سويسرا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أبو جهاد
30-10-2022 - 04:27 am
السلام للجميع عندي موضوع غريب شوي وإليكم السالفه:
زوجتي تبغى تصاميم لزي محتشم أثناء السفر طبعا يكون أكمام طويله وعادي يكون قصير لأنه بتلبس بنطلون يعني يكون مثل الابكوت بس صيفي طبعا ، إحنا رحنا دورنا ما لقينا جاهز إلا وفيه عيوب مثلا قصر الأكمام أو أنه مخصر ونتمنى اللي يعرف أي معلومات يدلو بدلوه ترى إحنا أول مره بنروح أوربا و السلام خير البدايه و الختام .


التعليقات (9)
الأخت سفريات
الأخت سفريات
مافي احسن من العبايه يا بو جهاد
اكيد عندكم محل اسمه first choice .... بتلقى عندهم عبايه مغلقه بالكامل تلبس من الرأس مثل الثوب ... هذي استر شي في رأيي للسفر ... بس خلها تراعي انها تاخذها على طولها ومب اطول عشان ما تنظف فيها شوارع النمسا .
وممكن تلبس عليها سكارف ملون .... هذا نظامنا كأماراتيين ما ادري شو بالنسبه لكم .
كل واحد يشوف الي يناسب المحتمع الي عايش فيه .

أبو جهاد
أبو جهاد
هلا والله وغلا بالأخت العزيزه سفريات حبيت أسألك عن المحل اللي دكرتيه وهل هو محل عبايات وهل موجود مثله في السعوديه أم لا لأني مو خبير أسواق، وعن الدواره إدا تقدري ترسمي الشكل عشان أنوديه الخياط أدري أن طلبي يمكن يكون غريب شوي بس بالفعل أتمنى أن يكون طلبي مو متعب وهل عادي أن اللون يكون أسود؟ وكيف يكون الطول طويل ولا تحت الركبه بشوي و عليه بنطلون؟ و ما قصدك بسكارف هل هو حجاب الرأس (ما يخالف تحمليني ) شاكرين لك هالفزعه.

الأخت سفريات
الأخت سفريات
أخي ابوجهاد .... first choice ...أو ,,,, الأختيار الاول .
اصلا هو محل سعودي ... وفاتح فروع عندنا في الامارات .
الي اتكلم انا عنها هي عبايه سوداء مغلقه طويله وليست تحت الركب .... تلبس كما يلبس الثوب ... صراحه ما عندي صورتها ... امس انا رحت ولقيتها موجوده عنده جاهزه لا تحتاج تفصيل ... بس لازم تروح بسرعه عشان لو ما كانت متوفره يفصلونها لكم ... اظن عبايتين تكفي للسفره .
أخي موضوع العبايه مش مشكله في اوروبا ابدا ...
اما موضوع السكارف ( يعني شيله ملونه) ...

الأخت سفريات
الأخت سفريات

هذي صورة العبايه المغلقه ...
بالنسبه لي اخذها من دون تطريز .... (ساده)

الأخت سفريات
الأخت سفريات

واذا كانت المدام ما تريد العبايه ممكن تفصل عند الخياط جاكيت مثل هذا بالطول الي تريده والالوان الي تريدها.
اتمنى اني قدرت اساعدكم .

البرنسيسه
البرنسيسه
مرحبتين اخوي ابو جهاد
ماشاء الله الاخت سفريات كفت ووفت بس مادا انا با اسعوديه بضيف على كلامها
محل الاختيار الاول محل عبايات مثله مثل اي محل عبايات
وتحصله اذا كنت با الرياض( باسواق صحارى الرياض-- العقاريه الثانيه)
والعبايه الي تقصدها عبايه كتف يسمونها ثوب وهي مريحه جدا ومسكره وطويله يعني نفس
الثوب الرجالي.
اما با النسبه للحجابات الملونه تلاقيها بكل الاسواق (المملكه-الفيصليه- صحارى-)
واذا تبي شي مو غالي مره يعني يتراوح سعر الحجاب ما بين 10 الى 40 ريال
وكويسات جدا وملونه وخاماتها ممتازه تلاقيه
با اسواق (طيبه- والعويس)
وبرضو فيه محل توه فاتح بطريق الملك عبد العزير اسمه(سيتي ماكس) تلاقي عنده حجابات
حلوه ورخيصه.
اما با النسبه للبالطوات الي كنت تقصدها لزوجتك وتكون محتشمه
تلاقي (زارا-- مانجو--نكست-- ستي بلازا-- اسواق صحارى مليانه--- ان هارفي)
واتمنى اني افدتك

أبو جهاد
أبو جهاد
مشكوريين و ماقصرتوا بارك الله فيكم

ahmed811
ahmed811
الآخت سفريات
المتميزة دائما بخدماتها............
مشكورة

الباحثة
الباحثة

وعليكم السلام ورحمة الله وبركاته
هلا باخوي ابو جهاد وحياك الله
و ان كانوا خواتي سفريات و البرنسيسه ما قصروا و فادوك جزاهم الله خير .
و يا ليت اختنا الفاضله زوجتك يمنا بالكويت كان فدتها عن المحلات الي تبيع المطلوب لانه يتوفر عندنا لبس يطلق عليه (المانتو ) طبعا هو غير المنتو حقكم الي ينوكل
و هاللبس قريب من لبس الايرانيات او لبس خواتنا بالشام و هو مستور جدا ومتوفر منه الوان , منها الغامق كالاسود والكحلي او بيج و رمادى او خام الجينز و يجي طوله مثل طول العبايه او البالطو الطويل لكن ما يوصل للأرض و بأزره من قدام ممكن يكون مفتوح من الاجناب فتحات بسيطه او مو ضروري يعني حسب الطلب و يجي من تحته بنطلون من نفس اللون وان حبت اختنا تقدر تلبس تحته بلوزه طويله او قميص و يصير مفتوح او انها تغلق الزرارات وهاللبس محتشم جدا و وقار و غير مخصر و ممكن لبسه مع النقاب وما يأثر .. و ايضا هادى و مافيه زياده زينه و عملي بالمره ..
وان قدرت اوفر لك صوره بحاول ان شاء الله .
والله يوفقكم و سفره سعيده .
تحياتي ............


خصم يصل إلى 25%