجيت..
2-الماليزيه..
اغلى من اير اسيا.. وماشوف فيه فرق.. الا انهم يقدمون عصير..
والمسافه ماتستاهل.. ساعه..
اذا بادفع زيادة مدري كم ميه على عصير مشكله ذي ههه
لنكاوي
بينانج
فيه عندك طريقتين..
1-اما بطيران فاير فلاي..
وهذا موقعهم http://WWW.FIREFLYZ.COM.MY
بينانج
كوالا (رويال بنتانج)
هنا ممكن تاخذون الباص..
والرحله ممتعه جدا..
فيه باصات كثيره تمشي على كوالا... بس اغلب الناس يحبون يستخدمون (سوبر نايس)
وهذا عنوانهم..
ورقم تلفونهم.. اكتبيه معك. علشان اذا وصلتي هناك..
(من موقعهم)
http://www.supernice.com.my/
عموما.. حول سوق (كومتار) في بينانج فيه مكاتب تحجز الباصات..
على شركات مختلفه .. وممكن تطبين وتنقين هناك
وانا ذكرت كومتار لانها اقرب للمناطق السياحيه ومناطق الفنادق في بينانج ، من محطة الباصات الاصليه..
كوالا (رويال بنتانج)
جنتنغ
كوالا (استانا
بتاخذون خط باصات اسمه
Genting express coach
وهي تمشي من عدة محطات .. لكن الاقرب لفندقكم محطة باصات اسمها
Pudu Raya bus station
الباصات تمشي كل نص ساعه الى ساعه..
من الصباح الى الليل..
http://www.journeymalaysia.com/ptagenting.htm
وسعر التذكره تقريبا 8 رينجيت..
الافضل تحجزون قبلها.. لانها دايم الباصات مليانه ماشاء الله..
راح يعطونكم تذكره من جزئين.. احتفظي بكل الجزئين..
  • الجزء الاول .. من كوالا الى نص جبل جنتنغ (محطة التلفريك)
  • الجزء الثاني..من محطة التلفريك بتاخذون تلفريك الى اعلى جبل جنتنغ..

ولكن انتبهي انك تحجزين العوده ..حتى لو كانت رجعتك بعد يومين..
اول ماتوصلين اعلى قمة حنتنغ.. من محطة الباصات هناك..
ومحطة الباصات هناك سلمك الله بتلقينها عند فندق فرست وورلد من برا..
فيه مقهى ستار بكس.. اذا صار بوجهك.. لفي يمين.. وتحته درج طويل نازل تحت..
هناك محطة الباصات..
اقتراح بس علشان راحتكم..
مايحتاج تاخذون كل شناطكم معكم كلها لجنتنغ
خلكم خفيفين احسن لكم..
ممكن تنقلون شنطكم من رويال بنتانج الى استانا يحطونها في غرفة لتخزين عندهم..
قبل ماتروحون جنتنغ بحكم انكم جايين لهم بعد يومين..
وهل طيران فلاي ارخص من اير اسيا
فاير فلاي خاص بخط (بينانج- لنكاوي)..
واير اسيا يغطي جميع ماليزيا..ماعدا (بينانج لنكاوي)
يعني مافيه اي لخبطه بهالموضوع
عموما فاير فلاي تقريبا تذكرتهم للنفر الواحد 170 (بين بينانج ولنكاوي)
تحياتي لك
ورحله سعيده ان شاء الله

BentUAE
BentUAE
لنكاوي والا بننج مب مهم الترتيب عادي انا حاليا موجوده في ماليزيا ما اشوف ان الترتيب بين لنكاوي والا بننج مهم بس ابغي انصحك اذا انتي من النوع اللي ما تتحملين البحر لا تروحين من جزيره الى الثانية بالفيري هذا انا بغيت اموت والسبه الفيري والله طلعت روحي ما تدرين العذاب اللي انا شفته من دوار البحر حتى زوجي خاف علي يوم شافني كذا مع اني ماخذه حبة الدوار؟؟ اذا على تذاكر الباصات مب مشكله اسألي الفندق اللي تمونون فيه هم يساعدونج عادي انا اي شي ما اعرفه اسألهم يدلوني عليه

د.قانون
د.قانون
على العموم ما قصروا الأخوان
بخصوص جنتنق
فيه باصات خاصة بجنتنق تطلع من المحظة الي مقابلة للتايمز سكوير تماما
ب 28 رنقت حسب ما اذكر
بس توصلك لجنتنق مباشرة ولا تمرين التلفريك
مع الألعاب الخارجية مجانا
احتفظي بالتذكرة للعودة والألعاب الخارجية
يمكن معلوماتي قديمة بس تبدأ الرحلات 9.30 لأنها ماتفتح إلا 10
تحياتي

فوق مستواك
فوق مستواك
فتاة الكترونية
اياك والمبيت بجنتنق جنتنق حقها سويعات معدودة فقط لان فنادقها من اقذر الفنادق التي شاهدتها في
حياتي ناهيك عن خدماتها السيئة واكتضاضها با النزلاء ايام عطلة الفنس ( تشاينيز ايز )
بخصوص كوالا بينانج
الباص VIP ممتاز خصوصا للاستمتاع با الطبيعة الخلابة او استئجار سيارة من كوالا والذهاب بها
وتسليمها في بينانج او العكس
واذا تبون الانبساط والاستجمام لنكاوي هي المقام
وانصحكم بفندق اقصد منتجع ( دا تاي ) والله على ما اقول شهيد قمة في كل شي لكنه غويلي شوي
اما بكوالا فعليكم بفندق مندرين اورينتال
بصراحة بينانق فنادقها لك عليها يعني لو تخلونها مطب صناعي يستحسن


خصم يصل إلى 25%