قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الطيران العماني
24-09-2022 - 09:36 pm
  1. موقف طريف بالدوحة :-


بصراحه انا زرت قطر من سنه تقريبا .. صحيح انها صغيره بس اهل قطر خلوها كبيرة بقلوبهم الواسعه والرحبه لكل من زارها ..
مريت خلال زيارتي على سوق واقف الرائع وسوق الذهب - كان تمنيت اخذ اسوارة حق الوالده بس ذهبكم نار ياهل قطر :112: -
وياسلام على ذيك اليوم ، يوم رحت رياضه على كورنيش الدوحه ابتداء من عند وزارة الداخلية او الخارجيه لا اذكر مرورا بشعار اسياد الدوحه الين وصلت السيتي سنتر وياسلام على السيتي سنتر ياولاد يهبل تضيع فيه لا وبعد بوابته الزجاجية الرائعه
التطور العمراني مستمر ويوجد تطاول في البنيان وياحلاتك يافندق الانتركونتنيننتال .. لنا عودة لك
تركتك ياقطر على ان القاك في يوم اخر باذن الله واذا خلانا الموت لنا رجعه

موقف طريف بالدوحة :-

يوم خذيت تاكسي للمطار طاحت علي التذكرة بالتاكسي وراح التاكسي وقمت ادور على التذكرة في الشنطة والاغراض عفستها تعفيس :112:ومالقيت شي :112: والوقت يداهمني والرحلة باقي لها ربع ساعه فقط .. حاولت من المكتب التابع للطيران يعوضني تذكرة ورفضوا:112::112: شوهذا الضغط
قالوا لي خذ تذكرة جديدة بقيمة 1100 ريال قطري قلت ليش هالسعر قالوا ارتفعت الاسعار ، وكوني مضطر للسفر قلت لا اله الا الله امري لله طلعوا تذكرة جديدة ،، تتوقعون وهم يطلعون تذكرة شو صار خمنو
راعي التاكسي جاب التذكرة وحطها بالمكتب ،، حاولت الحقه عشان اكافأه بس للاسف مالحقته .. جزاه الله خير
فاقول شكرا لقطر ..وشكر للامير ... وشكر لاهل قطر .. وعلى راسي من فوق
والله احبج ياقطر .... قد السماء وقد البحر


التعليقات (9)
qatar2007
qatar2007
سطور مفعمة بروح حب قطر
واردد معك والله احبك ياقطر....
وان شاء الله تصير لك فرصة جديدة وتزور قطر وتشهد تطورها

الطيران العماني
الطيران العماني
qatar2007
ان شاء الله ازورها .. واشكر مرورك
اكرر واقول عمار ياقطر

فــ قطر ـــرح
فــ قطر ـــرح
حياك الله وان شاء الله تكون لك رجعة وتزورنا ،،،
وعاش قطرت

الطيران العماني
الطيران العماني
فرح قطر .. نورتي الصفحة يالغالية .. اشكرج على مرورج

miss qatar
miss qatar
حياك الله اخوي في اي وقت ..
وشكرا على هالكلمات الرائعة عن قطر..

الطيران العماني
الطيران العماني
miss qatar
اكيد قطر داري الثانية .. كلنا خليج الله يحمينا من كل بلاء ..اشكر لج مرورج

انا ولد عمك
انا ولد عمك
وين راعي التاكسي بروح اكافئ...
ومنور اخوي العماني ديرتك قطر

فروستي
فروستي
ابصراحه من كلامك حبيت قطر واهلها على الرغم اني احبهم واايد من قبل كلامك بس حببتني فيهم اكثر
انشالله ان ازورها جريب

الطيران العماني
الطيران العماني
اخوي ولد عمي / راعي التاكسي كان باكستاني .. ههه دور عليه


خصم يصل إلى 25%