أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
افكر اخذ العائله 7 اشخاص الى ماليزيا سؤالي:
ممكن يكون هناك شقق في كوالا باشهر نستأجرها وناخذ عزبتنا من السعوديه
ممكن احد قد عمل هذا البنامج وافكر اجلس شهرين هل من موئيد او ناصح
شكرا للجميع
فيه شقق تايم سكوير ممتازة وتحتها مول كبير
بس غاليه لانه بياخذ اكثر من شقه كبيره او اكثر من شقه..
وشهرين كثير..شهر كفايه وممكن تملون وممكن تقسمونها سنغافوره و اندونسيا..
في اجازة الصيف اي بعد ما نختبر ونخلص نذهب الى ماليزيا وما نجئ اللي قبل ما تفتح المدارس بيومين
يعني نقضي الاجازة كلها في ماليزيا ها السنة كانت ( شهرين + اسبوع ) وعلشان تستمتع بالاجازة سجل في نادي رياضي او سجل لغات او شارك في الاحتفالات بحضورك ........ يعني شئ مفيد علشان ماتطفش انت والعائله وانصحك بنادي كلفورنيا عندها كذا فرع في كولا
مع تمنياتي لكم برحلة سعيدة وممتعه
السلام عليكم
اخوي انا سابقا سألت عليها في كوالالمبور..
شوف طال عمرك فيه شقق بالشهر سعرها تقريبا 1200 رينجت.. يعني 1200 ريال سعودي (تقريبا)..
ولكنها بدون اثاث........ عليك الاثاث وكل شي يعني سكن لواحد جاي يعيش..
وتبدأ الاسعار تطلع.. فيه عندك شقق KL Plaza اللي تقع في قلب البوكيت بينتانق ... على حسب ذكري ان سعرها بالشهر كان تقريبا 2600 رينجت بالشهر.. فيها اثاث وفيها غرفتين وصالة ومطبخ..
وفيه شقق مفروشة وخدماتها فندقية والصعود لها عن طريق مصعد يفتح بكرت الشقة وفيها امان ان شاء الله ورائعة جدا لكن سعرها بالشهر تقريبا 5000 رينجت.. طبعا غرفتين وصالة ومطبخ وحمامين اعزكم الله...
طبعا كل ماتطلب اكبر او اصغر كلما يتبدل معك السعر كعملية نسبة وتناسب..
المهم.. الاسعار اللي قلت لك ماهي مية بالمية لكنها هي اقرب شي بالضبط لاني وقتها كنت ابحث عن انواع الشقق هناك..
انا كنت ادرس هناك.. وتعبت علشان ابحث عن شقق.. هناك الشقق فيه انواع لكن المشكلة المنطقة + الاسعار + الخدمات... وغيره.. لانك عارف ان الشقق هناك هي السكن الاول للمواطن الماليزي.
واي استفسار اخوي انا حاضر ان شاء الله..
هلا اخوي
عندك شقق " باسيفك ريجنسي " مقابل المنارة و تقدر تجلس فيها سنه مب شهرين....
مكان الشقق حلو و هادي و كل شي قريب منه .... 10 دقايق مشي لشارع العرب...
بالتوفيق اخوي....